बिरुवामा छैटौं राष्ट्रपति रनिङ शिल्ड प्रतियोगिता सुरु
स्याङ्जाको बिरुवा गाउँपालिकामा छैटौं राष्ट्रपति रनिङ शिल्ड प्रतियोगिता–२०८१ सुरु भएको छ ।
पर्यटकीय गन्तव्य बन्दै भोजपुरको अरुण डाँडा
जिल्लाको पौवादुङमा गाउँपालिका–१ मा रहेको अरुण डाँडा (छिन्तालुङ) आन्तरिक पर्यटकको रोजाइमा परेको छ । गाउँपालिकाले पूर्वाधार विकाससँगै आवश्यक संरचना निर्माण गरेपछि पर्यटकीय क्षेत्रका रूपमा स्थापित भएको हो ।
पुर्ख्याैली पेसाप्रति जलारी युवाको घट्दो रुचि
फेवातालको किनारमा रहेका जलारी समुदायका लागि माछा मार्ने पेसा पुर्ख्याैली परम्परा मात्र होइन, जीविकोपार्जनको आधार पनि हो । तर, अहिलेका जलारी युवाहरूको रुचि भने पुख्र्यौली पेसाभन्दा वैकल्पिक पेसा एवं रोजगारीतर्फ आकर्षित हुन थालेको छ ।
नेपालगन्ज भन्सारको पहिलो चौमासिकमा ६ अर्ब बढी राजस्व सङ्कलन
पश्चिम नेपालकै सबैभन्दा ठुलो नाका मानिने नेपालगन्ज भन्सार कार्यालयले चालु आर्थिक वर्षको पहिलो चौमासिकमा ६ अर्ब ७ करोडभन्दा बढी राजश्व सङ्कलन गरेको छ ।
उपनिर्वाचनको परिणामबाट एक्लै प्रतिस्पर्धा गर्ने आधार तयार भएको माओवादीको निष्कर्ष
नेकपा (माओवादी केन्द्र)ले स्थानीय तहको उपनिर्वाचनको परिणाम उत्साहजनक भएको र यसले आगामी निर्वाचन एक्लै लड्ने आधार तयार गरेको निष्कर्ष निकालेको छ ।
साइकल दौड प्रतियोगिताको तयारी
राष्ट्रिय मेयर कप साइकल दौड प्रतियोगिताको सातौं संस्करण आगामी पुस ६ गते नेपालगन्जमा गर्ने तयारी गरिएको छ । नेपालगन्ज साइक्लिङ्ग क्लबले नेपालगन्ज उपमहानगरपालिकासँगको सहकार्यमा आयोजना गर्दैआएको राष्ट्रिय मेयर कप साइकल दौड प्रतियोगिताको सातौं संस्करण प्रतियोगिताको मिति घोषणा गर्दै क्लबका अध्यक्ष प्रदिप सापकोटाले खेलाडीलाई दर्ता गराउन अनुरोध गर्नुभएको छ ।
मन्त्री भण्डारी र समकक्षी भरतीय मन्त्री जोशीबीच भेटवार्ता
भारतको औपचारिक भ्रमणमा रहनुभएका उद्योग, वाणिज्य तथा आपूर्तिमन्त्री दामोदर भण्डारी र भारतका समकक्षी उपभोक्ता मामिला, खाद्य र सार्वजनिक वितरणमन्त्री प्रल्हाद जोशीबीच बुधबार साँझ नयाँदिल्लीमा भेटवार्ता भएको छ ।
भेडापालन गरी घरव्यवहार धान्दै भाम
छायाँनाथ रारा नगरपालिका वडा –६ कोटिला गाउँका १६ वर्षीय पाउडर भामका र उहाँका ११ वर्षीय भाइ लालबहादुर भामले गाउँको घरमा ६० भेडा पाल्दै आउनुभएको छ ।
दमक बिजनेस कम्प्लेक्स निर्माण पूरा
