झन्डै बाह्र लाखले छान्ने छन् पन्ध्र सांसद
काठमाडौँका १० क्षेत्र, भक्तपुरका दुई र ललितपुरका तीन जिल्लामा प्रतिनिधि सभा सदस्य निर्वाचनको उल्लासमय माहोल देखिएको छ । राजधानीका तीन जिल्लाका ११ लाख ८४ हजारभन्दा बढी मतदाताले १५ जना प्रतिनिधि सभा सदस्य छान्ने छन् ।
समृद्धिको आधार पूर्वाधार र पर्यटन
भारतसँग सीमा जोडिएको नवलपरासी (बर्दघाट सुस्तापूर्व) देखि चीनको तिब्बत छुने कोरला नाका समेटिएको गण्डकी प्रदेशमा २४ लाख ६६ हजार मानिसको बसोबास छ । यही फागुन २१ गते हुने आमनिर्वाचनमा यस प्रदेशमा १८ लाख ७० हजार ६५ मतदाता छन् । निर्वाचनकेन्द्रित हुँदै दलले विभिन्न नाममा जारी गरेका घोषणापत्रमा पर्यटन, सुशासन र प्रविधिमार्फत प्रदेशको समृद्धि हासिल गर्ने उल्लेख छ ।
निर्वाचनमा पत्रकारको सुरक्षामा ध्यान दिन महासंघको आग्रह
नेपाल पत्रकार महासंघले निर्वाचनको समयमा दुर्गम क्षेत्रमा खटिने पत्रकारको सुरक्षा र आकस्मिक उद्धारका लागि ‘मिडिया सेफ्टी डेस्क’ र आवश्यक परेको खण्डमा हवाई उद्धारको व्यवस्था समेत मिलाउन सरकारसँग आग्रह गरेको छ ।
पाल्पा–१ का उम्मेदवार आचार्यलाई पितृशोक
पाल्पा क्षेत्र नं १ बाट नेकपा (एमाले) का प्रतिनिधिसभा सदस्य उम्मेदवार नारायणप्रसाद आचार्यलाई पितृशोक परेको छ। आचार्य चुनावी प्रचार–प्रसार र घरदैलो कार्यक्रममा व्यस्त रहनुभएको समयमा बुवा दिल्लीप्रसाद आचार्यको ९२ वर्षको उमेरमा निधन भएको हो ।
खाडी क्षेत्रका देशमा वैदेशिक रोजगारीका लागि श्रम स्वीकृति रोकियो
वैदेशिक रोजगार विभाग, वैदेशिक श्रम स्वीकृति शाखा ताहाचलले आइतबार एक सूचना जारी गर्दै साउदी अरेबिया, संयुक्त अरब इमिरेट्स (युएई), कतार, कुवेत, बहराइन, ओमान, इराक, यमन, जोर्डन, लेबनान, टर्की र इजरायलसहितका देशमा श्रम स्वीकृति रोकेको जनाएको छ ।
१६६ केन्द्रमध्ये १०५ विद्यालयमा
धनकुटामा मतदान स्थलमध्ये अधिकांश सामुदायिक विद्यालयमा रहेका छन् । कुल ११९ मतदान स्थलमध्ये १०५ स्थल सामुदायिक विद्यालयमा निर्धारण गरिएको छ ।
मध्यपूर्वका नेपालीको सुरक्षा सरकारको उच्च प्राथमिकतामा : १७ लाख नेपाली सुरक्षित
परराष्ट्र मन्त्रालयले मध्यपूर्वका विभिन्न देशमा १७ लाख २९ हजारभन्दा बढी नेपाली नागरिक रहेको र उनीहरूको सुरक्षा सरकारको उच्च प्राथमिकतामा रहेको जनाएको छ ।
उडान खुल्ने प्रतीक्षामा विमानस्थलमा अलपत्र यात्री
बर्दियाका किशोर पुन शनिबार रोजगारीका लागि कतार जाँदै हुनुहुन्थ्यो । त्यसैले हातमा पासपोर्ट र नेपाल एयरलाइन्सको टिकट बोकेर उहाँ समयमै विमानस्थल पुग्नुभएको थियो । तर उहाँ कतार जाने भने पाउनुभएन । विमानस्थलमा आएपछि उहाँलाई नेपाल वायुसेवा निगमले हवाई उडान स्थगित भएको सूचना दियो ।
निराशालाई आशामा बदल्न निर्वाचनमा जुट्न मतदातालाई संयोजक प्रचण्डको अपिल
नेपाल कम्युनिस्ट पार्टीका संयोजक पुष्पकमल दाहाल ‘प्रचण्ड’ ले आगामी फागुन २१ गते हुने आम निर्वाचनको पूर्वसन्ध्यामा देश दुई प्रकारका ‘अतिवाद’ को खतरासँग जुधिरहेको बताउनु भएको छ ।
निर्वाचनलाई भयरहित बनाउन प्रहरी महानिरीक्षकको निर्देशन
