एमाले महासचिव पोखरेलको एकल नाम सिफारिस
प्रतिनिधि सभा निर्वाचनका लागि नेकपा (एमाले) का महासचिव शंकर पोखरेलको नाम एकल सिफारिस गरिएको छ । एमाले क्षेत्रीय समन्वय कमिटीको आइतबार घोराहीमा बसेको बैठकले महासचिव पोखरेललाई प्रतिनिधि सभा सदस्य निर्वाचनका लागि एकल उम्मेद्वार छनोट गरेर पठाएको हो ।
रुपन्देहीको ग्रामीण क्षेत्रमा १५ शैयाको अस्पताल बन्दै
रुपन्देहीको सियारी गाउँपालिका वडा नम्बर ४ दयानगर छपियामा १५ शैयाको अस्पताल निर्माण गर्न शिलान्यास गरिएको छ । छपिया स्वास्थ्य चौकीको स्तरोन्नती गर्दै १५ शैयाको अस्पताल निर्माण गर्न लागिएको हो ।
निर्वाचन पछि पनि गठबन्धन रहन्छ : मन्त्री राई
भौतिक पूर्वाधार तथा यातायातमन्त्री मोहम्मद इस्तियाक राईले लोकतन्त्र र कानुनी शासनको रक्षाका लागि सत्तारुढ गठबन्धन बनेकाले निर्वाचनपछि पनि गठबन्धनले निरन्तरता पाउने बताउनुभएको छ ।
गुल्मीमा १२३ जनामा डेङ्गु सङ्क्रमण पुष्टि
गुल्मी जिल्लामा डेङगुका बिरामीहरु दैनिक रुपमा बढ्दो क्रममा रहेका छन् । जिल्लाको सत्यवती गाउँपालिकामा एक सय जना, छत्रकोट गाउँपालिकामा पाँच जना, रेसुङगा नगरपालिकामा छ जना सङ्क्रमित हुनुभएकाे छ । यस्तै, मुसिकोट नगरपालिकामा एक, इश्मामा तीन, मालिकामा एक, गुल्मीदरबारमा एक, मदानेमा एक, कालीगण्डकीमा एक र प्राइभेट क्लिनिकहरुमा परीक्षण गर्दा चार जना गरी १२३ जनामा सङ्क्रमण देखा परेको स्वास्थ्य कार्यालय गुल्मीका प्रमुख पशुपति आचार्यले जानकारी दिनुभयो ।
आलु उत्पादन बढ्यो तर, बजार तथा भण्डारणको चिन्ता
जिल्लामा यस वर्ष आलु राम्रो उत्पादन भएको छ । अघिल्लो वर्षको तुलनामा यो वर्ष आलु धेरै फलेको हो । जिल्लाको भूमे र सिस्ने गाउँपालिकाको तुलनामा पुथाउत्तरगङ्गा गाउँपालिकामा धेरै आलु खेती गर्ने गरेका छन् । यहाँका किसानको बर्खायामको मुख्य बाली उत्पादन मकै, आलु र सिमी रहेको छ ।
रोकिएन सालका लाथ्रा काटिने क्रम
बुटबलको चरङ्गे साझेदारी वनमा हुर्कंदै गरेका सालका लाथ्रा काटिएका छन्। आफूहरूले निरन्तर गस्ती गर्दा पनि गस्तीटोलीको आँखा छलेर रुख काटिने गरेको शिवनगर सामुदायिक वनका कर्मचारीले बताएका छन्। सामुदायिक वनका पदाधिकारीसहितका सदस्यले निगरानी राखे पनि रुख काटिने क्रम रोकिएको छैन। ‘पटक पटक हामीले रुख काट्दै गरेको भेट्टाएर हतियार र डोको, नाम्लो खोसेका छौँ तर फेरि पनि आँखा छलेर काटिहाल्छन्,’ शिवनगर सामुदायिक वनका सदस्य रचना श्रेष्ठ भन्नुहुन्छ, ‘आँखा छलेर चोरी गर्नेलाई चिनेर पनि केही गर्न सकिएको छैन।’ ‘वन कार्यालयमा कर्मचारीको पनि कमी छ,
