काठमाडौँ, जेठ २१ गते । नेपालले आइसिसी डिजिटल फ्यान इन्गेजमेन्ट अफ दी इयरको अवार्ड जितेको छ ।
अन्तर्राष्ट्रिय क्रिकेट काउन्सिल (आइसिसी) अनुसार नेपालले एसियाली क्षेत्रको आइसिसी डिजिटल फ्यान इन्गेजमेन्ट अफ दी इयरको अवार्ड जितेको नेपाल क्रिकेट सङ्घ (क्यान) ले जनाएको छ । आइसिसीले प्रदान गर्ने आइसीसी डेभलपमेन्ट अवार्डको सूची सार्वजनिक गरेको हो ।
नेपालसँगै यस विधामा अफ्रिकाबाट नामिबिया, अमेरिकाबाट बर्मुडा र इएपी रिजनबाट इन्डोनेसिया विजयी भएका छन् । नेपालले लगातार दोस्रो पटक यो अवार्ड जितेको हो।
