राष्ट्रपति भण्डारी मुस्ताङमा
राष्ट्रपति विद्यादेवी भण्डारी हिमालपारिको जिल्ला मुस्ताङ पुग्नुभएको छ । हिन्दु तथा बौद्ध धर्मावलम्बीहरूको पवित्र तीर्थस्थल मुक्तिनाथ दर्शन एवम् भगवान् बुद्धको मूर्ति अनावरण र भगवान् विष्णुको मूर्ति शिलान्यास गर्ने कार्यक्रमका लागि राष्ट्रपति भण्डारी मुस्ताङ आइपुग्नु भएको हो ।
भकिम्लीवासीले बनाए सुविधासम्पन्न विद्यालय भवन
यहाँका एक गाउँका स्थानीयवासीको सक्रियतामा करोडौँ रकम जुटाएर गाउँमा सुविधासम्पन्न विद्यालय भवन निर्माण गरेका छन् । सामूहिक एकता र इच्छाशक्ति भए नमुना काम गर्न सकिने म्याग्दीको बेनी नगरपालिका ३ भकिम्लीका स्थानीयहरूले उदाहरण प्रस्तुत गरेका छन् ।
राष्ट्रपति भण्डारीद्वारा मुक्तिनाथ मन्दिरको दर्शन
राष्ट्रपति विद्यादेवी भण्डारीले मुस्ताङको मुक्तिनाथ मन्दिरको दर्शन गर्नुभएको छ । शुक्रवार बिहान मन्दिर परिसरमा निर्माण भएको बुद्धको मूर्तिको अनावरण गर्न मुक्तिनाथ क्षेत्र पुग्नुभएसँगै उहाँले मन्दिरको दर्शन गर्नुभएको हो ।
मतदाता शिक्षा अभियानमा स्वयंसेविका
मङ्सिर ४ गते हुने प्रतिनिधि सभा तथा प्रदेश सभा निर्वाचनमा मतदातालाई मतदान प्रक्रियाबारे सचेत गराउने उद्देश्यले बागलुङका सबै वडाहरूमा मतदाता शिक्षा सञ्चालनको तयारी गरिएको छ। निर्वाचन आयोगको निर्देशिकाअनुसार जिल्लाका दसवटै स्थानीय तहले सबै वडामा कार्यरत स्वास्थ्य स्वयंसेविकालाई मतदाता शिक्षा जनशक्तिका रूपमा तयार गरेका हुन्।
‘क्यालिब्रेसन’ उडानको तयारी
पोखरा अन्तर्राष्ट्रिय विमानस्थलबाट ‘क्यालिब्रेसन’ उडानको तयारी गरिएको छ। विमानस्थल सञ्चालनका लागि पूर्व रिठेपानी डाँडा कटान सकिएलगत्तै क्यालिब्रेसन उडान हुने जनाइएको छ। विमानस्थल आयोजना प्रमुख विनेश मुनाकर्मीका अनुसार एक हप्ताको सूचनापछि डाँडा कटान सुरु हुनेछ। रिठेपानी डाँडा १४ मिटर काटेपछि परीक्षण उडान गर्न सकिने प्रमुख मुनाकर्मीले बताउनुभयो।
चिया खुवाउँदै भोट माग्दै
जनतासँग भोट माग्नका लागि उम्मेदवारले अनेक उपाय रच्न थालेका छन्। कोही खेतबारीमै पुगेर धान काट्न र झार्न सघाउने, कोही खुट्टा ढोग्ने, कोही घाँसको भारी बोक्नेलगायत यस्तै यस्तै गतिविधि सञ्चालन गर्दै आएका छन्।
तनहुँमा डेंगुका बिरामी बढे
तनहुँमा डेंगुको सङ्क्रमण बढेको छ । सदमुकाम दमौलीसहितका अस्पतालमा डेंगुका बिरामीको चाप बढेको हो।
राष्ट्रपति भण्डारी शुक्रबार मुस्ताङ जानुहुने
राष्ट्रपति विद्यादेवी भण्डारी शुक्रबार मुस्ताङ भ्रमणमा आउनुहुने भएको छ । राष्ट्रपति भण्डारीले त्यहाँको प्रसिद्ध धार्मिकस्थल मुक्तिनाथको दर्शनसँगै भगवान बुद्धको मूर्ति अनावरण र भगवान् विष्णुको मूर्ति शिलान्यास गर्ने कार्यक्रम तय भएको छ ।
