महायज्ञमा प्रकृति मन्थन
प्राकृतिक स्रोतमाथि भइरहेको अनुचित दोहनप्रति विज्ञहरुले चिन्ता व्यक्त गरेका छन् । जल, जमिन र जङ्गलबिना प्राणी जगतको अस्तित्व नरहने भन्दै उनीहरुले चराचर जगतको अस्तित्वका लागि वातावरण र जल संरक्षणमा जोड दिएका हुन् ।
ट्युबमाथि बसेर माछा मार्दा एक जनाको मृत्यु
माछा मार्ने क्रममा नारायणी नदीमा डुबेर एक जना भारतीय नागरिकको मृत्यु भएको छ । जिल्लाको विनयी त्रिवेणी गाउँपालिका–७ को नारायणी नदीमा रबरको ट्युबमाथि बसेर माछा मार्ने क्रममा ट्युबको हावा फुस्कँदा एक जनाको मृत्यु भएको हो ।
एमाले अध्यक्ष ओली आज पञ्चकोटमा आउँदै
नेकपा (एमाले) का अध्यक्ष तथा पूर्व प्रधानमन्त्री केपी शर्मा ओली आज बुधवार दिउँसो बागलुङको प्रसिद्ध धार्मिक स्थल सर्वसिद्धिधाम पञ्चकोट आउँदै हुनुहुन्छ । पञ्चकोटमा जारी ब्रह्माण्डीय महायज्ञको आज अन्तिम दिन अध्यक्ष ओली दिउसो १ बजे यहाँ आउन लाग्नुभएको हो ।
-original-thumb.jpg)
हिमपहिरोले सडक अवरुद्ध
आइतबार राति परेको हिमपातले सोमबार मनाङ ङिस्याङ गाउँपालिका–१, ढुकुरपोखरीमा हिमपहिरो गएको छ । हिमपहिरो जाँदा तल्लो मनाङ र माथिल्लो मनाङमा आवतजावत पूरै अवरुद्ध भएको छ । ठुलै हिमपहिरो गएकाले उपकरण अभावमा सोमबार हिमपहिरो पन्छाउन नसकिएको प्रमुख जिल्ला अधिकारी सुवासकुमार लामिछानेले बताउनुभयो । उहाँले भन्नुभयो, “पहिरो पन्छाउने प्रयास जारी छ, अलि जोखिमयुक्त भएको तथा पहिला पनि दुर्घटना भएकाले उच्च सतर्कताका साथ समन्वयमा काम भइरहेको छ ।” उहाँका अनुसार ढुकुरपोखरीमा गएको उक्त हिमपहिरो मस्र्याङ्दी नदीमा आइपुगेको छ ।
बेनी–जोमसोम–कोरला सडक आसपासका घरटहरा भत्काउन थालियो
राष्ट्रिय गौरवको कालीगण्डकी करिडोर, बेनी–जोमसोम–कोरला सडक योजनाअन्तर्गत म्याग्दीको रघुगङ्गा गाउँपालिका–१ तिप्ल्याङमा सडकमा पर्ने घरटहरा हटाउन थालिएको छ । बेनी–जोमसोम–कोरला सडक योजनाले तिप्ल्याङस्थित सडक छेउछाउमा पर्ने घरटहराको क्षतिपूर्ति बुझ्न र संरचना यही फागुन २५ गतेभित्र हटाउन फागुन ११ गते १५ दिने सार्वजनिक सूचना जारी गरेको थियो ।
डिभिजन वनको लापर्वाही, बाघ मरेको १७ दिनपछि नमुना काठमाडौंमा
नवलपुरमा एक हप्ताको अन्तरालमा २ वटा दुर्लभ पाटे बाघ मारिएको भए पनि बाघको मृत्युको कारण र मार्ने व्यक्ति वा समूहको पहिचान हुन सकेको छैन ।
माछापुच्छ्रे हिमाल
कास्कीको माछापुच्छ्रे गाउँपालिका–८ ल्वाङ घलेलबाट मङ्गलबार देखिएको माछापुच्छ्रे हिमाल ।
व्यास नगरपालिकाको नव प्रवर्द्धन व्यवसायी सम्मेलन
तनहुँको व्यास नगरपालिकाले उद्यमशीलता प्रवर्द्धन गरी रोजगारी र आयमा वृद्धि गर्न नव प्रवर्द्धन व्यावसायी सम्मेलन गरेको छ ।
बागलुङ र पर्वत जोड्ने झोलुङ्गे पुल सञ्चालन
