कुटपिटबाट घाइते किशोरको मृत्यु
तुलसीपुर उपमहानगरपालिका–९ बेलुवामा दुई किशोरबिच भएको कुटपिटमा गम्भीर घाइते भएका किशोरको मत्यु भएको छ ।
‘विपत् व्यवस्थापनमा समुदाय परिचालन जरुरी’
लुम्बिनी प्रदेशका मुख्यमन्त्री चेतनारायण आचार्यले मनसुनजन्य विपत्को पूर्वतयारी र प्रतिकार्यका लागि उच्च सतर्कताका साथ तयारी अवस्थामा रहन मातहतका निकायलाई निर्देशन दिनुभएको छ ।
म्याद सकिने बेला काम सुरु
दाङको घोराही–तुलसीपुर सडकखण्ड अन्तर्गत ग्वारखोलामा पुल निर्माण सुरु भए पनि कालाखोलामा काम हुन सकेको छैन ।
गुल्मीको घमिर–सिलादी सडक एक हप्ता बन्द हुने
गुल्मीको घमिर–सिलादी सडक एक हप्ता बन्द हुने भएको छ । यो सडक कालोपत्रे तथा ढलानका लागि बन्द हुने गाउँपालिकाले प्रकाशन गरेको सार्वजनिक सूचनामा उल्लेख छ ।
प्लास्टिक प्रदूषण अन्त्यका लागि सबै एकजुट हुनुपर्छ : मुख्यमन्त्री आचार्य
विश्व वातावरण दिवस २०२५ को अवसरमा लुम्बिनी प्रदेशका मुख्यमन्त्री चेतनारायण आचार्यले प्लास्टिक प्रदूषण अन्त्य गर्दै स्वच्छ वातावरण निर्माणमा सबै एकजुट हुनुपर्नेमा जोड दिनुभएको छ ।
जन्मदिनमा मुख्यमन्त्रीले रोप्नुभयो श्रीखण्डको विरुवा
लुम्बिनी प्रदेशका मुख्यमन्त्री चेतनारायण आचार्यले जन्मदिनको अवसरमा श्रीखण्डको विरुवा रोपण गर्नुभएको छ । मुख्यमन्त्री तथा मन्त्रिपरिषद् कार्यालयको निर्माणाधीन भवनको परिसर क्षेत्रमा श्रीखण्डका विरुवा रोपेर उहाँले आफ्नो जन्मदिन मनाउनु भएको हो ।
दर्जनौँ तालहरू मासेर भौतिक संरचना निर्माण
नेपालगन्जमा रहेका पुराना ताल र तलाउहरूलाई एकपछि अर्को गर्दै मासेर भौतिक संरचनाहरू निर्माण गर्ने क्रम पछिल्लो समय बढ्दै गएको छ ।
चमार समुदायकाे पहिलो डाक्टर स्मृति हरिजन
एउटा दलित परिवारको सङ्घर्ष । जसले सपना देख्न कहिल्यै छाडेनन् । इँटा भट्टाको तातो धुवाँ र धुलोबिच पसिना बगाउँदै, जातीय अपमान र चरम गरिबीका बाबजुद पनि पढाइलाई कहिल्यै छाडेनन् । कपिलवस्तुको बहादुरगञ्ज निवासी सन्तराम हरिजन जीवनको हरेक मोडमा सङ्घर्षसँग लड्दै, आफ्ना सन्तानहरूको उज्ज्वल भविष्यको सपना देखिरहे । कृष्णनगर नगरपालिका–८, बहादुर गन्जकी स्मृति हरिजन मधेसी दलित समुदाय (विशेष गरी चमार, डोम, मुसहर, बादी) बाट उहाँ हालसम्मकै पहिलो महिला चिकित्सक बन्न सफल भएकी छिन् ।
रुख काट्ने क्रममा महिलाको मृत्यु