प्रहरी महानिरीक्षक दानबहादुर कार्कीले निर्वाचनलाई राष्ट्रिय संकल्पको रूपमा लिई भयरहित एवम् निष्पक्ष वातावरणमा सम्पन्न गराउन सबै जिम्मेवारीबोधका साथ कटिबद्ध हुनुपर्ने बताउनुभएको छ ।
कालीकोटमा मदिरा बिक्री निषेध
कालीकोटमा सात दिनसम्म मदिरा बिक्री बितरण गर्न पूर्णरुपमा निषेध गरिएको छ । फागुन २१ गते सम्पन्न हुने प्रतिनिधिसभा निर्वाचनलाई स्वच्छ, निष्पक्ष, तथा भयरहित बनाउन तोकिएको अबधिमा मदिरा बिक्री बितरण गर्न निषेध गरिएको हो ।
कांग्रेसलाई मतदान गर्न पूर्व कार्यवाहक सभापति खड्काको आग्रह
नेपाली कांग्रेसका पूर्वकार्यवाहक सभापति पूर्णबहादुर खड्काले आगामी निर्वाचनमा नेपाली कांग्रेसलाई मतदान गर्न आग्रह गर्नुभएको छ ।
रातो मछिन्द्रनाथको जलेको पाङ्ग्रा बनाउन सुरु
ललितपुरको प्रसिद्ध रातो मछिन्द्रनाथको रथको जलेको पाङ्ग्रा पुनर्निर्माण कार्य सुरु भएको छ । गत भदौमा जेनजी आन्दोलनका क्रममा आगलागीबाट क्षतिग्रस्त बनेको रातो मछिन्द्रनाथको रथका पाङ्गा अहिले परम्परागत शैलीमा नयाँ बनाउने काम भइरहेको हो ।
इरानका सर्वोच्च नेता मारिएको सरकारी पुष्टि
इरानका सर्वोच्च नेता अयातोल्लाह अली खामेनेई मारिएको इरानका सरकारी मिडियाले पुष्टि गरेको छ । इरानको सर्वोच्च राष्ट्रिय सुरक्षा परिषद्ले सो कुराको पुष्टी गरेको बीबीसीमा उल्लेख छ ।
दह्रो प्रतिस्पर्धामा प्रमुख नेता
‘नम्बरी सुनलाई कसी लगाउन पर्दैन’ नेपाली समाजको यो कथन दलका ठुला नेताको मामिलामा कमजोर ठहरिएको छ । दशकौँदेखि नेपाली समाजमा खारिएर आएका नेपालका राजनीतिक दलका ठुला नेता कसी लाउन नपर्ने नम्बरी सुन झैँ जनताले झट्ट पत्याइहाल्ने अवस्थामा देखिएका छैनन् ।
जातीय भेदभाव र हिंसा रोकिएन
दलित समुदायमाथि इन्टरनेट र सामाजिक सञ्जाल माध्यमबाट पनि जातीय भेदभाव र हिंसा भइरहेको एक अध्ययनले देखाएको छ । सामाजिक सञ्जाल प्रयोगबाट अपमान, विभेद र हिंसा हुन थालेपछि दलितमाथि हुने जातीय विभेद र हिंसाको स्वरूप पनि ‘डिजिटलाइज्ड’ भएको अध्ययनको निष्कर्ष छ ।
दलका घोषणापत्रमा पूर्वाधार, महत्वाकाङ्क्षा कार्यान्वयनमा समस्या
फागुन २१ मा हुन लागेको प्रतिनिधि सभा निर्वाचनका लागि प्रचारप्रसारमा होमिएका राजनीतिक दलहरूले विगत झैँ विकास निर्माण र भौतिक पूर्वाधारलाई प्राथमिकतामा राखेर घोषणापत्र सार्वजनिक गरिसकेका छन् । नेपाली कांग्रेस, नेकपा (एमाले), नेपाली कम्युनिस्ट पार्टी (नेकपा), राष्ट्रिय स्वतन्त्र पार्टी (रास्वपा) लगायतका दलले घोषणापत्रमा पूर्वाधार तथा राष्ट्रिय गौरवका आयोजनालाई प्राथमिकतासाथ उल्लेख गरेका छन् । घोषणापत्रमा मुलुकको समृद्धि र विकासलाई उच्च प्राथमिकता दिएको देखिन्छ ।
युद्धमा होमियो मध्यपूर्व
अमेरिका र इजरायल मिलेर इरानमाथि सैन्य आक्रमण सुरु गरेका छन् । अमेरिका र इरानबिचको जेनेभा वार्ता असफल भएपछि शनिबार बिहानदेखि इरानको राजधानी तेहरानलगायत विभिन्न स्थानमा हवाई आक्रमण गरिएको हो । आफूमाथि भएको आक्रमणको प्रत्याक्रमण स्वरूप इरानले इजरायलसहित कतार, बहराइन, संयुक्त अरब इमिरेट्स र कुवेतमा रहेका अमेरिकी सैन्य अखडालाई लक्षित गरी क्षेप्यास्त्र प्रहार गरेको छ । ती क्षेप्यास्त्रलाई प्रतिरक्षा प्रणालीले आकाशमै नष्ट पारिदिएको सम्बद्ध अधिकारीहरूले बताएका छन् । इरानले प्रत्याक्रमण गरेपछि मध्यपूर्वका सबै हवाई उडान प्रभावित भएको एपीले जनाएको छ ।
