रापिड तथा ब्लिट्ज राष्ट्रिय बुद्धिचाल वैशाखमा
रामहरी कृष्ण मानान्धर स्मृति तेस्रो रापिड तथा दोस्रो ब्लिट्ज राष्ट्रिय बुद्धिचाल प्रतियोगिता वैशाखमा हुने भएको छ । काठमाडौँ क्षेत्रपाटी क्लबले आफ्नो संस्थापक अध्यक्ष स्वर्गीय मानान्धरको स्मृतिमा वैशाख १६ देखि १८ गतेसम्म प्रतियोगिता आयोजना गर्न लागेको हो ।
‘किसानलाई उत्पादनमा जोड्न प्रदेश सरकार प्रतिबद्ध’
लुम्बिनी प्रदेशका मुख्यमन्त्री चेतनारायण आचार्यले सिँचाइ व्यवस्थापन र कृषि उत्पादनबिचको सम्बन्धलाई अझ प्रभावकारी बनाउन सरकारले ध्यान दिने बताउनुभएको छ । सिँचाइ दिवसका अवसरमा प्रदेशको ऊर्जा, जलस्रोत तथा सिँचाइ मन्त्रालयद्वारा आयोजित कार्यक्रममा मुख्यमन्त्री आचार्यले जलवायु परिवर्तनका कारण नदी तथा खोला सुक्दै जानु र जमिन सुक्खा बन्दै जानु गम्भीर चुनौतीका रूपमा देखिएको उल्लेख गर्नुभयो ।
छुरा प्रहारबाट घाइते भएका दुई युवकको मृत्यु
बुधबार अपराह्न पाटनको दरबार क्षेत्रमा छुरा प्रहारबाट गम्भीर घाइते भएका झापाका दुई युवकको मृत्यु भएको छ । स्थानीय बिएण्डबी अस्पतालमा उनीहरूको आज बिहान मृत्यु भएको हो ।
चौथो जेसीज कपः क्वाटरफाइनलका खेल हुँदै
बागलुङको बाङ्गेचौर खेलमैदानमा जारी चौथो संस्करणको जेसीज कप फुटबल प्रतियोगितामा बिहीबार क्वाटरफाइनलका बाँकी तीन खेल हुँदैछन् ।
अजिमारामा टुकीलाई बिदा बाह्रमौजामा परैबाट उज्यालो
सुगम मानिने दाङको तुलसीपुर उपमहानगरपालिकाभित्रै पनि अझै आधारभूत सेवाबाट वञ्चित बस्ती छन् । तीमध्ये वडा नं. १ को अजिमारा–अभिधारा टोलमा हालै मात्र विद्युत् पुगेपछि स्थानीयमा उत्साह छ तर नजिकैका केही बस्ती भने अझै अन्धकारमै छन् । अजिमाराका ७० वर्षीय टोपबहादुर न्यौपानेले जीवनभर मटितेलको टुकीको भरमा उज्यालो जोहो गर्नुभयो । विद्युत् नहुँदा मोबाइल चार्ज गर्नसमेत डेढ घण्टा हिँडेर ठाँटीगाउँ पुग्नुपर्ने बाध्यता थियो । १५ दिनअघि गाउँमा बत्ती बल्न थालेपछि उहाँको दैनिक जीवन नै सहज बनेको छ । “अब टुकी बिदा भयो, घरमै उज्यालो छ,” उहाँले खुसी व्यक्त गर्नुभयो ।
डाइभर्सन बगाउँदा हरिवनमा पूर्व–पश्चिम राजमार्ग अवरुद्ध
सर्लाहीको हरिवनस्थित चापिनी खोलामा डाइभर्सन बगाएपछि बिहीबार बिहान ४ बजेदेखि पूर्वपश्चिम राजमार्ग अवरुद्ध रहेको छ ।
सामाजिक विकृति हटाउने योजना
प्रतिनिधि सभा सदस्य निनुकुमारी कर्णले समाजमा देखिने विकृतिलाई हटाउन प्रयास गर्ने बताउनुभएको छ । मधेशमा अहिले युवामा लागुऔषधको प्रयोग विकृतिको रूप लिइसकेकाले यस समस्यालाई रोक्न हरसम्भव प्रयास गर्ने उहाँले बताउनुभयो ।
निर्माण थालेको १२ वर्षपछि सभा हल पुनर्निर्माण सुरु
एक दशकभन्दा अघि निर्माण सुरु भएको सभा हल अब सम्पन्न हुने आशा पलाएको छ। वि.सं. २०७० सालमा उपयोग तथा आयआर्जनसमेत हुने उद्देश्यले दोलखाको सदरमुकाम चरीकोटस्थित भीमेश्वर नगरपालिका–३ मा निर्माण सुरु गरिएको सभा हल यसपालि बजेट विनियोजन भई ठेक्कामा गएपछि पुनः काम सुरु हुन लागेको हो। यससँगै निर्माण सम्पन्न हुने अपेक्षा गरिएको छ।