जिल्लाको लुङ्ग्री गाउँपालिका–६ मा रुख काट्ने क्रममा मुढा पल्टिँदा एक जना महिलाको ज्यान गएको छ । मङ्गलबार कालीमाटी सामुदायिक वनमा रुख काट्दै गर्दा लुङ्ग्री गाउँपालिका–६ उपल्लो गुम्चाल दरालसिमकी २६ वर्षीया प्रतीक्षा बुढाथोकीको मृत्यु भएको जिल्ला प्रहरी कार्यालय रोल्पाले जानकारी दिएको छ ।
बाँकेमा ८८ शिशु र १६ सुत्केरीको मृत्यु
स्वास्थ्य कार्यालय बाँकेका निमित्त प्रमुख नरेश श्रेष्ठले विभिन्न कारणले जिल्लामा १६ जना सुत्केरी आमा तथा ८८ वटा शिशुको चालु आवमा ज्यान गएको बताउनुभयो ।
मदन भण्डारी राजमार्ग : गुल्मीको आठ किलोमिटर सडक कालोपत्रे
गुल्मीमा मदन भण्डारी राजमार्गको पहिलो खण्डअन्तर्गत आठ किलोमिटर सडक कालोपत्रे भएको छ । रिडी–तम्घास खण्डको रुरु र छत्रकोट क्षेत्रमा कालोपत्रे सुरु गरिएको हो ।
पुलको लम्बाइ बढाउन दबाब
बाँकेको हुलाकी सडक अन्तर्गत राप्ती नदीको सिधनियाघाटमा निर्माणाधीन पुलको लम्बाइ बढाउन बाँकेका तीन पालिकाले माग गरेका छन् ।
मनसुन पूर्वतयारी तथा प्रतिकार्य योजना स्वीकृत
नवलपरासीपश्चिमको जिल्ला विपत् व्यवस्थापन समितिको बैठकले मनसुन पूर्वतयारी तथा प्रतिकार्य योजना २०८२ स्वीकृत गरेको छ ।
बालिकामाथि आक्रमण गर्ने चितुवा नियन्त्रणमा
बर्दियाको बालापुरमा बालिकामाथि आक्रमण गर्ने चितुवा नियन्त्रणमा आएको छ । जेठ १४ गते बुधबार बिहान सात वर्षीया बालिका सायरा थारूलाई आक्रमण गरी मार्ने चितुवा सोही स्थानमा पासोमा परेको हो ।
घोराहीलाई पूर्ण खोपयुक्त घोषणा
घोराही उपमहानगरपालिकालाई पूर्ण खोपयुक्त घोषणा गरिएको छ । पूर्ण खोप, सुनिश्चित भविष्य स्थानीय स्रोतको उपयोग, स्वामित्व सहभागिता, पूर्ण खोप सुनिश्चितता हाम्रो प्रतिबद्धता भन्ने नारासहित घोराही उपमहानगरपालिका जनस्वास्थ्य प्रवर्द्धन शाखाले मंगलबार घोषणा सभा आयोजना गरेर उपमहानगरपालिकालाई पूर्ण खोप सुनिश्चित तथा दिगोपन घोषणा गरिएको हो ।
फाइटर भालेबाट नाम र दाम
नेपालगञ्ज उप–महानगरपालिका वडा ७ का रमेश वाल्मीकिले बिगत १५ बर्षदेखि फाइटर भाले पाल्दै आउनुभएको छ । बिगतमा राजापुरमा ब्यक्तिगत रुचीका कारण फाइटर भाले पाल्नुभएका बाल्मीकी पछिल्लो समय भने नाम र इज्जत कमाउन भाले पाल्दै आउनुभएको छ ।
सामुदायिक वनको जग्गा कब्जा गरेर होटेल सञ्चालन