काठमाडौँमा रोकिए तीन हजार यात्रु
मध्यपूर्वका देशमा देखिएका तनावका कारण नेपालमा शनिबारका लागि पूर्वनिर्धारित १८ वटा उडान रद्द हुँदा तीन हजारभन्दा बढी यात्रु प्रभावित भएका छन् । संयुक्त राज्य अमेरिका र इजरायलले इरानमाथि गरेको आक्रमणको जवाफमा तेहरानले गरेको प्रत्याक्रमणपछि चुलिएको क्षेत्रीय तनावका कारण आठ वटा देशले आफ्नो हवाईक्षेत्र बन्द गरेका छन् ।
२० गते रातिदेखि यातायात नचल्ने
निर्वाचनको अघिल्लो दिन अर्थात् फागुन २० गते लामो तथा मध्यम दुरीका रात्रि बसहरू सञ्चालन नहुने यातायात व्यवसायीले बताएका छन् । निर्वाचन आयोगले मतदानलाई लक्षित गर्दै फागुन २० गते राति १२ बजेदेखि २१ गते साँझ पाँच बजेसम्म अत्यावश्यकबाहेकका निजी तथा सार्वजनिक सवारी सञ्चालन बन्द गरेकाले रात्रि बसहरू सञ्चालन नगर्ने नेपाल यातायात व्यवसायी राष्ट्रिय महासङ्घले जनाएको छ ।
दलहरूको घोषणापत्रमा लुम्बिनी : रोजगारी सिर्जनामा समान दृष्टिकोण
आसन्न प्रतिनिधि सभा निर्वाचनका लागि राजनीतिक दलहरूले सार्वजनिक गरेको घोषणापत्रमा लुम्बिनीको विकासबारे साझा धारणा देखिएको छ । विशेष गरी विश्व सम्पदा सूचीमा सूचीकृत लुम्बिनी क्षेत्रको दिगो विकास, व्यवस्थापन र अन्तर्राष्ट्रिय प्रवर्धन यस पटकका दलका प्रतिबद्धतापत्रको साझा विषय भएको छ ।
फागुमा प्रयोग गरौँ प्राकृतिक रङ
नेपालीहरूको रङ्गीन पर्व फागु (होली) मा प्राकृतिक रङ प्रयोग गर्न चिकित्सकहरूले सुझाव दिएका छन् । यो पर्वमा खेलिने रङको सही प्रयोग नगर्दा स्वास्थ्यमा समस्या देखिने गरेको छ । त्रिगुणा लामालाई गत वर्ष कलेजमा होली खेल्दा साथीहरूले मिसावटयुक्त रङको प्रयोग गर्दा अस्पताल जानु परेको थियो । होली खेल्दा रङ लगाएको केही घण्टापछि उहाँको शरीरमा फोका आउन सुरु ग¥यो । ती फोका चिलाउने, पोल्ने र फुट्ने गर्दा झनै पीडादायी भयो । दुई दिनसम्म पनि ठिक नभएपछि उहाँले विशेषज्ञ चिकित्सककहाँ गएर उपचार गराउनुभएको थियो । त्रिगुणाको मात्र समस्या होइन, होलीमा धेरै मानिसले सही रङको प्रयोग नगर्दा समस्या हुने गरेको छ । बजारमा पाइने रङको गुणस्तर र त्यसले पार्ने स्वास्थ्य असरबारे धेरैलाई जानकारी नहुँदा छालासम्बन्धी रोग बढिरहेको छ ।
उडान अवरुद्ध हुँदा त्रिभुवन अन्तर्राष्ट्रिय विमानस्थलमा यात्रु अलपत्र (फोटो फिचर)
खाडी मुलुकको उडान अवरुद्ध भएपछि त्रिभुवन अन्तर्राष्ट्रिय विमानस्थलमा यात्रु अलपत्र परेका छन् । यूएईको दुवई, कतारको दोहालगायत क्षेत्रको उडान अवरुद्ध हुँदा यात्रु अलपत्र परेका हुन् ।
-original-thumb.jpg)
कलंकी मन्दिर सुधार समितिमा रायमाझी
कलंकी मन्दिर संरक्षण तथा समाज सुधार संस्थाको २३ औँ वार्षिक साधारणसभा शनिबार सम्पन्न भएको छ । साधारण सभाले नयाँ कार्यसमिति सर्वसम्मत रूपमा चयन गरेको छ । सभाले लक्ष्मण रायमाझीको अध्यक्षतामा नयाँ कार्यसमिति चयन गरेको हो ।
सवारी दुर्घटनामा एकको मृत्यु
झापाको बिर्तामोडमा दुईवटा सवारीसाधन ठक्कर खाँदा एक जनाको मृत्यु भएको छ । दुर्घटना भित्री सडक खण्डमा शुक्रबार राति भएको हो ।
