बाढीद्वारा मेलम्ची–हेलम्बु सडकमा क्षति, हेलिकप्टरबाट सुत्केरीकाे उद्धार
गएरातिको अविरल वर्षाका कारण मेलम्ची–हेलम्बु सडकको विभिन्न खण्ड बगाएको छ । हेलम्बु गापा–४ स्थित सडक बगाएका कारण बिहानैदेखि उक्त सडक अवरुद्ध भएको छ । त्यसकारण यातायातका साधन ठप्प छन् ।
बाढीले मेलम्ची–हेलम्बु सडक अवरुद्ध
गए रातिको वर्षासँगै आएको बाढीले मेलम्ची–हेलम्बु सडकखण्डको ठाउँ–ठाउँमा बाटो बगाउँदा यातायात सेवा अवरुद्ध भएको छ । बाढीले हेलम्बुको चनौटेमा गत वर्षको बाढीपछि बनाइएको सडक क्षतविक्षत बनेको स्थानीय बलसित खड्काले जानकारी दिनुभयो । यस्तै हेलम्बुको ढुङ्गेबजार र मेलम्चीको सीमखेतमा पनि सडक अवरुद्ध भएको मेलम्चीका श्याममणि चालिसेले बताउनुभयो । गए राती भारी वर्षा हुँदा हेलम्बुका ग्याल्थुमलगायत क्षेत्रका बासिन्दा घर बाहिर बस्न बाध्य भएका थिए ।
नेपाल–चीन सीमा सडक जीर्ण
उत्तरी सीमा जोड्ने २६ किलोमिटर लामो बाह्रबिसे–चीन सडक मर्मत–सम्भार अभावमा जीर्ण बन्दै गएको छ । माथिबाट भेलबाढीसहित आएको पहिरो र तलबाट भोटेकोसी नदीले कटान गरेपछि सडक जीर्ण बन्न पुगेको हो ।
दुई अस्पतालमा स्वास्थ्य बीमा बन्द
भरतपुरका दुई ठूला अस्पतालले स्वास्थ्य बीमा कार्यक्रमअन्तर्गत प्रदान गरिने उपचार बन्द गरेका छन् । स्वास्थ्य बीमाबाट सरकारले उपलब्ध गराउनुपर्ने रकम नदिएका कारण बीमा सेवा बन्द गर्नुपरेको अस्पतालले सूचना प्रकाशित गरेर जानकारी गराएको छ ।
सुनकोसीले बगाउँदा दुई बालक बेपत्ता
बनेपा, साउन ४ गते। काभ्रेपलाञ्चोकको तेमाल गाउँपालिका–३ का दुई बालक बुधबार सुनकोसी नदीले बगाएर बेपत्ता भएका छन्। तेमाल गाउँपालिकाको वडा नम्बर २ स्थित लामबगरमा बुधबार दिउँसो पौडी खेल्ने क्रममा नदीले बगाएर उनीहरू बेपत्ता भएको प्रहरीले जनाएको छ।जिल्ला प्रहरी कार्यालय काभ्रेपलाञ्चोकका प्रहरी नायब उपरीक्षक हरि खतिवडाका अनुसार बेपत्ता हुनेमा तेमाल गाउँपालिका–३ चौथली बस्ने सोम माझीको छोरा वर्ष ११ को समीर माझी र सोही ठाउँका कुलबहादुर माझीको छोरा वर्ष ८ को कान्छो माझी रहेका छन्। पौडी खेल्ने क्रममा बगाएर बेपत्ता भएको दुई बालकको खोजीकार्य जारी रहेकोमा अझैसम्म पनि फेला नपारेको प्रहरी नायब उपरीक्षक खतिवडाले बताउनुभयो। बेपत्ता बालकको खोजीकार्यको लागि प्रहरी टोली खटाएको जिल्ला प्रहरी कार्यालय काभ्रेपलाञ्चोकले जनाएको छ। रासस
भेटेरिनरीको नयाँ भवन बन्ने
