गोरखापत्र समाचारदाता
काठमाडौँ, मङ्सिर २६ गते । पारिवारिक कथामा आधारित चलचित्र ‘श्री बुकुरो : दी होम कलिङ’ को पहिलो पोस्टर सार्वजनिक गरिएको छ । हास्य विधामा बनेको पारिवारिक चलचित्रमा निर्देशक सुदीप भूपाल सिंहको लेखन तथा निर्देशन रहने छ ।
सञ्जय लामा र राजेश श्रेष्ठको छायाङ्कन रहने चलचित्र ५७ दिनमा सकिएको निर्माण पक्षले जनाएको छ । चलचित्र मुस्ताङ, बागलुङ, कास्की, दमौली, मकवानपुर र काठमाडौँमा छायाङ्कन गरिएको छ । चलचित्रमा रञ्जित गजमेर र वसन्त सापकोटाले सङ्गीत दिनुभएको छ । हाल चलचित्र पोस्ट–प्रोडक्सन चरणमा रहेको र चाँडै प्रदर्शनको मिति सार्वजनिक गरिने निर्माण पक्षले जानकारी दिएको छ । लक्ष्मी गिरी, आशीर्वाद क्षेत्री, निकिता आचार्य, प्रतीक राज न्यौपाने, रोशनी कार्की, राजन इसान, दीपिका थापा, लय सङ्ग्रौला, रामबाबु रेग्मी, मोहन निरौला, रश्मि भट्ट, उत्तम केसीलगायतले चलचित्रमा अभिनय गरेका छन् ।
