राष्ट्रिय सभा बैठक सुरु
बिहीबार दिउँसो सवा १ बजेबाट सुरु भएको बैठकमा विधायन व्यवस्थापन समिति सभापति जयन्तीदेवी राईले विधायन व्यवस्थापन समितिको वार्षिक प्रतिवेदन २०८०/८१ सभा समक्ष पेस गर्नुहुने कार्यसूची रहेको छ ।
देशलाई विकास र समृद्धिको मार्गमा डोर्याउन वर्तमान सरकार गठन भएको हो : मन्त्री राणा
परराष्ट्रमन्त्री डा. आरजु राणा देउवाले देशलाई विकास र समृद्धिको मार्गमा डोर्याउन वर्तमान सरकार गठन भएको बताउनुभएको छ ।
प्रतिनिधि सभा बैठक (प्रत्यक्ष प्रसारण)
सङ्घीय संसदअन्तर्गतको प्रतिनिधि सभा बैठक सुरु भएको छ । बिहीबार दिउँसोबाट सुरु भएको बैठकमा प्रधानमन्त्री केपी शर्मा ओलीले राष्ट्रिय मानव अधिकार आयोगको २३ औं वार्षिक प्रतिवेदन, आ.व. २०७९/०८० पेश गर्नुहुने कार्यसूची रहेको छ ।
गण्डकीमा नौ मन्त्रालय बनाउने सहमति
सत्तारुढ नेपाली कांग्रेस र नेकपा (एमाले)बीच गण्डकी प्रदेश सरकारमा नौ मन्त्रालय बनाउने सहमति भएको छ । गण्डकी प्रदेशसभामा कांग्रेस संसदीय दलका नेता सुरेन्द्रराज पाण्डे मुख्यमन्त्री रहनुभएको हालको मन्त्रिपरिषद् सात सदस्यीय रहेको छ ।
छानबिन समितिले दिएका प्रतिवेदनबारे समीक्षा गर्ने बेला आयो : मन्त्री पाण्डे
संस्कृति, पर्यटन तथा नागरिक उड्डयनमन्त्री बद्री पाण्डेले हवाई दुर्घटनापछि बनेका छानबिन समितिहरूले दिएका प्रतिवेदन तथ्य परक छन् वा छैनन् भन्ने विषयमा समीक्षा गर्ने बेला आएको बताउनुभएको छ ।
नेकपा एसका निर्वाचित पदाधिकारीको शपथ आज
आज नेकपा (एकीकृत समाजवादी) को केन्द्रीय कमिटीको बैठक बस्दै छ । बैठक दिउँसो १ बजे काठमाडौँमा बस्ने र निर्वाचित पदाधिकारी, पोलिटब्युरो सदस्यहरूको शपथग्रहण हुने पार्टी सचिवालयले जनाएको छ ।
एमाले सचिवालय बैठक बस्दै
सत्तारुढ दल नेकपा एमालेको सचिवालय बैठक आज बस्दै छ । बैठक दिउँसो १ बजेबाट पार्टी केन्द्रीय कार्यालय च्यासलमा बस्नेछ ।
ब्राजिलमा १७६ नेपाली अलपत्र
अवैध तरिकाले गएका १७६ जना नेपाली नागरिक ब्राजिलको साओ पाउलो विमानस्थलको ट्रान्जिट परिसरमा अलपत्र परेका छन् । अमेरिका लगिदिने मानव तस्करको प्रलोभनमा परेर उनीहरू ब्राजिलमा अलपत्र परेको परराष्ट्र मन्त्रालयले जनाएको छ । मन्त्रालयका प्रवक्ता अमृतबहादुर राईले ब्राजिलस्थित नेपाली दूतावासको पहलमा नेपाली नागरिकलाई सुरक्षित राख्न पहल भइरहेको जानकारी दिनुभयो । त्यहाँ अलपत्र परेका सबै नेपाली नागरिक सुरक्षित रहेको दूतावासले जानकारी दिएको उहाँले बताउनुभयो ।
‘हिंसा’ शब्दले संसदमा विवाद