ढिलै भए पनि लामो समयदेखि जीर्ण भवनमा सञ्चालन हुँदै आएको दोलखा र सिन्धुपाल्चोक कार्यक्षेत्र रहेको भेटेरिनरी अस्पताल तथा पशु सेवा विज्ञ केन्द्र चरीकोटको नयाँ भवन निर्माण हुने भएको छ ।भूकम्पले भत्काएको जीर्ण भवन निर्माणका लागि बागमती प्रदेशबाट डेढ करोड रुपियाँ बजेट विनियोजन भएपछि भवन निर्माण हुने भएको भेटेरिनरी अस्पताल तथा पशु सेवा विज्ञ केन्द्र चरीकोटका निमित्त प्रमुख पलट चौधरीले जानकारी दिनुभयो ।
ठेकेदार भागे, भवन र मजदुर अलपत्र
जिल्ला सदरमुकाम मन्थलीमा निर्माणाधीन १५ श-याको अस्पतालमा काम गर्ने मजदुरहरू भुक्तानी नपाएपछि समस्यामा परेका छन् । अस्पताल निर्माणको काम निर्माण कम्पनीले अलपत्र अवस्थामा छाडेपछि गत मङ्सिरदेखि मजदुरहरू भुक्तानी नपाएर समस्यामा परेका हुन् ।
खण्डहर बन्दै नेपाल–चीन सीमा सडक (फाेटाे फिचरसहित)
उत्तरी चीन सीमा जोड्ने २६ किलोमिटर बाह्रबिसे–चीन सीमा सडक बिग्रेको छ । वर्षा, बाढी पहिरोको कारण सो सडकको अवस्था नाजुक बनिरहेको छ ।
दुई सय तेह्र जनामा डेङ्गुको सङ्क्रमण
जिल्लामा गत आर्थिक वर्षमा २१३ जनामा डेङ्गुरोगको सङ्क्रमण देखिएको छ । तीन हजार ५६४ जनाको परीक्षणका क्रममा सो सङ्ख्यामा सङ्क्रमण देखिएको हो ।
गैँडाको मृत्युदर घटाउन विज्ञ टोली
गैँडा मृत्यु सङ्ख्या बढेको समस्या निराकरणका लागि सरकारले विज्ञहरू सम्मिलित टोली गठन गरेको छ । गैँडाको मृत्युदर घटाउन र चितवन राष्ट्रिय निकुञ्जबाट गैरकानुनी तरिकाले हुने अङ्ग–प्रत्यङ्गको ओसारपसार तथा खरिद बिक्री अन्त्य गर्न वन तथा वातावरण मन्त्रालयले विज्ञ टोली गठन गरेको हो ।
अशक्त बालिका करणी गर्ने पक्राउ
सुस्तमनस्थिति भएकी बालिकालाई जबरजस्ती करणी गरेको आरोपमा ५६ बर्षीय पुरुष पक्राउ परेका छन् ।
कारागारको प्रशासनिक भवन तयार
पाँच महिनामा निर्माण सम्पन्न गर्ने लक्ष्यका साथ निर्माण सुरु गरिएको जिल्ला कारागार कार्यालय काभ्रेको प्रशासनिक भवन १७ महिनापछि निर्माण सम्पन्न भएको छ । दुईतले प्रशासनिक भवनको सोमबार काभ्रेका प्रमुख जिल्ला अधिकारी हुमकला पाण्डेले उद्घाटन गर्नुभएको हो ।
सबै विद्यालयमा नर्सको व्यवस्था गरिने
बागमती प्रदेशका स्वास्थ्यमन्त्री नीमा लामाले प्रदेशभित्रका १३ जिल्लाका ११९ वटै स्थानीय तहमा रहेका माध्यमिक विद्यालयमा ‘एक विद्यालय, एक नर्स’को व्यवस्था गरिने बताउनुभएको छ । आइतबार धुलिखेल अस्पतालको २५औँ वार्षिकोत्सव कार्यक्रमअन्तर्गत आयोजना गरिएको ‘बेसिक लाइफ सपोर्ट डे’ कार्यक्रममा मन्त्री लामाले प्रदेशभित्रका सबै माध्यमिक विद्यालयमा नर्सको व्यवस्था गरिने बताउनुभएको हो । मन्त्री लामाले प्रदेश सरकारले हालस
