काठमाडौं, जेठ २४ गते। निर्देशक केशवराज भट्टको निर्देशनमा तयार भएको ‘धुवाँ धुवाँ’ बोलको गीतको भिडियो सार्वजनिक भएको छ। भट्टले यसअघि गाजलु, मुखै चिलाउने, पहरी फूल, एकै नजरमा, तिमीसँग नजर जुधाई, शीत शीतललगायत दर्जनौँ भिडियो निर्देशन गर्नुभएको छ। निर्देशक भट्ट कुशल कोरियोग्राफर हुनुहुन्छ। उहाँको निर्देशनमा तयार भएको गीत धुवाँ धुवाँ ललितपुरको हरिसिद्धिमा छायाङ्कन गरिएको हो।
गीतमा मोडलद्वय स्मृती श्रेष्ठ र प्राञ्जल न्यौपानेका माध्यमबाट निर्देशक भट्टले वियोगको कथालाई देखाउनुभएको छ। सार्वजनिक गीतमा कमला न्यौपानेको शब्द रहेको छ भने सङ्गीत दिन गजमेरको छ। गीतकार कमला र सङ्गीतकार येदिन साङ्गीतिक क्षेत्रमा यसअघि नै राम्रा राम्रा साङ्गीतिक कोसेली पस्किसक्नुभएका स्रष्टा हुनुहुन्छ।
धिरज श्रेष्ठको एरेन्ज रहेको गीतमा कृष्ण केआर महर्जनको मिक्सिगं तथा मास्टरिगं रहेको छ। उत्सव दाहालको छायाङ्कन रहेको भिडियोको सम्पादन विकाश दाहालले गर्नुभएको हो। प्रकाश न्यौपानेको निर्माणमा तयार भिडियो तरङ्ग द वेभ क्रियशनबाट बजारमा आएको हो।
