काठमाडौं, फागुन २८ गते। गायक सुरेन गौतम र गायिका विद्या तिवारीको स्वर रहेको दुई नजर बोलको गीतको भिडियो रिलिज भएको छ।
विष्णुहरि तिवारीको शब्द, विक्रम थापाको संगीत तथा दिनेश श्रेष्ठको एरेन्ज रहेको गीतमा नायक पुष्प खड्का, केबिका खत्री र सुन्दर दासको अभिनय देख्न सकिन्छ। प्रेम, रोमान्सले भरिएको दुई नजरमा केबीका र पुष्प रोमान्टिक देखिनुहुन्छ।
विष्णुहरि तिमल्सिनाको सम्पादन, उत्सव दाहालको छायांकन तथा मोडल केबिकाकै कोरियोग्राफी रहेको भिडियो गायक सुरेनकै अफिसियल च्यानलबाट बजारमा आएको हो। जसको निर्माता सिर्जना श्रेष्ठ हुनुहुन्छ।
