गोविन्द शर्मा/सिराज खान
बाँके, असार २८ गते । भौतिक पूर्वाधार तथा यातायात मन्त्री मोहम्मद इस्तियाक राईले साउन लगत्तै विकास निर्माण कार्य तीव्र गतिमा अघि बढ्ने बताउनुभएको छ ।
नेपालगञ्ज उप–महानगरपालिकाले मङ्गलबार आयोजना गरेको स्वागत तथा सम्मान कार्यक्रममा मन्त्री राईले सम्पूर्ण सरकारी निकायसँग समन्वय र सहकार्य गरी अघि बढ्ने बताउँदै दीर्घकालीन योजना सरकारको प्राथमिकतामा रहेको जानकारी दिनुभयो ।
बाँके क्षेत्र नम्बर २ बाट निर्वाचित सांसदसमेत रहनुभएका नवनियुक्त मन्त्री राईले नेपालगञ्जको रुप फेरिने गरी तत्काल दुईवटा योजना कार्यान्वयन गर्न लागिएको जानकारी दिनुभयो ।