शब्दको विषयलाई लिएर प्रतिनिधि सभामा सत्तापक्ष र प्रतिपक्षका सांसदबिच किचलो भएको छ । नेकपा (एमाले) का सचिव एवं सांसद योगेश भट्टराईले विशेष समयमा ‘माओवादीको हिंसा’ भन्ने शब्द प्रयोग गरेपछि विवाद भएको थियो । विवादका कारण करिब पौने घण्टा नै बैठकमा विवाद भयो । पूर्वप्रधानमन्त्री पुष्पकमल दाहाल ‘प्रचण्ड’ को मङ्गलबारको सम्बोधनबारे दलको धारणा राख्न विशेष समय लिनुभएका भट्टराईले ट्रङ्क तथा डेडिकेटेड महसुल विवादमा धारणा राख्नुभएको थियो । भट्टराईले गत वैशाख २७ गतेको मन्त्रीपरिषद् बैठकबाट महसुल छुटको निर्णय कानुनविपरीत गराएको आरोप लगाउनुभएको थियो । आर्थिक कार्यविधि तथा वित्तीय उत्तरदायित्व ऐनविपरीत हुने गरी तत्कालीन सरकारले निर्णय गरेकाले सभाले स्पष्टीकरण सोध्नुपर्ने उहाँले बताउनुभएको थियो ।
लेखा समितिको नेतृत्वमा किचलो, शीर्ष तहमै आरोप प्रत्यारोप
प्रतिनिधि सभाको सार्वजनिक लेखा समितिको सभापतिको विषयलाई लिएर सत्तापक्ष र प्रतिपक्षबिच फेरि किचलो सुरु भएको छ । करिब पाँच महिनादेखि सत्तापक्षकै नेतृत्वमा रहेको समितिको सभापतिलाई लिएर शीर्ष तहमै आरोप प्रत्यारोप सुरु भएको छ । लेखा समिति बैठकमा समेत विषय प्रवेश भइसकेको छ । राज्य कोषको खर्च र सार्वजनिक लेखाको जाँच गर्ने अधिकार पाएको समिति विपक्षी दलको नेतृत्वमा हुनुपर्ने मान्यता छ तर मान्यताविपरीत पछिल्लो दुई दशकयता नेपालको संसदीय अभ्यासमा भने यो मानक भत्किएको छ ।
‘समृद्ध नेपाल, सुखी नेपाली’को राष्ट्रिय आकांक्षालाई सघाउने अनुसन्धान गर्न प्रधानमन्त्रीको आग्रह
प्रधानमन्त्री केपी शर्मा ओलीले ‘समृद्ध नेपाल, सुखी नेपाली’को राष्ट्रिय आकांक्षालाई सघाउने खालका अनुसन्धान गरी नीतिगत सुझाव दिन नीति अनुसन्धान प्रतिष्ठानका पदाधिकारीलाई आग्रह गर्नुभएको छ।
सवारी दुर्घटना न्यूनीकरणका लागि परिणाममुखी काम गर्न गृहमन्त्री लेखकको निर्देशन
गृहमन्त्री रमेश लेखकले सवारी दुर्घटना न्यूनीकरण हुनेगरी काम गर्न सम्बन्धित निकायलाई निर्देशन दिनुभएको छ।
जनतालाई शुद्ध खानेपानी वितरण गर्नु हाम्रो प्रमुख दायित्त्व हो : मन्त्री यादव
खानेपानीमन्त्री प्रदीप यादवले नेपाली जनतालाई शुद्ध एवम् सफा खानेपानी वितरण गर्नु मन्त्रालय र सम्बद्ध पक्षको प्रमुख दायित्व भएको बताउनुभएको छ।
जनस्वास्थ्य सङ्कटकाल लगाउनुपर्ने अवस्था छैन : मन्त्री पौडेल
स्वास्थ्य तथा जनसंख्यामन्त्री प्रदीप पौडेलले नेपालमा मनसुनको समयमा देखिने हैजाको हाल जनस्वास्थ्य सङ्कटकाल लगाउनुपर्ने अवस्था नरहेको बताउनुभएको छ ।
सार्वजनिक ऋण सरकारको काबुभित्रै छ, ऋण लिँदा होसियार हुनुपर्छ : अर्थमन्त्री पौडेल
उपप्रधान तथा अर्थमन्त्री विष्णुप्रसाद पौडेलले सार्वजनिक ऋण सरकारको काबु भन्दा बाहिर नभएको बताउनुभएको छ।
कुलमान घिसिङलाई कारबाही गर्नुहुँदैन : सांसद केसी
नेपाली काँग्रेसका सांसद अर्जुन नरसिंह केसीले नेपाल विद्युत प्राधिकरणका कार्यकारी निर्देशक कुलमान घिसिङलाई कारबाही गर्नु नहुने बताउनुभएको छ ।
