फिल्म 'बहाव'को 'मन रोग' गीत सार्वजनिक

काठमाडौं, फागुन २८ गते । अभिनेत्री सुरक्षा पन्त अभिनीत फिल्म 'बहाव' को गीत सार्वजनिक भएको छ । ओएसआर डिजिटल युट्यब च्यानलमार्फत फिल्ममा समावेशी 'मन रोग' बोलको गीत सार्वजनिक भएको हो । 

गीतमा सज्जा चौलागाईंको स्वर छ । सुश्मा सिग्देलको शब्द रहेको गीतमा सुशान्त गौतम र रिकेश गुरूङको सङ्गीत छ भने संगीत संयोजन सुशान्त गौतमको छ ।

प्रमोद कँडेलको लेखन तथा निर्देशनमा बनेको फिल्मलाई श्रीधर पौडेलले निर्माण गर्नुभएको हो । फिल्ममा सुरक्षासँगै कमलमणि नेपाल, अफरान अली, सुर्य शर्मा भट्ट, इश्वरी सिंह, हीरालाल कँडेल, पवन श्रेष्ठलगायत कलाकारको अभिनय छ । 

कार्तिकेय स्मिता कर्नाटकले छायांकन गर्नुभएको फिल्मलाई सुजन बडालले सम्पादन गर्नुभएको हो ।

फिल्म आगामी चैत २४ गतेबाट प्रदर्शन हुने तयारीमा छ ।