नरभक्षी चितुवा मार्न प्रशासनको आदेश
निरन्तर रुपमा तनहुँमा आतङ्क मच्चाइरहेको नरभक्षी चितुवा मार्न स्थानीय प्रशासनले आदेश दिएको छ । प्रशासनले बुधबार स्थानीय प्रशासन ऐन २०२८ को दफा ९(४) बमोजिम नरभंक्षी चितुवा मार्न सशस्त्र प्रहरी र जनपथ प्रहरीलाई आदेश दिएको हो ।
मनाङमा चुनावी सरगर्मी बढ्दै
हिमाली जिल्ला मनाङमा तीन राजनीतिक दलबीच प्रतिस्पर्धा हुने भएको छ । विसंं २०७४ को निर्वाचनमा भने यहाँ दुई दलबीच प्रतिस्पर्धा भएको थियो । आगामी मङ्सिर ४ गते हुने प्रतिनिधिसभा र प्रदेशसभा सदस्य निर्वाचनमा सत्ता साझेदार नेपाली कांग्रेस, नेकपा ९एमाले० र राष्ट्रिय स्वतन्त्र पार्टीबीच प्रतिस्पर्धा हुने भएको छ ।
अतिक्रमणको चपेटामा सिकार आरक्ष
नेपालको एक मात्रै सिकार आरक्ष ढोरपाटन सिकार आरक्ष केन्द्र अतिक्रमणको चपेटामा परेको छ। बागलुङ, म्याग्दी र रुकुम गरी तीन जिल्लामा फैलिएको सिकार आरक्षको १७५ हेक्टर जमिन अतिक्रमण भएको हो। आरक्ष केन्द्रले गत वर्ष म्याग्दीको गुर्जाघाटमा भएको करिब १० हेक्टर अतिक्रमित भूभाग खाली गराएको थियो। उक्त क्षेत्रमा म्याग्दीका स्थानीयवासीले अस्थायी टहरा निर्माण गरी मौसमी बसाइ गर्दै आएका थिए।
मतदातालाई भोट हाल्न सिकाउँदै उम्मेदवार
प्रतिनिधि सभा तथा प्रदेश सभा सदस्य पदको निर्वाचनका लागि चुनावमा होमिएका विभिन्न दलका उम्मेदवार चुनाव प्रचारमा केन्द्रित भएका छन्। अहिले उनीहरू ग्रामीण भेगमा घरदैलो र मतदातालाई भेटघाट गर्दै मतदान गर्दा बदर नहुने गरी मतदान गर्नसमेत सिकाइरहेका छन्।
फूल बेचेर मनग्गे आम्दानी
कालीगण्डकी गाउँपालिकामा तिहारको समयमा सयपत्री फूल बिक्री गरेर मनग्गे आम्दानी भएको छ। गाउँपालिकाले तिहारका लागि व्यावसायिक फूल खेती गराएको थियो।
भूमिगत पार्किङमा महानगरको डोजर
पोखरा महानगरपालिकाले भूमिगत पार्किङस्थल खाली गराउन थालेको छ। कर छुटको सुविधा लिएर भवन निर्माण गरिएका व्यापारिक भवनहरूको ‘अन्डरग्राउन्ड’ खाली गराउन थालिएको हो। घरधनी तथा व्यापारीहरूले ‘अन्डरग्राउन्ड’ पार्किङहरूलाई व्यापारिक प्रयोजनमा प्रयोग गरेको पाइएपछि ३५ दिने सूचना नै जारी गरी खाली गराउन थालेको पोखरा महानगरपालिकाले जनाएको छ। सूचना जारी गर्नुअघि पनि पटक–पटक हटाउन अनुरोध गरिएको थियो।
चितुवाको आक्रमणबाट बालकको मृत्यु
तनहुँमा नरभक्षी चितुवाको आक्रमणबाट एक बालकको मृत्यु भएको छ ।
पर्यटकीय क्षेत्रमा चहलपहल बढ्दै
पूर्वी नवलपरासीमा रहेका पर्यटकीय क्षेत्रमा चहलपहल बढ्दै गएको छ । अन्य समयमा सुनसान जस्ता देखिने पर्यटकीय क्षेत्रमा अहिले आन्तरिक पर्यटकको चहलपहल देखिएको छ ।
बागलुङका ३५ प्रतिशत केन्द्र अति संवेदनशील