सरकारी क्याम्पस सुधार गर्न एक करोड सहयोग
गुल्मीको रेसुङ्गा बहुमुखी क्याम्पसलाई रेसुङ्गा नगरपालिकाले यस आर्थिक वर्षमा एक करोड गरेको छ । सरकारी क्याम्पसको स्तर घट्दै गएको र क्याम्पसमा विद्यार्थीको आकर्षण बढाउन र शैक्षिक अवस्था सुधार गर्ने लक्ष्यले नगरपालिकाले सहयोग गरेको हो ।
प्रदेशलाई नयाँ काम दिन्छु : मुख्यमन्त्री केसी
लुम्बिनी प्रदेशका मुख्यमन्त्री कुलप्रसाद केसीले आफ्नो कार्यकालमा लुम्बिनी प्रदेशका लागि नयाँ काम दिने प्रतिवद्धता जनाउनुभएको छ । नेपाल राष्ट्रिय वन प्राविधिक सञ्जाल लुम्बिनी प्रदेशको प्रथम प्रदेश अधिवेशनमा शनिबार उहाँले सो प्रतिवद्धता जनाउनुभएको हो ।
नेपालको बिकासमा भारतको सहयोग उल्लेख्य : गृहमन्त्री खाण
गृहमन्त्री बालकृष्ण खाणले नेपालको बिकासमा भारत सरकारको सहयोग उल्लेख्य रहेको बताउनुभएको छ । नेपालको शिक्षा, स्वास्थ्य, भौतिक पूर्वाधार विकासमा भारतको ठूुलो सहयोग रहेको उहाँको भनाइ छ ।
हत्यागरी फरार रहेका अभियुक्त पक्राउ
प्रेमिकाको हत्या गरेर फरार रहेका एक व्यक्तिलाई रुपन्देही प्रहरीले प्रक्राउ गरेको छ । हत्या भएको १९ महिनापछि प्रहरीले उनलाई पक्राउ गरेको जनाएको छ । २०७७ माघ १० गते रुपन्देहीको सालझण्डी सितलापुर जङ्गलमा शव भेटिएकी एक युवतीको हत्यामा संलग्न भएको आरोपमा कपिलवस्तु शिवराज नगरपालिका ७ का ३६ वर्षीय काशिराम मुरावलाई सालझण्डी प्रहरीले पक्राउ गरेको हो ।
भारतमा बस दुर्घटना हुँदा चार नेपालीको मृत्यु, १४ घाइते
भारतको उत्तर प्रदेश बाराबंकीमा बस दुर्घटनामा हुँदा चार नेपालीको मृत्यु भएको छ भने १४ जना घाइते भएका छ ।
गठबन्धनको निरन्तरता अपरिहार्य : मन्त्री राई
शनिबार गृह जिल्ला बाँके पुग्नु भएका मन्त्री राईले विमानस्थलमा कार्यकर्तालाई सम्बोधन गर्नुहुँदै गणतन्त्र र संविधानको रक्षाका लागि गठबन्धनका उम्मेदवारलाई जिताउन आवश्यक रहेको बताउनुभएको हो ।
विद्यार्थीलाई अध्ययनमा सक्रिय बनाउँदै सिद्धबाबा
