काठमाडौं, फागुन १० गते । फाल्गुनन्द लिङदेन फिल्म्स् र यल्लीवूड फिल्म्स्काे संयुक्त लगानीमा नेपाली फिल्म ‘तलास २’ को निर्माण हुने भएको छ । दिनेश लिङदेनको निर्देशन रहने फिल्ममा रुद्र पाहिम, पुष्पाञ्जली तिलिङ, शैलेन्द्र नाल्बो, उदय सुब्बा, पूर्ण सेलिङ, राजु घिमिरे, अजय खडका, रिया कन्दङवा, पुन्य ओझा, दिलीप योङहाङ, सागर केरुङ र राजकुमार शाहको अभिनय रहनेछ ।
फिल्म हत्या अपहरण तथा मानव बेचबिखनको चपेटामा नेपाली महिलाहरूले भोग्नु परेको पीडामा आधारित हुनेछ ।
फिल्ममा विकास चौधरीको सङ्गीत, मेचु धिमाल, सुवास राई, विकास चौधरीको स्वर, दिनेश माङ्मुको नृत्य, कुमार श्रेष्ठको द्वन्द्व र सुमन योञ्जनको छायाङ्कन छ । सुदिता लिङ्देनको प्रस्तुति, लिलाराज काम्बाङ सह–निर्माता र शैलेन्द्र नाल्बो निर्माता रहेको फिल्म पूर्वका विभिन्न स्थानमा छायाङ्कन हुनेछ ।