बागलुङका ३५ प्रतिशत मतदान केन्द्र सुरक्षाको दृष्टिले अति संवेदनशील सूचीमा राखिएको छ । सुरक्षाका दृष्टिकोणले तीन तहमा मतदानस्थललाई वर्गीकरण गरिएको हो ।
ग्रामीण क्षेत्रमा भीर महको सिजन सुरु
लमजुङको ग्रामीण भेगमा भीर महको सिजन सुरु भएको छ । विशेषतः पर्यटकीय गाउँमा भीर मह काढ्ने गरिन्छ । गाउँपिच्छे फरक फरक भीरमा मह काढने चलन छ ।
पर्यटकलाई आकर्षित गर्न घोडेपानीमा घोडादौड प्रतियोगिता हुने
म्याग्दीको प्रसिद्ध पर्यटकीय स्थल अन्नपूर्ण गाउँपालिका ६ स्थित घोडेपानीमा पर्यटकलाई आकर्षित गर्न घोडादौड प्रतियोगिताको आयोजना गरिने भएको छ । कोरोनाका कारण थला परेको पर्यटन व्यवसायलाई उकास्न यहाँका घोडा व्यवसायी,टोल सुधार समिति,आमा समूह र पर्यटन व्यवस्थापन समितिको संयुक्त पहलमा यहि कात्तिक १७ गते विहिवार घोडा दौड प्रतियोगिताको आयोजना गरिने भएको हो ।
सेवा दिने कार्यालयमा सेवाग्राहीलाई सास्ती
जिल्ला प्रशासन कार्यालय तनहुँमा सेवाग्राहीले घण्टौँ पालो कुर्नुपर्ने बाध्यता रहेको छ। प्रशासन कार्यालयमा कर्मचारी थोरै हुँदा काम ढिलो हुने गरेकाले सेवाग्राहीको भीड लाग्ने गरेको छ।
भीरमह काढ्ने मौसम सुरु
लमजुङको ग्रामीण भेगमा भीरमह सिकारको मौसम सुरु भएको छ। भीरमहको सिकार पर्यटन प्रवद्र्धनका लागि आकर्षक मानिएको छ। गाउँपिच्छे फरक–फरक भीरमा मह सिकार गर्ने प्रचलन छ। सामुदायिक रूपमा भीरमह सिकार गर्ने यहाँको पुरानै परम्परा हो। गाउँहरूले मिलेर भीरमह सिकार गरी आपसमा बाँड्ने गरिन्छ।
म्याग्दीका उम्मेदवार श्रेष्ठ र गर्बुजालाई २४ घण्टे स्पष्टीकरण माग
मतदातालाई प्रभावित पार्ने गरी निर्वाचन आचारसंहिता विरुद्धका गतिविधि गरेको भन्दै म्याग्दीका दुई उम्मेदवारलाई मुख्य निर्वाचन अधिकृतको कार्यालयले २४ घण्टे स्पष्टीकरण सोधेको छ ।
पाल्पाको सत्यवतीमा चिच्याएर ‘वर’ माग्ने मेला लाग्ने
विगत तीन वर्षदेखि कोरोना महामारीका कारण हुन नसकेको मेला यो वर्ष भव्य रुपमा हुने सत्यवती ताल संरक्षण तथा मन्दिर व्यवस्थापन समितिले जनाएको छ ।
गाउँमै रोजगारी पहिलो प्राथमिकता : नेता पौडेल
नेपाली कांग्रेसका वरिष्ठ नेता रामचन्द्र पौडेलले गाउँमै आम्दानी र रोजगारी दिने कार्य आफ्नो पहिलो प्राथमिकता भएको बताउनुभएको छ ।
पालिकामा प्राविधिक शिक्षा
नेपाल कम्युनिस्ट पार्टी एमाले बागलुङले प्रतिनिधि सभा र राष्ट्रिय सभा निर्वाचनमा आफ्नो पार्टीका उम्मेदवार निर्वाचित भएमा जिल्लाका सबै स्थानीय तहमा प्राविधिक क्याम्पस स्थापना गर्ने घोषणा गरेको छ। विपन्न नागरिकका छोराछोरीले आफ्नै गाउँघरमा प्राविधिक शिक्षा पढ्न पाउने र जिल्लामा प्राविधिक जनशक्ति उत्पादन गर्ने उद्देश्यका साथ दसवटै स्थानीय तहमा प्राविधिक तथा इन्जिनियरिङ क्याम्पस सञ्चालन गर्ने घोषणा गरेको हो।