रमेश विश्वकर्मा गुल्मी, भदौ १८ गते। गुल्मी जिल्लाको सदमुकाम तम्घासस्थित सिद्धबाबा माध्यमिक विद्यालयले विद्यार्थीलाई अध्ययनमा सक्रिय बनाउँदै आएको छ। तत्कालीन तम्घास गाविस खानीगाउँ टुनीखोलामा रहेको सानो बचत घरबाट ०४३ सालमा शैक्षिक यात्रा सुरु गरेको यस विद्यालयले विद्यार्थीलाई अध्ययनसँगै सिकाईमा सक्रिय बनाउन नियमित पठनपाठनका अतिरिक्त विभिन्न कार्यक्रम गर्दै आएको हो। शैक्षिक क्षेत्रमा जिल्ला तथा देशकै नमूना एवम् अधिकत्तम विद्यार्थी भएको प्रविधियुक्त सुविधा सम्पन्न सामुदायिक विद्यालयको रुपमा रहेको यस विद्यालयले विद्यार्थीलाई सिकाईप्रति आकर्षित गर्न युग सुहाउँदो प्रविधिमैत्री शिक्षण पद्धति अंगाल्दै आएको विद्यालयका प्रधानाध्यापक डोरविक्रम श्रीसले जानकारी दिनुभयो। उहाँका अनुसार विद्यार्थीलाई अध्ययनसँगै सकारात्मक सोचका लागि “ज्ञानीसँग हाम्रा नानी” र “बुक टक” लगायतका विभिन्न महत्वपूर्ण कार्यक्रम गर्दै आएको हो। त्यस्तै, विद्यालयले विद्यार्थीको सिकाइप्रतिको परम्परागत मान्यतालाई चिर्न नियमित पठनपाठनको अतिरिक्त विगत पाँच वर्षदेखि “ज्ञानीसँग हाम्रा नानी” कार्यक्रम सञ्चालन गर्दै आएको छ। ज्ञानी भन्नाले कुनै क्षेत्रमा विज्ञता हाँसिल गरेर लामो अनुभव प्राप्त गरेका र नानी भन्नाले विद्यार्थी भएका प्रधानाध्यापक श्रीसले उल्लेख गर्नुभयो। उहाँले यस कार्यक्रममार्फत् विभिन्न क्षेत्रका विशेषज्ञ ल्याएर विद्यार्थीलाई किताबी ज्ञानसँगै व्यवहारिक ज्ञान दिने प्रयास गरिएको बताउनुभयो। “विद्यार्थीलाई अध्ययनमा आकर्षित गर्न अहिले विभिन्न रचनात्मक र सिर्जनात्मक पद्धतिद्वारा पठनपाठन सञ्चालन गर्दै आएका छौं,” उहाँले भन्नुभयो, “कक्षा कोठा बाहिर, शिक्षक बेगर र किताब बाहिर पनि विद्यार्थीको सिकाइ क्षेत्र बृह्त्तर हुन्छ।” यस विद्यालयमा प्ले ग्रुपदेखि बाह्र कक्षासम्म पढाइ हुने गर्दछ। विशेषगरी कक्षा पाँचदेखि बाह्र कक्षासम्मका विद्यार्थीहरु कार्यक्रममा समावेश भइरहेका छन्। साना बालबालिकाको लागि विशेषज्ञ यस कार्यक्रममा सहभागी गराउने प्रधानाध्यापक श्रीसले बताउनुभयो। सबै खालका व्यक्तिलाई समावेश गरेर विद्यार्थी माझ उनीहरुका अनुभव सुनाउने गरिएको विद्यालयले जनाएको छ। समय–समयमा विद्यालयले राजनीतिक एवम् प्रशासनिक व्यक्ति, शिक्षाविद, लेखक, साहित्यकार, इन्जिनियर, डाक्टर, कृषक सबैलाई आमन्त्रण गर्ने गरेको छ। उनीहरुले प्राप्त गरेको सम्पूर्ण विज्ञता, अनुभव र सफलता विद्यार्थी माझ प्रस्तुत गर्ने गरेको प्रधानाध्यापक श्रीसले बताउनुभयो।