एमाले सचिवालय बैठक बुधबार बस्ने

काठमाडौं, असार १० गते । नेपाल कम्युनिष्ट पार्टी (एमाले)को सचिवालय बैठक बुधबार बस्ने भएकाे छ ।

ललितपुर च्यासलस्थित एमाले केन्द्रीय कार्यालयमा बुधबार अपराह्न १ बजे सचिवालय बैठक बस्ने निर्णय भएकाे एमाले केन्द्रीय कार्यालयका सचिव डा. भीष्म अधिकारीले राससलाई जानकारी दिनुभयो। उहाँका अनुसार बैठकमा विधान महाधिवेशनको तयारी, समसामयिक राजनीतिक विषयवस्तुमा छलफल हुनेछ । 

एमालेले आगामी भदौ २० देखि २२ गतेसम्म विधान महाधिवेशन ललितपुरको गोदावरीस्थित सनराइज सम्मेलन केन्द्रमा गर्ने निर्णय गरेको छ । रासस