थप ६६० जना कोरोना सङ्क्रमित, एकको मृत्यु
पछिल्लो २४ घण्टामा ६६० जना नयाँ कोरोना सङ्क्रमित थपिएका छन् । स्वास्थ्य तथा जनसङ्ख्या मन्त्रालयका अनुसार कुल चार हजार ६८२ कोरोना परीक्षण गर्दा ६६० जना नयाँ सङ्क्रमित थपिएका हुन् ।
कोरोनाबाट निधन हुनेमा ७६ प्रतिशत खोप नलगाउने
साउनयता (तीन हप्ता) मा मृत्यु भएका कोरोना सङ्क्रमितमध्ये ७६ प्रतिशतले कोरोनाविरुद्धको खोप नलगाएको पाइएको छ ।
थप ९१२ जनामा सङ्क्रमण, एकको मृत्यु
पछिल्लो २४ घण्टामा ९१२ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार छ हजार ४९१ जनाको पीसीआर र एन्टिजेन परीक्षण गर्दा ९१२ जनामा सङ्क्रमण पुष्टि भएको हो । साथै, २४ घण्टामा एकजना सङ्क्रमितले ज्यान गुमाएका छन् ।
हेल्थ असिष्टेन्टको भरमा स्वास्थ्य केन्द्र
भगवानपुर गाउँपालिकामा –१ मा रहेको प्राथमिक स्वास्थ्यसेवा केन्द्र एचएको भरमा चलिरहेको छ । आठ महिनादेखि चिकित्सक नहुँदा विरामीहरुले उपचार पाउन सकेका छैनन् भने विरामीको चापलाई सामान्य उपचार दिन समेत नसकिएको स्वास्थ्य केन्द्रले जनाएको छ ।
नौ केजीको ट्युमरको सफलतापूर्वक शल्यक्रिया
वी.पी.कोइराला स्वास्थ्य विज्ञान प्रतिष्ठान धरानमा नौ के.जी वजनको ट्युमरको जटिल शल्यक्रिया गरी सफलता पूर्वक निकालिएको छ ।
थप ७६० जनामा कोरोना पुष्टि, एकको मृत्यु
पछिल्लो २४ घण्टामा ७६० जनामा कोरोना पुष्टि भएको छ । स्वास्थ्य तथा जनसङ्ख्या मन्त्रालयका अनुसार पाँच हजार ९२६ जनाको एन्टिजेन र पीसीआर परीक्षण गर्दा ७६० जनामा कोरोना पुष्टि भएको हो ।
बाङ्गोपनाको चिन्ता
लिङ्गमा बाङ्गोपना देखिएको र यसबाट आफू चिन्तित भएको कुरा लिएर थुप्रै व्यक्ति यौन चिकित्सक कहाँ धाउँछन्। लिङ्गको फेदैदेखि लिङ्ग दायाँबायाँ वा मुनितिर ढल्किनु स्वभाविक कुरा हो। उत्तेजित वा कडा नभएको अवस्थामा आफ्नै बोझ थाम्न नसकेर लिङ्ग तलतिर लत्रिन्छ। व्यक्ति सीधा उभिएको अवस्थामा उत्तेजित लिङ्गमा सामान्यतया बाङ्गोपना हुँदैन। तर सुतेको बेला दायाँ वा बायाँ ढल्किन सक्छ।
उकालो चढ्दै सङ्क्रमण : १८ दिनमा १६ जनाको मृत्यु
काठमाडौं, साउन १८ गते। पछिल्लो सयम नेपालमा कोरोना सङ्क्रमणदर निरन्तर बढ्दो क्रममा रहेको छ। स्वास्थ्य तथा जनसंख्या मन्त्रालयका प्रवक्ता डा. समिरकुमार अधिकारीका अनुसार पछिल्लो हप्ताको बुधबार करिब १२ प्रतिशत रहेको सङ्क्रमणदर बढेर १५ प्रतिशत भन्दा बढी रहेको छ। मन्त्रालयको तथ्याङ्क अनुसार साउन लागेदेखि अहिलेसम्म १६ जना सक्रमितको मृत्यु भएको छ। मृत्यु हुने सङ्क्रमितमध्ये अधिकांश दीर्घ रोगी र खोप नलगाएका रहेको डा. अधिकारीले जानकारी दिनुभयो। सोही सययमा नौ हजार ६५२ जना सङ्क्रमित थपिएका छन् भने दुई हजार ९६९ जना सङ्क्रमित सङ्क्रमणमुक्त भएका छन्। २४ घण्टामा ९१५ जनामा कोरोना पुष्टि२४ घण्टामा परीक्षण गरिएकामध्ये १५.