नागपोखरीको सुनचाँदी चोरी गर्ने तीनजना पक्राउ
प्रहरीले नक्साल नागपोखरीस्थित सन्तोषी माताको मूर्तिमा जडित सुनचाँदीको गरगहना चोरी गर्ने तीन जनालाई पक्राउ गरेको छ ।
बागमती प्रदेशसभा बैठक साउन ५ गते
बागमती प्रदेशसभाको बैठक यही साउन ५ गते बस्ने भएको छ । प्रदेशसभाको १० औँ अधिवेशनको २६ औँ बैठक साउन ५ गते बिहीबार दिनको १ बजे बस्ने निर्णय भएकोे प्रदेशसभा सचिवालयले जनाएको छ ।
लागूऔषधसहित भारतीय नागरिक पक्राउ
प्रहरी प्रभाग नागढुङ्गाबाट खटिएको प्रहरी टोलीले महोत्तरीको गौशालाबाट काठमाडौं आउँदै गरेको बा४ख ५१४४ नम्बरको यात्रुबाहक बसमा सवार भारत विहारका १८ वर्षीय विवेक कुमारलाई आइतबार पक्राउ गरेको हो ।
औषधिको मूल्य समायोजन मूल्यवृद्धि होइन : महानिर्देशक भट्टराई
औषधि व्यवस्था विभागले मूल्य समायोजन प्रक्रिया अगाडि बढाएको छ । लामो समयदेखि औषधिको मूल्य समायोजन हुन नसकेको भन्दै विभागले मूल्य समायोजन प्रक्रिया अगाडि बढाएको विभागका महानिर्देशक भरत भट्टराईले बताउनुभयो ।
काभ्रेमा तीन वर्षपछि डेङ्गु–सङ्क्रमण
जिल्लामा तीन वर्षपछि तीन स्थानमा लामखुट्टेको टोकाइबाट लाग्ने डेङ्गु रोगको सङ्क्रमण देखिएको छ । दुई हप्ताअघि पाँचखालमा देखिएको डेङ्गुको सङ्क्रमण हाल धुलिखेल र पनौती क्षेत्रमा पनि देखिएको हो । पनौती नगरपालिका–५ सुब्बागाउँका एक ६८ वर्षका पुरुष डेङ्गुको सङ्क्रमणका कारण धुलिखेल अस्पतालमा दुई दिनदेखि उपचारत हुनुहुन्छ । पनौती नगरका स्वास्थ्य शाखा प्रमुख पुरुषोत्तम तिमल्सिनाका अनुसार सङ्क्रमित ती पुरुषको स्वास्थ्य अवस्था उपचार सुरु गरिएपछि सुधारोन्मुख रहेको छ । उहाँले जिल्ला स्वास्थ्य कार्यालय र नगर स्वास्थ्यको टिमले संयुक्तरुपमा आज पनौतीमा भएको सङ्क्रमणको स्रोतबारे स्थानीयस्तरमा अनुगमन गर्ने बताउनुभयो । “हाम्रो टिमले रोगको स्रोतको ‘सर्च एण्ड डिस्ट्रोय’ गर्नेछ”, उहाँले भन्नुभयो ।
‘सबै बस्तीमा बिजुली पु-याउँछौँ’
सिन्धुली जिल्लाका नौवटा स्थानीय तहमध्ये हरिहरपुरगढी गाउँपालिका विकासका दृष्टिले पछाडि परेको पालिका हो । गाउँपालिकाका नवनिर्वाचित अध्यक्ष बज्रध्वज वाइवाले अबको पाँच वर्षभित्रमा पालिकाका सबै बस्तीमा राष्ट्रिय प्रसारण लाइनको बिजुली पु-याउने आफ्नो योजना रहेको बताउनुभएको छ ।