‘पिछडिएका समुदायको उत्थानमा जोड दिन्छु’
राष्ट्रिय स्वतन्त्र पार्टीबाट समानुपातिक सांसद निर्वाचित हुनुभएका प्रेमलाल चौधरीले पछाडि पारिएका समुदायको सांस्कृतिक, भाषिक र जातीय उत्थानमा आफूले जोड दिने बताउनुभएको छ । मोरङ जिल्लाको सुन्दरहरैँचा नगरपालिका–१२ मा स्थायी बसोवास गर्नुहुने चौधरीको जन्म २०२६ साल असोज १० गते हालको सुन्दहरैँचा–११ मा भएको हो । चौधरीले त्रिभुवन विश्वविद्यालयबाट वित्तशास्त्रमा स्नातकोत्तर गर्नुभएको छ । उहाँले प्रारम्भिक शिक्षा तत्कालीन इन्द्रपुर गाविसस्थित महेन्द्र प्राविबाट सुरु गरी सुकुना माध्यमिक विद्यालयबाट प्रवेशिका उत्तीर्ण गर्नुभएको हो ।
हत्या मुद्दाका फरार अभियुक्त २९ वर्षपछि पक्राउ
२९ वर्ष पहिला हत्या गरेर फरार एक जनालाई प्रहरीले पक्राउ गरेको छ । भीरकोट नगरपालिका–२ का ६३ वर्षीय हेम बहादुर केसी (हेम बहादुर जोगी) लाई जिल्ला प्रहरी कार्यालय स्याङ्जाले भारथान लुवाडाँडाबाट पक्राउ गरेको हो ।
दलित समुदायसँगको क्षमायाचनालाई संस्थागत सुधारसँग जोड्नुपर्छः इन्सेक
अनौपचारिक क्षेत्र सेवा केन्द्र (इन्सेक) ले सरकारले दलित समुदायसँग गरेको क्षमायाचनालाई प्रतीकात्मक कार्यमा सीमित नराखी त्यसलाई नीतिगत, कानुनी तथा संस्थागत सुधारसँग जोड्नुपर्नेमा जोड दिएको छ ।
प्रहरीमा दर्ता जाहेरी तथा निवेदनको प्रगति अब ‘फोन वा एसएमएस’बाटै
तपाईंले प्रहरीमा कुनै गुनासा, उजुरी तथा जाहेरी दिएर त्यसको कार्यान्वयन कहाँसम्म पुग्यो भनी जानकारी लिन हैरानी झेल्नुभएको छ रु यदि त्यस्तो समस्यामा पर्नुभएको छ भने अब त्यस्ता समस्या बेहोरिरहनु पर्ने छैन । अब त्यो जानकारी तपाईंको मोबाइलमै आइपुग्ने छ ।
चौबिस किलोमिटर सडक कालोपत्रे
बागमती प्रदेशको भौतिक पूर्वाधार विकास मन्त्रालयले चालु आर्थिक वर्षको चैत अन्तिमसम्म प्रदेशभर २४.८७ किलोमिटर सडक कालोपत्रे गरेको जनाएको छ । सो अवधिमा १९.० दुई किलोमिटर सडक ढलान तथा १८.२१ किलोमिटर सडकमा ग्राभेल कार्य सम्पन्न गरिएको मन्त्रालयले सार्वजनिक गरेको तथ्याङ्कमा उल्लेख छ । साथै १२ वटा नयाँ सडक पुल निर्माण सम्पन्न भएका छन् ।
लुम्बिनी प्रदेशमा दूध र मासु उत्पादनका लागि भैँसीको वंश सुधार कार्यक्रम
लुम्बिनी प्रदेश सरकारले प्रदेशमा भैँसीको वंश सुधार कार्यक्रममार्फत दुग्ध तथा मासु उपादकत्व वृद्धि गर्ने योजना अघि बढाउने भएको छ । आयोजनालाई अघि बढाउन लुम्बिनी प्रदेश सरकारले भैँसी वंश सुधारका क्षेत्रमा कार्यरत विज्ञहरूसँग छलफलसमेत गरिसकेको छ ।
बैतडीमा ६६ हजारभन्दा बढी नागरिक स्वास्थ्य बिमामा आबद्ध
स्वास्थ्य बिमा सम्पर्क कार्यालय बैतडीका प्रमुख अनिलचन्द्र जोशीले हालसम्म यहाँका १६ हजार ४४१ परिवारका ६६ हजार २४७ जना बिमा कार्यक्रममा आबद्ध भएका बताउनुभयो ।
घोप्टेभिरको भित्ता काटिएसँगै यातायात सुचारु