२४ प्रतिशत अर्थात् छ हजार दुई जनाको एन्टिजेन र पीसीआर परीक्षण गर्दा ९१५ जनामा कोराना पुष्टि भएको छ। सङ्क्रमितमध्ये सबैभन्दा बढी ४२२ जना काठमाडौं उपत्यकामा थपिएका छन्। जसमा काठमाडौंमा ३३७, भक्तपुरमा ३२ र ललितपुरमा ५३ जना रहेका छन्। सङ्क्रमणदर बढ्दै गएकोले थप शर्तकता अपनाउन डा. अधिकारीले आग्रह गर्नुभयो। सरुवा रोग विशेषज्ञ डा. शेरबहादुर पुनका अनुसार सङ्क्रमणबाट बच्न अनिवार्य रुपमा नाक, मुख, चिउडो छोपीने गरेर मास्कको प्रयोग गर्ने, एक अर्कोमा कम्तिमा दुई मिटरको भौतिक दूरी कायम राख्ने, बेलाबेलामा साबुन पानीले हात धुने सेनिटाइजरको प्रयोग गर्न सुझाव दिनुहुन्छ। संक्रमणबाट बच्न खोप अभियान पुनः संचालन गर्नुपर्ने डा. पुनको भनाइ छ। उहाँ भन्नुहुन्छ, ‘‘सरकारी स्तरबाट नै खोप लगाउन खोपको प्रचार प्रसार गर्नुका साथै अभियान संचालन गर्नुपर्छ।” सक्रिय सङ्क्रमितको संख्या पाँच हजार नाघ्यो नेपालमा सङ्मिक्रको सङ्ख्या बढेसँगै सक्रिय सङ्क्रमितको सङ्ख्या पनि उकालो लागेको छ। साउन १ गते १४ सय ३९ भएको सक्रिय सङ्क्रमितको सङ्ख्या बढेर पाँच हजार ४३३ पुगेको मन्त्रालयका प्रवक्ता डा. अधिकारीले जानकारी दिनुभयो। उपत्यकामा मात्रै सक्रिय सङ्क्रमितको सङ्ख्या तीन हजार ७७० छ। सक्रिय सङ्क्रमितमध्ये पाँच हजार २७५ जना होम आइसोलेसनमा छन्। त्यसैगरी १५८ जनाको संस्थागत आइसोलेसनमा उपचाररत छन्। संस्थागत आइसोलेसन भएकामध्ये ४३ जनाको आइसीयू र दुई जना भेन्टिलेटरमा उपचाररत छन्। काठमाडौं र ललितपुरमा पाँच सय भन्दा बढी सक्रिय सङ्क्रमित छन्। कास्कीमा दुई सय भन्दा बढी सक्रिय सङ्क्रमित रहेका छन्। अहिले शून्य सङ्क्रमित भएका जिल्ला पाँच रहेका छन्। अहिलेसम्म ११ लाख ३१ हजार बढीमा कोराना पुष्टि नेपालमा कोरोना सुरु भएदेखि बुधबारसम्म ११ लाख ३१ हजार ८५३ जनामा कोराना पुष्टि भएको छ। सङ्क्रमितमध्ये नौ लाख ७० हजार ९३६ जना सङ्क्रमणमुक्त भएका छन्। नेपालमा सङ्मित निको हुने दर ९८.२ प्रतिशत रहेको छ। सङ्क्रमितमध्ये ११ हजार ९८६ जनाको मृत्यु भएको छ। नेपालमा सङ्क्रमितको मृत्यु दर १.२ प्रतिशत रहेको छ।नेपालमा खोप अभियान सुरु भएदेखि आजसम्म सरकारले चार करोड ९४ लाख ९२ हजार १८५ मात्रा खोप लगाइसकेको छ। जसमध्ये दुई करोड १५ लाख ७६ हजार ८६७ जनाले पहिलो मात्रा, दुई करोड छ लाख सात हजार २४७ जनाले पूर्णमात्रा खोप लगाएका छन्। त्यसैगरी ७३ लाख आठ हजार ७१ जनाले अतिरिक्त मात्रा खोप लगाएका छन्। १७ अस्पतालमा निःशुल्क उपचारसङ्क्रमित दरलाई मध्येनजर गर्दै सरकारले कोरोना सङ्क्रमितको लागि निःशुल्क