झापाको दमक वडा नं. ३ मा निर्माण सम्पन्न भए पनि सञ्चालनमा आउन नसकेको धरहराभन्दा अग्लो दमक भ्यू टावर (प्रस्तावित दमक बिजनेस कम्प्लेक्स) को उद्घाटन हुने भएको छ । स्थानीय सरकार वा कुन निकायले सञ्चालन गर्ने भन्ने विषयमा अन्योलता सिर्जना भइरहेको समयमा यसको स्वामित्व अन्तर्राष्ट्रिय सम्मेलन केन्द्र विकास समितिलाई दिने तयारीसहित उद्घाटन हुन लागेको हो ।
विद्युत् प्राधिकरणको जिन्सी शाखाबाट सात करोडका सामान हराए
हेटौँडास्थित नेपाल विद्युत् प्राधिकरणको केन्द्रीय जिन्सी व्यवस्थापन शाखाबाट सात करोड बराबरका सामान गायब भएपछि वास्तविकता पत्ता लगाउन गठन भएको छानबिन समितिले संलग्न व्यक्तिलाई कारबाहीको सिफारिस गरेको छ ।
गुल्मीमा ६ उम्मेदवारको जमानत जफत
मुसिकोट नगरपालिका वडा नम्बर १ को वडाध्यक्ष पदका लागि भएको उपनिर्वाचनमा छ जना उम्मेदवारको जमानत जफत भएको छ । यही मङ्सिर १६ गते सम्पन्न भएको उपनिर्वाचनमा नेकपा (माओवादी केन्द्र), राष्ट्रिय स्वतन्त्र पार्टी (रास्वपा), राष्ट्रिय प्रजातन्त्र पार्टी (राप्रपा)सहित तीन स्वतन्त्र उम्मेदवारको एक हजार रुपियाँ जमानत जफल भएको हो ।
ओखलढुङ्गामा ६१ वटा मानव अधिकार उल्लङ्घनका घटना
ओखलढुङ्गामा एक आर्थिक वर्षको अवधिमा ६१ वटा मानव अधिकार उल्लङ्घन तथा ज्यादतीका घटना घटेका छन् । अनौपचारिक क्षेत्र सेवा केन्द्र (इन्सेक) ओखलढुङ्गाको आयोजनामा नेपाल मानव अधिकार वर्ष पुस्तक २०२५ को वार्षिक समीक्षा कार्यक्रममा यस्तो तथ्याङ्क सार्वजनिक भएको हो ।
एनपीएल : जनकपुरलाई पोखराले दियो १३९ रनको लक्ष्य
पोखरा एभेन्जर्सले नेपाल प्रिमियर लिग (एनपीएल) मा जितका लागि जनकपुर बोल्ट्सलाई एक सय ३९ रनको सामान्य लक्ष्य दिएको छ ।
आन्तरिक पर्यटको गन्तव्य बन्दै कोशी पुल
सप्तकोशी नदीको चतरा पुल क्षेत्रमा आन्तरिक पर्यटकको बाक्लो चहलपहल हुँदै आएको छ । पूर्वी नेपालसँग सडक सञ्जाल जोड्ने वैकल्पिक मार्गका रूपमा बनेको पुल आकर्षक पर्यटकीय स्थल बन्दै आएको छ ।
फ्रान्सका प्रधानमन्त्री बार्निये पदमुक्त
फ्रान्सका प्रधानमन्त्री मिशेल बार्निये पदमुक्त हुनुभएको छ । फ्रान्समा सन् १९६२ पछि पहिलो पटक अविश्वास प्रस्तावबाट सरकार ढलेको हो । अविश्वास प्रस्ताव बहुमतले पास भएपछि प्रधानमन्त्री बर्निये पदमुक्त हुनुभएको छ ।
चिसो छल्न गाउँ छाड्दै घुन्सावासी
ताप्लेजुङको हिमाली बस्ती लेलेपको घुन्सा र पापुङको तोक्पेगोलाका बासिन्दाले चिसो छल्न गाउँ छाड्न थालेका छन् । माथिल्लो भेगमा चिसो बढ्न थालेपछि यहाँका बासिन्दाले गाउँ छाड्न थालेका हुन् ।