विद्यालयमा गरिने विभिन्न कायक्रमले विद्यार्थीको लक्ष्य हाँसिल गर्न सहि प्रकारको दिशाबोध हुने उहाँले बताउनुभयो। विज्ञका अनुभव सुन्दा विद्यार्थीलाई सही प्रकारको उत्प्रेरणा मिल्छ। जसले विद्यार्थीमा व्यवहारिक ज्ञान आर्जन र सिकाईलाई मजबुत बनाउन सहयोग पुग्ने श्रीसको भनाइ छ। कुशल व्यवहार र उचित ज्ञान–सिपको विकास गर्न पनि विद्यालयमा महत्त्वपूर्ण कार्यक्रम गरिदैं आएको प्रधानाध्यापक श्रीसले बताउनुभयो। आफ्नो ठाउँ, माटो र परिवेशका बारेमा जानकारी लिंदा विद्यार्थीमा ज्ञानको भण्डार बढ्छ। विद्यालयले गर्ने हरेक कार्यक्रम विद्यार्थी केन्द्रित भएको हुँदा विद्यार्थीसँगै अभिभावक पनि उत्साहित भएका छन्।त्यस्तै, यस विद्यालयले विगत केही वर्षअघिदेखि ब्रिटिस काउन्सिलसँगको सहकार्यमा आइएसए प्रोग्राम अन्तर्गत प्रोजेक्ट बेस लर्निङ्गको माध्यमबाट शिक्षण सिकाई कार्यलाई थप प्रभावकारी एवम् व्यवहारिक बनाउने प्रयासमा लागेको छ। फलस्वरुप विद्यालयले इन्टरनेशनल स्कुल अवार्ड २०२०/२३ समेत प्राप्त गरेको विद्यालयका प्रधानाध्यापक श्रीसले बताउनुभयो।जिल्लामा शिक्षा क्षेत्रमा छुट्टै पहिचान बनाएको यस विद्यालयले साधारण र प्राविधिक गरेर दुई धारको शिक्षा सञ्चालन गर्दै आएको छ। प्राविधिक धारतर्फ कम्युटर इञ्जिनियरिङ्ग कक्षा नौदेखि बाह्रसम्म सञ्चालन गर्दै आएको श्रीसले बताउनुभयो। कक्षा ११–१२ मा शिक्षा, व्यवस्थापन, विज्ञान र कानुन विषयको पठनपाठन हुने विद्यालयले जनाएको छ।
भ्रष्टाचार मुक्त समाज आजको आवश्यकता : उपसभामुख भुसाल
प्रतिनिधिसभाका उपसभामुख पुष्पा भुसालले भ्रष्टाचार मुक्त समाज निर्माण गर्नुपर्ने बताउनुभएको छ ।
रामपुरको शीतभण्डार पुनः मर्मत गरी सञ्चालनको तयारी
ग्रामीण भेगमा ठूलो क्षमताको शीतभण्डार बनेपछि व्यावसायिक उत्पादनमा कृषक उत्साहित बने । सदरमुकामदेखि टाढा रहेको रामपुर नगरपालिकामा तीन सय मेट्रिक टन क्षमताको शीतभण्डार निर्माणले कृषकमा औधी खुसी छायो ।
वर्षाले सडक अवरुद्ध
अविरल वर्षका कारण दाङ जिल्लाका अधिकांश ग्रामीण सडक अवरुद्ध हुँदा सवारी आवागमनमा समस्या भएको छ । घोराही उपमहानगरपालिका–१९, घोराही–सैघा सडक पहिरोका कारण अवरुद्ध भएको छ । खोलाले समेत सडक कटान गरेपछि सवारी आवागमन अवरुद्ध छ । घोराही उपमहानगरपालिका–१९ का अध्यक्ष ज्ञानबहादुर रायमाझीले सैघाको विभिन्न गाउँ जोड्ने कच्ची सडकमा पहिरो खसेसँगै खोलाले कटान गरेपछि हिँड्नसमेत समस्या भएको बताउनुभयो । यहाँका गाउँमा भर्र्खरै सडक पुग्न थालेको हो । वडाध्यक्ष रायमाझीले भन्नुभयो, “तर केही दिन परेको पानीका कारण पहिरो गएसँगै खोलाले सडक कटान