टोकियो, वैशाख १ गते । जापानको जनसङ्ख्या १२५ मिलियनभन्दा कम रहेको सरकारी तथ्याङ्कले देखाएको छ । गैर–जापानी बासिन्दाहरू पाँच लाख ९५ हजार वा ०.४८ प्रतिशतले घटेको हो ।
आन्तरिक मामिला तथा सञ्चार मन्त्रालयले गरेको जनसाङ्ख्यिकीय सर्वेक्षण अनुसार जापानी नागरिकहरूको जनसङ्ख्या आठ लाख ३७ हजार वा ०.६९ प्रतिशतले घटेर १२ करोड ११ लाख ९३ हजार रहेको छ ।
अक्टोबर १, २०२३ मा १२ करोड ४३ लाख ५२ हजार रहेको थियो । ७५ वर्ष वा सोभन्दा माथिका व्यक्तिहरूको सङ्ख्या सात लाख १३ हजार बढेर २०.०८ मिलियन पुगेको छ । १४ वर्षसम्मको उमेरका व्यक्तिहरू ३ लाख २९ हजारबाट लगभग १४.१७ मिलियनमा पुगेका छन् ।
कुल जनसङ्ख्याको ११.४ प्रतिशत मात्रै रहेको छ । यो अहिलेसम्मकै सबैभन्दा कम बालबालिकाको सङ्ख्या हो । यसैबिच, विदेशी राष्ट्रिय जनसङ्ख्या दुई लाख ४३ हजारले बढेर बढेर लगभग ३.१६ मिलियन पुगेको छ । मन्त्रालयका अनुसार जापानमा तीन महिना वा सोभन्दा बढी समय बसेका विदेशी कामदार र विद्यार्थीलाई कुल जनसङ्ख्याको आँकडामा गनिएको थियो । देशको ४७ प्रिफेक्चरहरूमध्ये, केवल टोकियोमा जनसङ्ख्या वृद्धि भएको छ । सिन्ह्वा/न्यूज एजेन्सी नेपाल