दुई हजार पिन्ट रगत सङ्कलन
धादिङ जिल्लामा आर्थिक वर्ष २०७८/७९ मा दुई हजार १५३ पिन्ट रगत सङ्कलन भएको छ । गत वर्षको साउन १ गतेदेखि शनिबारसम्ममा ३८ वटा सङ्घ, संस्थाको आयोजनामा भएको रक्तदान कार्यक्रमबाट ५२३ जना महिलासहित दुई हजार १५३ पिन्ट रगत सङ्कलन गरिएको धादिङ रेडक्रसका उपमन्त्री नारायणकुमार श्रेष्ठले जानकारी दिनुभयो ।
भृकुटी मण्डप आगलागीको छानबिन हुन्छ : गृहमन्त्री खाण
गृहमन्त्री बालकृष्ण खाणले समाज कल्याण परिषद्को भृकुटी मण्डपमा रहेको स्टोरमा भएको आगलागीको छानबिन गर्ने बताउनु भएको छ ।
चार सय घर परिवारलाई फोहोर व्यवस्थापनसम्बन्धी जानकारी
काठमाडाैँ महानगरपालिकाले कोटेश्वरस्थित दीपनगर टोलका चार सय घर परिवारलाई फोहोर व्यवस्थापनसम्बन्धी जानकारी गराइएको छ ।
गैँडा मर्ने क्रम बढ्यो
चितवन राष्ट्रिय निकुञ्ज र आसपासका वन क्षेत्रमा प्राकृतिक कारणले गैँडा मर्ने क्रम बढेको छ । एक वर्षमा यहाँ ३६ गैँडा मरेका छन् । मरेकामध्ये दुईवटा चोरीसिकारीले मारेका हुन् भने ३६ वटा प्राकृतिक कारणले मरेको निकुञ्जका रेन्जर अजित यादवले जानकारी दिनुभयो । अघिल्लो आर्थिक वर्षको यही अवधिमा चितवनमा ३३ वटा गैँडा प्राकृतिक कारणबाट मरेका थिए । रेन्जर यादवले भन्नुभयो, “प्राकृतिक कारणले गैँडा मर्ने क्रम देखिएको छ । प्राकृतिक कारणले मर्नेमध्ये पनि यो वर्ष सबैभन्दा बढी एकआपसमा जुधेर मरेका छन् ।”
‘विदुरलाई पर्यटनको हब बनाउँछौँ’
नुवाकोट जिल्लाका १२ स्थानीय तहको एक विदुर नगरपालिकाले शिक्षा र स्वास्थ्य र पर्यटन प्रवद्र्धन पहिलो प्राथमिकतामा राखेको छ ।नगरप्रमुखमा निर्वाचित भएपछि राजन श्रेष्ठले वैदेशिक रोजगारीबाट फर्किएकालाई पालिकाभित्रै दिगो विकासमा लगाउने, शिक्षा, बालबालिका, कृषि क्षेत्रमा सुधार गर्ने काम गर्ने बताउनुभएको छ । विशेषतः प्रत्येक वडाको आवश्यकताका आधारमा विकास गर्ने योजनामा लागिरहेको उहाँले गोरखापत्रसँग बताउनुभयो ।
घरबास उठ्ने अवस्थामा उपभोक्ता
रामेछाप जिल्लाको खाँडादेवी गाउँपालिकाको सिँचाइ आयोजनामा एउटाले गरेको काममा अर्कैलाई भुक्तानी दिइएको छ । पालिकाको वडा नम्बर ९, पिङ्खुरीस्थित बँेसीटोल सिँचाइ आयोजनामा एउटा समितिले गरेको काम देखाएर किर्ते प्रमाण राखी जलस्रोत तथा सिँचाइ विकास डिभिजन कार्यालय रामेछापले अर्कै उपभोक्ता समितिलाई दुई पटक गरी २१ लाख ६० हजार रुपियाँ भुक्तानी दिएको हो । काम नै नगरी किर्ते कागज बनाए