गर्दा अवरुद्ध हुन पुगेको छ ।” तुलसीपुरको गहतेखोलाले पनि सडक कटान गरेको छ । तुलसीपुर–बाघमारे हँुदै घट्टेखोला जोड्ने सडकखण्डअन्तर्गत गहतेखोलाले सडक कटान गर्दा सवारीसाधन चल्न सक्ने अवस्था छैन । स्थानीय गङ्गाराम न्यौपानेले सडक कटान रोक्नका लागि स्थानीय सरकारले चासो नदिँदा स्थानीयवासीले दुःख पाउनुपर्ने अवस्था आएको बताउनुभयो । सडक कटान नियन्त्रणका लागि समयमै व्यवस्थापन गरेको भए केही भाग बच्न सक्ने भनाइ उहाँको छ । वर्षाकै कारण नेपाल–भारत सीमा क्षेत्रअन्तर्गत विभिन्न बस्तीलाई जोड्ने सडक असारदेखि बन्द छन् । कोइ
गोठेमल छोडेर रासायनिकतर्फ किसान
विगतका वर्षको तुलनामा पाल्पामा रासायनिक मलको प्रयोग बढेको छ । यसअघि गोठेमल र अन्य प्राङ्गारिक मलको प्रयोग गर्दै आएका किसानले अहिले रासायनिक मलको प्रयोग बढाएका हुन् । पाँच–सात वर्षअघिसम्म अधिकांश किसानले मकै, गहुँ तथा अन्य तरकारी खेतीमा प्रयोग गर्न गोबर र पातपतिङ्गरबाट मल बनाउँदै आएका थिए । अहिले सबैजसो किसानले रासायनिक मलको प्रयोग बढाएको बगनासकाली–३, शिखरका किसान कमल चिदीले बताउनुभयो । “पहिले हरेक घरमा तीन÷चारवटा गाईबस्तु हुन्थ्यो, अहिले सबैजसोको घरमा पशुपालन नै हुँदैन,” उहाँले भन्नुभयो ।
सरकारले कसैलाई भोकै बस्न दिने छैन : अर्थ मन्त्री शर्मा
नेपाल सरकारका अर्थमन्त्री जनार्दन शर्मा ‘प्रभाकर’ले सरकारले कुनै पनि नागरिकलाई भोकै बस्न नदिने बताउनु भएको छ ।
कुलपानीमा आन्तरिक पर्यटकको चहलपहल (फोटो फिचर)
दाङको गढवा गाउँपालिका वडा नम्बर १ बडाहरा गाउँमा रहेको कुलपानी हरित पार्क यतिखेर पर्यटकको आकर्षक गन्तव्यको रुपमा विकास हुदै गएको छ । पार्कको प्रवेशद्धारमा हालै निर्माण गरिएको बाघ, जरायो, मयुरले पार्कको सुन्दरता थप बढाएको हो ।
नेताको स्मृतिमा देवीनगरमा पार्क निर्माण हुँदै
नेपाली कांग्रेसका संस्थापक नेता स्व. वीपी कोइराला, नेपाल कम्युनिष्ट पार्टीका संस्थापक नेता स्व. पुष्पलाल र बुटवलका पूर्व नगर प्रमुख सूर्यप्रसाद प्रधानको स्मृतिमा बुटवलको देवीनगरमा स्मृति पार्क निर्माण हुने भएको छ ।
गर्भवती महिलालाई गाउँमै भिडियो एक्स-रे सेवा
गाउँमै भिडियो एक्स-रे सेवा पाउँदा गर्भवती महिला खुसी भएका छन् । गाउँमै भिडियो एक्स-रे सेवा पाएपछि दिनभरको समय र पैसा खर्चेर अन्यत्र जानुपर्ने बाध्यता हटेको गर्भवती महिलाको भनाइ छ ।
दुई वर्षदेखि सडक निर्माण अवरुद्ध