बागलुङ र पर्वत जिल्ला जोड्ने गरी कालीगण्डकी नदीमा निर्माण भएको झोलुङ्गे पुल सञ्चालनमा आएको छ ।
मनाङमा हिमपहिरो, अवरुद्ध सडक खुलाउँदै सशस्त्र प्रहरी
आइतबार राति परेको हिमपातले सोमबार मनाङ ङिस्याङ गाउँपालिका–१ ढुकुरपोखरीमा हिमपहिरो गएको छ। हिमपहिराले सडक अवरुद्ध हुँदा तल्लो मनाङ र माथिल्लो मनाङमा आवतजावत ठप्प भएको छ।
भानुभक्त जन्मस्थललाई सङ्घीय सरकार मातहत राख्न माग
भानु चुँदीरम्घामा रहेको आदिकवि भानुभक्त जन्मस्थल विकास समितिलाई सङ्घीय सरकार मातहतमा राख्न भानु नगर कार्यपालिकाले निर्णय गरेको छ ।
गण्डकी सरकारबाट माओवादीका मन्त्री बर्खास्त
गण्डकी प्रदेश सरकारमा रहेका नेकपा (माओवादी केन्द्र) का दुई मन्त्रीलाई बर्खास्त गरिएको छ । सोमबार सङ्घमा सत्ता गठबन्धन परिवर्तन भएपछि प्रदेशमा मङ्गलबार मुख्यमन्त्री सुरेन्द्रराज पाण्डेले मङ्गलबार बिहान मन्त्रिमण्डल पुनर्गठन गर्नुभएको हो ।
रत्यौली संरक्षणमा आमा समूहको सक्रियता
बागलुङ नगरपालिका–८ सिगाना सायकोटको सृजनशील आमा समूहले तयार पारेको रत्यौली गीतको टुक्का हो यो । विवाह संस्कारमा गाइने गीतमध्यको रत्यौली अहिले लोप हुने अवस्थामा आएपछि यहाँका आमा समूह मिलेर संरक्षणमा जुटेका छन् ।
राष्ट्रिय ह्वीलचियर बास्केटबल च्याम्पियनसिप एपिएफ र सुदूरपश्चिमले जिते
विकास शिल्ड राष्ट्रिय ह्वीलचियर बास्केटबल च्याम्पियनसिप नेपाल २०८० को उपाधि पुरुषतर्फ सशस्त्र प्रहरी बल एपीएफ र महिलातर्फ सुदूरपश्चिम प्रदेशले हात पारेका छन् ।
अझै घरमै हुन्छन् सुत्केरी
मङ्गला गाउँपालिका–१ कुहुँ क्षेत्रमा अहिले पनि घरमै सुत्केरी हुने गरेको पाइएको छ । जिल्ला खोप समन्वय समितिका प्रमुख तथा जिल्ला समन्वय समितिका प्रमुख राजकुमार थापाको नेतृत्वमा कुहुँ स्वास्थ्य चौकी पुग्दा घरमै सुत्केरी हुने गरेको पाइएको हो । जिल्ला समन्वय समितिका प्रमुख राजकुमार थापाले भन्नुभयो, “खोपको अनुगमनका लागि आएका थियौँ स्वास्थ्य चौकीको अनुगमनका क्रममा घरमै सुत्केरी हुने गरेको तथ्य पनि भेटियो । खोप लगाएको अवस्था निकै राम्रो देखिएको र लक्षित बालबालिकाले खोप लगाउन पाएको समेत कुहुँ क्षेत्रमा देखिएको उहाँको भनाइ छ ।
-original-thumb.jpg)
हिमपातले यातायात ठप्प
पानी परेसँगै हिमालपारीको जिल्ला मुस्ताङको उपल्लो भेकमा हिमपात हुँदा जनजीवन प्रभावित भएको छ । बाह्रगुङ मुक्तिक्षेत्र गाउँपालिका–१, मुक्तिनाथका वडा सचिव सुवास अधिकारीले शनिबार बेलुकादेखि हिउँ पर्न थालेको बताउनुभयो । मङ्सिर, पुसमा हिमपात राम्रोसँग हुन नसके पनि अहिले हुँदा किसानका लागि सहज हुने उहाँको भनाइ छ । झारकोट स्वास्थ्य चौकीका इन्चार्जसमेत रहनुभएका अधिकारीले भन्नुभयो, “ज्येष्ठ नागरिक तथा बालबालिकालाई चिसोले गर्दा समस्या हुन सक्ला तर अन्य हिसाबले हेर्दा हिउँले राम्रो नै गर्ला ।”