रुपन्देही र पाल्पाको सीमा क्षेत्र नुवाकोटमा सामुदायिक वनको जग्गा अतिक्रमण गरेर होटेल निर्माण गरिएको पाइएको छ । रुपन्देहीको सीमा क्षेत्र पाल्पा तिनाउ गाउँपालिका वडा नं. २ नुवाकोट डाँडामा दुई वटा होटेल सञ्चालकले सामुदायिक वन क्षेत्रमा अतिक्रमण गरी होटेल सञ्चालन गरेको पाइएको हो ।
खेलाडीलाई सम्मान
पन्ध्रौं जिल्ला स्तरीय राष्ट्रपति रनिङ शिल्ड प्रतियोगितामा दोस्रो स्थान प्राप्त गर्ने नगरका खेलाडीहरुलाई घोराही उपमहानगरपालिकाले सम्मान गरेको छ । मंगलबार घोराही उपमहानगरपालिका कार्यालयमा खेलाडीलाई सम्मान गरिएको हो ।
कम परिणाममा पेट्रोल विक्री गर्ने दुई पेट्रोल पम्प सिल
कपिलवस्तुमा दुई पेट्रोल पम्प बन्द गरिएको छ । कपिलवस्तु नगरपालिका वडा नं. २ स्थित उमा ट्रेडिङ र वडा नं. ४ गोपालपुर स्थित ओझा फिलिङ सेन्टरलाई सिलबन्दी गरिएको हो ।
-original-thumb.jpg)
चर्दाचर्दै ६ भैँसी मरे
कपिलवस्तुको विजयनगर गाउँपालिका–५, नौरङ्गियामा घाँस चर्दै गरेका ६ वटा भैँसीको ज्यान गएको छ । स्थानीय रामकिशोर यादवले छिमेकी शिवनाथ यादवको खेतमा चराउन लगेका भैँसीको मृत्यु भएको थियो ।
राप्ती प्रादेशिक अस्पताल : अनुमतिभन्दा बढी शय्या सञ्चालनले समस्या
दाङको तुलसीपुरस्थित राप्ती प्रादेशिक अस्पतालले ५० शय्याको अनुमति भए पनि १४४ शय्या सञ्चालन गरिरहेको छ । विक्रम संवत् २०६५ मा अस्पतालले ५० शय्याको अनुमति पाएको हो ।
राप्ती स्वास्थ्य विज्ञान प्रतिष्ठानको अस्पताल भवन निर्माण हुने
घोराहीस्थित राप्ती स्वास्थ्य विज्ञान प्रतिष्ठानको अस्पताल भवन निर्माण हुने भएको छ ।
गुल्मीमा शिक्षक पाउनै मुस्किल
गुल्मीमा गणित, अङ्ग्रेजी र विज्ञानका शिक्षक पाउनै मुस्किल भएको छ । धुर्कोट गाउँपालिकाले ज्ञानोदय माध्यमिक विद्यालयमा गणित शिक्षक सङ्घीय अनुदानका लागि चौथो पटक विज्ञापन गर्दा पनि शिक्षक पाउनै मुस्किल भएको गाउँपालिकाले जनाएको छ ।
स्कुल बसको ठक्करबाट तीन वर्षीया बालिकाको मृत्यु
जिल्लाको यशोधरा गाँउपालिका–८ शिहोखोरमा स्कुल बसको ठक्करबाट एक बालिकाको मृत्यु भएको छ । महाराजगन्ज तर्फ जाँदै गरेको जामिया अहले सुन्नत नजिया स्कुलको बसको ठक्करबाट बिहान सवा ८ बजे तीन वर्षीय बालिकाको मृत्यु भएको हो ।
बाँकेको नरैनापुरका ३५० परिवारलाई लालपूर्जा वितरण
बाँकेको नरैनापुर गाउँपालिकाले गाउँ ब्लकमा रहेका ३५० परिवारलाई जग्गाधनी प्रमाणपत्र वितरण गरेको छ । गाउँपालिकाको वडा नम्बर तीनमा वर्षौदेखि गाउँ ब्लकमा बसोबास गर्दै आएका ३५० घरपरिवारलाई जग्गाधनी प्रमाणपत्र वितरण गरिएको हो ।
