नवीनराज कुइँकेल
लमजुङ, फागुन २४ गते । लमजुङको सुन्दरबजार नगरपालिका–७ कुमालटारमा अटो दुर्घटना हुँदा शनिबार राति एक जनाको मृत्यु भएको छ । दुर्घटनामा परी सुन्दरबजार नगरपालिका–६ सैनिकटोल बस्ने २९ वर्षीया चुनु गुरुङको मृत्यु भएको लमजुङ प्रहरीले जनाएको छ ।
पाउँदीबाट सुन्दरबजारतर्फ जाँदै गरेको गण्डकी प्रदेश ०३–००१ ह ००४० नम्बरको अटो साँझ ७ः५५ बजेतिर दुर्घटना हुँदा गुरुङको टाउकोमा गम्भीर चोट लागेको थियो । घाइते गुरुङलाई उपचारका लागि नमुना सामुदायिक अस्पताल सुन्दरबजार लगिएकोमा उपचारकै क्रममा राति ८ः५० बजे चिकित्सकले मृत घोषणा गरेको जिल्ला प्रहरी कार्यालय लमजुङका सुचना अधिकारी प्रहरी निरीक्षक अभिषेक पाण्डेले जानकारी दिनुभयो ।
दुर्घटनापछि अटो र चालक सुन्दरबजार नगरपालिका–७ का २५ वर्षीय सञ्जय बसेललाई इलाका प्रहरी कार्यालय सुन्दरबजारले नियन्त्रणमा लिएको छ।
मृतकको पोष्टमार्टमका लागि प्रदेश अस्पताल बेसीसहरमा ल्याईएको र घटनाबारे थप अनुसन्धान भइरहेको प्रहरीले जनाएको छ ।
-square-thumb.jpg)
-original-thumb.jpg)