जलजलामा एक करोड ३९ लाख रुपियाँ थप बजेट
पर्वतको जलजला गाउँपालिका गाउँ सभाको १६ औँ अधिवेशनबाट थप एक करोड ३९ लाख रुपियाँ थप बजेट विनियोजन गरेको छ ।सोमबार गाउँपालिकाको केन्द्र लामाखेतमा सम्पन्न गाउँ सभा अधिवेशनबाट गाउँपालिकाको अल्यामा रहेको १ करोड २९ लाख रुपियाँ र आन्तरिक आम्दानीबाट १० लाख रुपियाँ बजेट स्रोत अनुमान गरेर पूर्वाधार निर्माणलगायतका योजनामा विनियोजन गरेको हो ।
मनाङको ढुकुरपोखरीमा हिमपहिरो : आवतजावत गर्न जोखिम
मनाङको ङिस्याङ गाउँपालिकामा हिमपहिरो गएको छ । ङिस्याङ–१ ढुकुरपोखरीमा हिमपहिरो जाँदा माथिल्लो मनाङ र तल्लो मनाङ आवतजावतमा गर्न जोखिम बढेको छ ।
म्याग्दे गाउँपालिकामा घुम्ती शिविर सञ्चालन
तनहुँको म्याग्दे गाउँपालिकाले सबै सेवा एकै ठाउँबाट दिन घुम्ती शिविर सुरुआत गरेको छ । जनतालाई सहजरूपमा वडास्तरबाटै पालिकाका सेवा प्रदान गर्न गाउँपालिकाले सोमबारदेखि एकीकृत घुम्ती शिविर आयोजना गरेको हो ।
नारायणगढ-बुटवल सडक खण्डको अवरोध अझै हटेन
पूर्व-पश्चिम राजमार्गअन्तर्गत नवलपरासी-बर्दघाट सुस्तापूर्वको दाउन्ने क्षेत्रमा आइतबार साँझदेखि अवरुद्ध भएको सडक अझै पूर्णरुपमा सञ्चालन हुन सकेको छैन ।
-original-thumb.jpg)
तनहुँमा १९९ टावर बन्दै
अमेरिकी सहयोग मिलेनियम च्यालेन्ज कर्पोरेसन (एमसीसी)द्वारा विद्युत प्रसारण लाइन परियोजनाका लागि तनहुँमा एक सय ९९ वटा टावर संरचनाको र एउटा सबस्टेशनको काम भइरहेको छ ।
गण्डकीमा आमसञ्चार र बिउँबिजन विधेयक पारित
गण्डकी प्रदेश सभाको सोमबारको बैठकले दुई विधेयक पारित गरेको छ । प्रदेश सभाका विषयगत समितिबाट पारित भएका गण्डकी प्रदेशमा बिउँ बिजनसम्बन्धी व्यवस्था गर्न बनेको विधेयक र आमसञ्चार सम्बन्धमा व्यवस्था गर्न बनेको विधेयक पारित भएका हुन् ।
चोरमारा–दाउन्ने सडक खण्ड अवरुद्ध,यात्रुलाई सास्ती
पूर्व–पश्चिम राजमार्गको चोरमारा–दाउन्ने सडकखण्ड रातिदेखि अवरुद्ध हुँदा हजारौँ यात्रुले सास्ती पाएका छन् । सडक मर्मत र हल्का पानी परेकाले बाटो चिप्लो भएका कारण जाम हुँदा यात्रुले सास्ती पाएका हुन् ।
प्रहरीमा उजुरी र गुनासो गर्न क्युआर कोड प्रयोगमा
जिल्ला प्रहरी कार्यालयले प्रहरीलाई उजुरी गर्न तथा गुनासो र सुझाव दिनका लागि क्युआर कोड प्रयोगमा ल्याएको छ ।
पञ्चकोटमा धार्मिक पर्यटकको घुइँचो
बागलुङको सर्वसिद्धिधाम पञ्चकोटमा जल सम्पदा र ब्रह्माण्डको संरक्षणका लागि आयोजित अनन्तश्री ब्रह्माण्डीय महायज्ञमा दर्शनार्थीको भीड लागेको छ । महायज्ञ देशभरबाट श्रद्धालु भक्तजन आउन थालेपछि पञ्चकोट दर्शनार्थीको बाक्लो उपस्थितिले भरिएको हो ।
