त्रिविक्रम पाण्डे
बुद्ध कहाँ लडाइँलाई जायज ठह-याउँछन्
बुद्ध यहाँ सधैँ शान्तिको बिगुल बजाउँछन्
झगडा कुनै समस्याको समाधान हुँदै हैन
बुद्ध यही कुरा निरन्तर मान्छेलाई बुझाउँछन् ।
अचेल मान्छे काँडा पनि बाटोमा मिल्काउँछन्
तर, बुद्ध बारम्बार दया प्रेम करुणा वर्षाउँछन्
विरही जिज्ञाशु बनेर गौतम त्याग्छन् दरबार
फर्किंदा आखिर महात्मा बुद्ध बनेर फर्किन्छन् ।
बुद्ध अलौकिक ज्ञानको ननिभ्ने दियो बाल्दछन्
बुद्धको सामु सारा ज्ञानी आफ्नो शिर झुकाउँछन्
अमरत्व पाए उनले अनेकौँ दैविक चमत्कार गरेर
बुद्ध हिंस्रक अँगुलीमाललाई अहिंस्रक बनाउँछन् ।
