• गोरखापत्र अनलाइन
• ३ वैशाख २०८०, आइतबार

नयाँ वर्षमा पर्यटकले भरियो बन्दीपुर

बन्दीपुर नेपालीहरूको नयाँ वर्षको अवसरमा घुम्नका लागि धेरैको रोजाइमा परेको छ। नेपाली नयाँ वर्षमा पर्यटकीय नगरी बन्दीपुर भरिभराउ भएको छ। बन्दीपुर पर्यटन विकास समितिका अध्यक्ष किसान प्रधानले नयाँ वर्षमा आन्तरिक पर्यटक खचाखच भरिएको जानकारी दिनुभयो । नयाँ वर्षको अवसरमा बन्दीपुर सांस्कृतिक तथा मौलिक तथा परम्परागत सडक खाना महोत्सव गरिएको र पर्यटकको भिड लागेको उहाँले जानकारी दिनुभयो। बन्दीपुरको होटलमा बास बस्न आउने पहिलो पाहुनालाई एक रुपियाँमै बस्ने सुविधा प्रदान गरिएको प्रधानले बताउनुभयो।