अवैध रुपमा ल्याइएको ठुलो परिमाणको सुन त्रिभुवन विमानस्थलमा भेटियो

काठमाडौं, साउन ३ गते । त्रिभुवन अन्तर्राष्ट्रिय विमानस्थलमा अवैध रुपमा ल्याइएको ठूलो परिमाणमा सुन भेटिएको छ । त्रिभुवन अन्तर्राष्ट्रिय विमानस्थल भन्सार कार्यालयका प्रवक्ता अम्बिकाप्रसाद खनालका अनुसार हङकङबाट ल्याइएको सामान चेकजाँच गर्दा सुन भएको खुलेपछि थप अनुसन्धानका लागि राजस्व अनुसन्धान विभागलाई बुझाइएको छ । 

प्रवक्ता खनालका अनुसार १६० सेट प्याक भेटिएको हो । उक्त सामान रेडी प्रालि काठमाडौंले ल्याएको उल्लेख छ । यो सबै सामान चार दिन अगाडि हङकङबाट  प्यासिफिक एयरमा त्रिभुवन अन्तर्राष्ट्रिय विमानस्थलमा ल्याइएको प्रवक्ता खनालको भनाइ छ । 

यो विषयमा थप अनुसन्धान राजस्व अनुसन्धान विभागले गरिरहेको र उक्त सामान सबै मंगलबार नै विभागले लगेको उहाँको भनाइ छ । 

राजश्व अनुसन्धान विभागले बरामद सुन ८० केजी बढी भएको अनुमान गरेको छ । यो विषयमा अनुसन्धान भइरहेको विभागले जनाएको छ । 

यो पनि पढ्नुहोस

• गोरखापत्र अनलाइन
• ३ साउन २०८०, बुधबार

अपडेटः विमानस्थलबाट बरामद सुन ८० किलोभन्दा बढी, तीन जना पक्राउ