काठमाडौँ, पुस १७ गते । हेल्प नेपाल स्पोर्ट्स क्लब र नेपाल पुलिस क्लब नवौँ एनभीए कप भलिबल च्याम्पियनसिपको पुरुषतर्फ सेमिफाइनलमा प्रवेश गरेको छ ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बिहीबार भएको खेलमा हेल्प नेपालले बुढानिलकण्ठ भलिबल क्लबलाई ३–० को सोझो सेटमा हरायो । हेल्प नेपालले २५–१३, २५–२३, २५–१८ को जित निकालेको हो ।
यस्तै अर्को क्वार्टरफाइनल खेलमा पुलिसले कोशी प्रदेशलाई ३–० को सोझो सेटमा हराउँदै हेल्प नेपालसँगको सेमिफाइनल भिडन्त पक्का गरेको हो । पुलिसले २५–१९, २५–१७, २५–१८ को नजिता निकालेको थियो । सेमिफाइनल खेल शुक्रबार हुने छ ।