सांसद योगेश भट्टराईको शब्दमा माओवादीको नियमापत्ति : संसदमा होहल्ला
प्रतिनिधि सभाको बैठकमा नेकपा (एमाले)का सांसद योगेश भट्टराईको अभिव्यक्तिप्रति नेकपा (माओवादी केन्द्र)का सांसदले नियमापत्ति गरेका छन् ।
पूर्व प्रधानमन्त्री प्रचण्ड धनगढीमा : परामर्श बैठक सुरु
पूर्व प्रधानमन्त्री एवम् नेकपा -माओवादी केन्द्र_ का अध्यक्ष पुष्पकमल दाहाल ‘प्रचण्ड’ धनगढी आइपुग्नुभएको छ ।
प्रतिनिधिसभाको बैठक सुरु (प्रत्यक्ष प्रसारण)
संघीय संसदअन्तर्गत प्रतिनिधि सभाको बैठक आज दिउँसो १ बजेबाट शुरु भएको छ ।
लुम्बिनी सरकारका मुख्य न्यायाधिवक्ता खनालद्वारा सपथ
लुम्बिनी प्रदेश सरकारका मुख्य न्यायाधिवक्ता यमलाल खनालले पद तथा गोपनीयताको सपथ लिनुभएको छ । प्रदेश प्रमुख कृष्णबहादुर घर्तीमगरको उपस्थितिमा उच्च अदालत तुलसीपुरका मुख्य न्यायाधीश नित्यानन्द पाण्डेयले पद तथा गोपनियताको सपथ ग्रहण गराउनु भएको हो ।
प्रकाश तामाङलाई तत्काल नागरिकता दिलाउन प्रधानमन्त्रीको पहल
प्रधानमन्त्री केपी शर्मा ओलीले ‘हेर्ने कथा’मा प्रकाश तामाङको कथा हेरेपछि उहाँलाई तत्काल नागरिकता दिलाउन पहल गर्नुभएको छ ।
धनगढीमा माओवादी केन्द्र परामर्श समिति बैठक बस्दै
नेपका (माओवादी केन्द्र)को सुदूरपश्चिम प्रदेशस्तरीय परामर्श समिति बैठक बुधबारदेखि धनगढीमा सुरु हुँदै छ । यही भदौ १३ गतेसम्म सञ्चालन हुने उक्त बैठकमा सुदूरपश्चिम प्रदेशमा कार्यरत केन्द्रीय सदस्य र पदाधिकारी सहभागी रहेन नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’को सचिवालयले जनाएको छ ।
तलब समायोजन परमादेश : सरकारद्वारा पुनरवलोकनको माग
मर्यादाक्रम अनुसार तलब समायोजन गर्न सर्वोच्च अदालतको फैसला पुनरवलोकनका लागि सरकारका तर्फबाट निवेदन दर्ता भएको छ । सरकारकातर्फबाट सचिव फणीन्द्र गौतमले भदौ ६ गते सर्वोच्चमा निवेदन दर्ता गर्नुभएको हो । निजामती र सुरक्षा समूहका समान मर्यादाक्रममा रहेका कर्मचारीको तलब असमान भएकाले एकरूपता कायम गर्नका लागि सर्वोच्चले असार १० गते परमादेशको आदेश जारी गरेको थियो । फैसला पुनरवलोकनमा जाने सरकारको साउन ३१ गतेको निर्णय अनुसार निवेदन दर्ता भएको हो ।
आगामी निर्वाचनमा एक्लै लड्छौँः नेता शर्मा
नेपाल कम्युनिष्ट पार्टी (माओवादी केन्द्र)का स्थायी कमिटी सदस्य रेखा शर्माले पार्टीलाई आगामी चुनावमा एक्लै लड्ने अवस्थामा पु¥याउन नेता तथा कार्यकर्तालाई निर्देशन दिनुभएको छ ।
प्रहरीको ३० वर्षे सेवासम्बन्धी आदेशविरुद्ध सरकार भ्याकेटमा
गृह मन्त्रालयले नेपाल प्रहरीको ३० वर्षे सेवा अवधि लागू नगर्नु भनी सर्वोच्च अदालतले जारी गरेको अन्तरिम आदेशविरुद्ध मङ्गलबार भ्याकेट निवेदन दर्ता गराएको छ ।