नेपाल– चीन पर्यटन प्रवर्द्धनको प्रयास
नेपाल र चीनबीचको सम्बन्धलाई पर्यटनका माध्यमबाट पनि अझ सुमधुर गर्दै दुवै देशको भ्रमणमा एकअर्काका नागरिकलाई प्रेरित गर्ने उद्देश्यले पर्यटन व्यवसायी, विमान कम्पनीहरूसँगको साझेदारीमा बुधबार यहाँ चाइना कल्चरल सेन्टर (सिसिसीे)द्वारा ‘निहाओ चाइना’ कार्यक्रम आयोजना गरियो ।
गाई सुत्केरी भए १० हजार अनुदान
गुल्मीको सत्यवती गाउँपालिकाले पालिकाभित्रका गाई सुत्केरी भए १० हजार रुपियाँ अनुदान दिने भएको छ । पालिकाको वार्षिक स्वीकृत कार्यक्रम अनुसार बाच्छी हुर्काउने कार्यलाई प्रोत्साहन गर्नका लागि पहिलो पटक सुत्केरी भएको बाच्छी हुनुपर्नेछ ।
लैङ्गिक समानता र हिंसासम्बन्धी बनेको ऐन कार्यान्वयनमा चुनौती
सुदूरपश्चिममा लैङ्गिक समानता र हिंसासम्बन्धी बनेका ऐन कार्यान्वयन गर्न चनौती देखिएको छ । सुदूरपश्चिम प्रदेश सभाका सभामुख भीमबहादुर भण्डारीले पटक पटक हुने सरकार परिवर्तनका कारण कानुन कार्यान्यनमा समस्या आएको बताउनुभएको छ ।
तमोर कोरिडोर धमाधम कालोपत्रे हुँदै
तराईदेखि पहाड हु‘दै हिमाल जोड्ने द्रुतमार्गका रूपमा अगाडि बढाइएको तमोर कोरिडोर अन्तर्गत धनकुटा–पाँचथर खण्डमा धमाधम कालोपत्रे गरिँदै छ । गत वर्षदेखि सुरु भएको मूलघाट–दोरम्बा सडकखण्डको कालोपत्रेको कामले गति लिएको हो । काम अगाडि बढेस‘गै कोरिडोर क्षेत्रमा पर्ने पाँचथर, धनकुटा हु‘दै ताप्लेजुङसम्मका नागरिकले राहत महसुस गरिरहेका छन् ।
आयुर्वेदिक औषधी अभाव
औषधी उपचारका लागि प्युठान आयुर्वेद स्वास्थ्य सेवा केन्द्र पुग्ने बिरामी औषधी अभावमा रित्तै फर्किने गरेका छन् ।
वीरगञ्ज भन्सारबाट निर्यात वृद्धि
मुलुकका अन्य भन्सारका तुलनामा यहाँस्थित भन्सार कार्यालयबाट निर्यात बढेको छ । यहाँ एकीकृत जाँचचौकी र सुक्खा बन्दरगाह भएकाले देशका अन्य २६ स्थानका भन्सार कार्यालयले भन्दा बढी वस्तु निर्यात भएको हो ।
पर्यटन प्रवर्धन गर्न भन्डारा
पर्वत जिल्ला आन्तरिक तथा बाह्य पर्यटकका लागि चर्चित गन्तव्य बन्दै गइरहेको छ ।
उत्खनन सहज बनाउन माग
स्थानीय तहका जनप्रतिनिधिले नदीजन्य पदार्थको चोरीनिकासी रोक्न उत्खनन सहज बनाउनुपर्ने माग गरेका छन् ।
समलिङ्गी विवाह दर्ता
बाँकेको कोहलपुर नगरपालिकामा पहिलो पटक समलिङ्गी विवाह दर्ता भएको छ । जाजरकोटकी ३० वर्षीय सञ्जु विक र कोहलपुर–१४ की २९ वर्षकी रिचा सुनारले वडा नम्बर १४ को कार्यालयमा पुगेर