कपिलवस्तु नगरपालिका–६, निगालीकोट–थुम्हवा निर्माणाधीन सडक तथा नालाको काम दुई वर्षदेखि अलपत्र परेपछि स्थानीयवासीले आवतजावतमा सास्ती खेप्नुपरेको छ। झन्डै चार वर्ष पहिला खाडल खनेर सुरु गरिएको सडक निर्माण कार्य ठेकेदार कम्पनीको लापरबाहीले अलपत्र परेको स्थानीय बताउँछन्। ठेकेदार कम्पनीले ठेक्का सम्झौतापछि थोरै काम गरेर अलपत्र पारेको हो। सडक सम्याउन र नाली बनाउन खाल्डो खनेको तीन वर्ष हुन लाग्दा पनि थप निर्माण कार्य सुरु हुने अवस्था छैन। खनिएको गहिरो खाल्डोमा बालबच्चा डुब्ने डर त्यत्तिकै छ, स्थानीय विष्णु कलवारले भन्नुभयो– सडक बनाउने भनेर घरको छत भत्काइदिए, अहिले अलपत्र पा-यो।
-original-thumb.jpg)
मिटरब्याजीविरुद्ध कार्यदल
मिटरब्याज पीडितहरूको समस्या समाधानका लागि बनेको ‘एक्सन टिम’ (कार्यदल)ले छानबिन तथा आवश्यक कारबाहीको काम सुरु गरेको छ। नवलपरासीका पीडितहरूले राजधानी काठमाडाैँ पुगेर धर्ना दिने उद्घोष गरेपछि सरकारले मिटरब्याज पीडितहरूको समस्या समाधानका लागि जिल्लामा कार्यदल गठन गर्न निर्देशन दिएको थियो। सहायक प्रमुख जिल्ला अधिकारी रामचन्द्र अर्यालको नेतृत्वमा गठित पाँच सदस्यीय कार्यदलले आवश्यक कारबाहीका लागि काम सुरु गरेको नवलपरासीका प्रमुख जिल्ला अधिकारी श्रवणकुमार पोखरेलले बताउनुभयो।
पुलको सूचनाले झस्काउँछ
पूर्वपश्चिम महेन्द्र राजमार्गअन्तर्गत दाङको भालुवाङ राप्ती नदीको पुल जीर्ण अवस्था छ। इलाका प्रहरी कार्यालय भालुवाङले नै बोर्ड राखेर ‘पुल जीर्ण रहेको’ सूचना दिएको छ। जीर्ण पुल, त्यससँगै प्रहरीको सूचना बोर्डले सवारीचालक र यात्रु सबैलाई झस्काउने गर्छ। पुल जीर्ण छ, विस्तारै हिँड्न अनुरोधसहितको बोर्ड राख्दा पनि मर्मतका लागि सम्बद्ध निकायको ध्यान पुगेको छैन। त्यस्तै लमही कोइलावास हुलाकी सडक खण्डको राप्ती नदीको पुलको अवस्था पनि यस्तै छ। यो सडक फराकिलो बनाए पनि पुलमा दोहोरो सवारीसाधन आवतजावत हुन सक्दैन। जीर्ण अवस्थामा रहेका यी पुलमा आवतजावत गर्दा दुर्घटनाको खतरा बढ्दै गइरहेको छ। कहिलेकाहीँ ठूला गाडी सँगसँगै (दोहोरो) पार गर्न नसक्दा लामो समयसम्म जाम पनि हुने गरेको छ।
अवरुद्ध सिद्धार्थ राजमार्गमा एकतर्फी सञ्चालन
बिहीबार बेलुकी साढे ४ बजेदेखि अवरुद्ध सिद्धार्थ राजमार्ग एकतर्फी रुपमा सञ्चालनमा आएको छ। तिनाउ–५, हिउँदेखोला नजिकै सडक भाँसिएर अवरुद्ध बनेको सडक बिहीबार साँझ ७ बजेदेखि एकतर्फी सञ्चालनमा आएको हो।