पृथ्वी राजमार्ग अन्तर्गत मुग्लिङ–कुरिनटार केबुलकार क्षेत्रमा पर्ने चितवनको घोप्टेभिरको भित्ता काट्ने काम सकिएसँगै यातायात सञ्चालन सुचारु भएको छ । नागढुङ्गा–मलेखु सडक स्तरोन्नतिका लागि छ दिन सडक बन्द गराएर भित्ता काट्ने काम गरिएको थियो । नागढुङ्गा–मलेखु सडक आयोजना अन्तर्गत पश्चिम खण्ड मुग्लिङ–मलेखु सडकका प्रमुख सजना अधिकारीले रातको समयमा आवागमन बन्द गराएर गरिएको भित्ता काट्ने काम सकिएको जानकारी दिनुभयो ।
दोस्रो आर्थिक गणना, २०८२ का गणकलाई आजदेखि पाँचदिने तालिम
राष्ट्रिय तथ्याङ्क कार्यालयले सञ्चालन गर्न लागेको दोस्रो राष्ट्रिय आर्थिक गणना, २०८२ का लागि छनोट भएका गणकका लागि पाँचदिने तालिम कार्यक्रम आजदेखि देशभर एकैसाथ सुरु हुँदैछ ।
‘तीन तहको सरकारबिच सहकार्य आवश्यक’
बागमती प्रदेशका मुख्यमन्त्री इन्द्रबहादुर बानियाँले समन्वय, सहकार्य र सहअस्तित्व नै गणतन्त्रको मूल मर्म भएको बताउनुभएको छ । बागमती प्रदेश सभाको १७ औँ अधिवशेन सुरु भएको पहिलो बैठकमा बोल्दै उहाँले समृद्धिका लागि तीन तहको सरकारबिच समन्वय सहकार्य आवश्यक भएको बताउनुभयो । मुख्यमन्त्री बानियाँलेले सङ्घीय सरकारसँग सहकार्य गरेर सङ्घीयतालाई बलियो बनाउन र जनताका आकाङ्क्ष पूरा गर्न तयार हुनुपर्ने भन्दै यसका लागि प्रदेश सरकार तयार रहेको बताउनुभयो ।
आज जनआन्दोलन दिवस मनाइँदै
नेपालमा प्रजातन्त्र पुनर्बहाली भएको दिनको सम्झनामा आज विभिन्न कार्यक्रम आयोजना गरी जनआन्दोलन दिवस मनाइँदै छ ।
हत्यामा संलग्न रहेको अभियोगमा चार जना पक्राउ
केन्द्रीय प्रहरी समाचारकक्षका अनुसार सोही नगरपालिका–१४ बेखम्चाका २१ वर्षीय सुनिल राई, ४४ वर्षीय चन्द्रकुमार राई, २७ वर्षीय सुरज राई र २६ वर्षीय राजेश दर्जीलाई बुधबार पक्राउ गरिएको हो ।
पचपन्न लाख लागतमा खेलमैदान निर्माण
मालिका गाउँपालिका–६ डाँडागाउँमा पाखो सम्माएर हिमाली युवा क्लवको सामुदायिक भवन र खेलमैदान निर्माण भएको छ ।
समावेशीकरणको दिशामा नयाँ फड्को : गोरखापत्रद्वारा प्रकाशित उर्दू भाषा
समावेशीकरणको दिशामा नयाँ फड्को : गोरखापत्रद्वारा प्रकाशित उर्दू भाषा
समावेशीकरणको दिशामा नयाँ फड्को : गोरखापत्रद्वारा प्रकाशित धिमाल भाषा
समावेशीकरणको दिशामा नयाँ फड्को : गोरखापत्रद्वारा प्रकाशित धिमाल भाषा
बुटवल–नारायणगढ सडक अवरुद्ध
वर्षाका कारण बुटवल–नारायणगढ सडकमा यातायात सेवा अवरुद्ध भएको छ । पूर्वपश्चिम राजमार्गअन्तर्गत नवलपरासी(बर्दघाट सुस्तापूर्व)को विनयी त्रिवेणी गाउँपालिका–२ दाउन्ने खण्डमा हिलो र चिप्लो हुँदा दाउन्ने खण्ड पूर्णरूपमा अवरुद्ध भएको हो ।
अभद्र व्यवहार मुद्दामा दुई जना पक्राउ
सप्तरी प्रहरीले अभद्र व्यवहार मुद्दामा संलग्न दुई जना प्रतिवादीलाई पक्राउ गरिएको छ। अभद्र व्यवहार मुद्दामा सप्तरीको महादेवा गाउँपालिका–६ निवासी २८ वर्षीय ललटु यादव र राजविराज नगरपालिका–१० निवासी २५ वर्षीय ओमकुमार मण्डललाई पक्राउ गरिएको प्रहरी नायब उपरीक्षक डम्बरबहादुर पुरीले जानकारी दिनुभयो।
