सिराज खान
नेपालगन्ज, मंसिर २२ गते। नेपालगन्जलाई बेस बनाएर पश्चिम नेपालको भ्रमणमा रहनुभएका पूर्वराजा ज्ञानेन्द्र शाहले शनिबार परिवारका साथ बागेश्वरी मन्दिरको दर्शन गर्नुभएको छ।
गत एक हप्तादेखि नेपालगन्जमा रहनुभएका पूर्वराजा शाह परिवारसहित पश्चिम नेपालकै प्रसिद्ध धार्मिक आस्थाको केन्द्र बागेश्वरी मन्दिरको दर्शन गर्न पुग्नुभयो।
सो अवसरमा पूर्व राजा शाहलाई मन्दिरका मूल महन्त चन्द्रनाथ योगीले मन्दिर दर्शन गराउँदै पूजा गराउनु भएको थियो। सो अवसरमा पूर्व राजा शाहलाई भेट्न ठुलो संख्यामा स्थानीय बागेश्वरी मन्दिरमा पुगेको राष्ट्रिय प्रजातन्त्र पार्टीका सहमहामन्त्री ऋषिराज देवकोटाले बताउनुभयो।
पूर्वराजा ज्ञानेन्द्र शाह, पत्नी कोमल शाह, छोरी प्रेरणा र भतिजी सिताष्मासहित पश्चिम नेपालको भ्रमणका लागि नेपालगन्ज आउनुभएको हो।
नेपालगन्जमा मुकाम बनाएर करिब एक महिना शाहले धार्मिक भ्रमण गर्नुहुने भएको छ।
-square-thumb.jpg)
-original-thumb.jpg)
