सत (कविता)

तराईको जगमा पहाडको भित्तो छानो हो हिमाल

 हुँदैन घर यी तीनै बिना रहन्न नेपाल

जनताको शक्ति, देशको भक्ति शिर ठाडो पारेर

आपसमा झगडा गरेर यहाँ नबसौँ हारेर 

चुच्चे र बुच्चे काले र गोरे भनेर नसहे

कसरी अग्लो देखिने होला टेक्ने ठाउँ नरहे

 आँगनमा झगडा गरेर यहाँ आफन्त खोज्नेलाई

को देला गुहार, को गर्ला स्याहार भन त दाजुभाइ

झापाको रोटी दार्चुला लगी खाऊ मीठो मानेर

मन्दिर मस्जित गुम्बा सव पुज ईश्वरै भनेर

हिमाल तराई मेची र काली एक घरका जहान

यो ध्वजा समाऊ हात दह्रो बनाउ यही हुन्छ महान्