काठमाडौं, फागुन २२ गते । इङ्लिस प्रिमियर लिग फुटबलमा बलियो टोली म्यानचेस्टर युनाइटेडमाथि लिभरपुलले गोल वर्षा गरेको छ ।
घरेलु मैदानमा सोमबार राति भएको खेलमा लिभरपुलले युनाइटेडलाई ७–० गोलले हरायो । पहिलो हाफमा एक गोल गरेको लिभरपुलले दोस्रो हाफमा ६ गोल थपेको थियो ।
लिभरपुलको जितमा कोडी गाक्पो, डार्विन नुनेज र मोहमद सलाहले दुई दुई अर्को गर्नुभयो । अर्को गोल रोबर्टो फिर्मिन्होले थप्नुभयो । जितसँगै २५ खेलबाट ४२ अङ्क बनाएको लिभरपुल पाँचौँ स्थानमा छ । पराजित युनाइटेड ४९ अङ्कसहित तेस्रो स्थानमा छ । एजेन्सी
