रानूले छोडिदिएको त्यो घर झैँ छ जीवन
आफैँलाई जाइलाग्ने तरवार झैँ छ जीवन ।
छन् अस्तव्यस्त मेरा बाँच्नुका शृङ्खला ती
स्वराज्य हाराएको सरकार झैँ छ जीवन ।
खै के डढ्यो मभित्र धूवाँ छन् चारैतिर
डढेको खुर्सानीको त्यो खार झैँ छ जीवन ।
न ताल छ जीवनमा, सङ्गीत न मुर्छना छ
बज्दा बज्दै छिनेको एक तार झैँ छ जीवन ।
तिम्रो त्यो झुठो माया, झुठा कसमले गर्दा
कलिली विधवाको निधार झैँ छ जीवन ।
-original-thumb.jpg)