उपचार गर्न सात प्रदेशबाट १७ अस्पताल तोकेको छ। डा. अधिकारीका अनुसार सरकारले मध्यम र गम्भीर अवस्थामा भएका सङ्क्रमितको उपचार गर्दा उपचार शुल्क तिर्नु नपर्ने गरी १७ अस्पताल तोकेको हो। कोभिड–१९ सङ्क्रमितको उपचार वापत ती अस्पताललाई बिरामीको अवस्थाको आधारमा अनुदान दिने व्यवस्था गरिएको डा. अधिकारीले जानकारी दिनुभयो। डा. अधिकारीका अनुसार सरकारले तोकेका अस्पतालमध्ये प्रदेश १ मा कोशी अस्पताल र बीपी कोइराला स्वास्थ्य विज्ञान प्रतिष्ठान गरेर दुई अस्पताल रहेका छन्। त्यसैगरी, मधेश प्रदेशमा जनकपुर प्रादेशिक अस्पताल, नारायणी गरी दुई अस्पतालमा निःशुल्क उपचार गर्ने निर्णय गरेको छ। बाग्मती प्रदेशमा शुक्रराज ट्रपिकल तथा सरुवा रोग अस्पताल, भरतपुर अस्पताल, वीर अस्पताल त्रीवी शिक्षण अस्पताल र पाटन स्वास्थ्य विज्ञान प्रतिष्ठान गरेर पाँच अस्पताल तोकेको छ। गण्डकी प्रदेशमा पोखरा स्वास्थ्य विज्ञान प्रतिष्ठान, धौलागिरी गरेर दुई अस्पतालमा निःशुल्क उपचार गर्ने जनाएको छ। सरकारले लुम्बिनी प्रदेशमा लुम्बिनी प्रादेशिक अस्पताल, भेरी अस्पताल र कर्णली प्रदेशमा कर्णली स्वास्थ्य विज्ञान प्रतिष्ठान, सुर्खेत प्रादेशिक अस्पताल तोकेको छ। सुदूरपश्चिम प्रदेशमा डडेलधुरा अस्पताल र सेती प्रादेशिक अस्पतालमा सक्रमितको निःशुल्क उपचार गर्ने भएको छ।
कोभिड-१९ विरुद्धको खोपमा लक्ष्य हासिल गरेको दाबी
काठमाडौं, साउन १८ गते। स्वास्थ्य सेवा विभाग परिवार कल्याण महाशाखा प्रमुख डा. विवेककुमार लालले नेपालले कोभिड-१९ विरुद्धको खोपमा लक्ष्य हासिल गरेको दाबी गर्नुभएको छ। स्वास्थ्य मन्त्रालयको बुधबारको प्रेस ब्रिफिङमा नेपालले कोभिड-१९ विरुद्धको खोपमा लक्ष्य हासिल गरेको दाबी गर्नुभएको हो। नेपालमा खोप अभियान दक्षिण-पूर्वी एसियाकै उच्च रहेको उहाँको भनाइ छ। खोप अभियान सुरु भएदेखि अहिलेसम्म कुल जनसंख्याको ७३ प्रतिशत भन्दा बढीले कोभिड–१९ विरुद्ध खोप लगाइसकेको डा.लालले जानकारी दिनुभयो। ७० प्रतिशत भन्दा बढीले दोस्रो अथवा पूर्ण मात्रा खोप लगाइसकेका छन्। १२ वर्षमाथिका लक्षित समूहमा पहिलो मात्राको ९२ प्रतिशत भन्दा बढी र दोस्रो मात्राको ८८ प्रतिशत बढीले खोप लगाइसकेको डा. लालले जानकारी दिनुभयो। २७ जिल्लाका ५ देखि ११ वर्षका बालबालिकालाई कोभिड-१९ विरुद्धको खोपको दुवै मात्रा दिइसकिएको छ। बाँकी ५० जिल्लामा भदौ ५ गतेदेखि खोप अभियान सञ्चालन गर्ने तयारी भइरहेको डा.लालले जानकारी दिनुभयो। खोपले सङ्क्रमणको जोखिम कम गर्नुका साथै मृत्युदर घटाउने हुँदा खोप लगाउन छुटेकालाई नजिकैको खोप केन्द्र गएर खोप लगाउन र पूर्ण खोप लगाएको तीन महिना पुगेकालाई बुस्टर डोज लगाउन पनि उहाँले आग्रह गर्नुभयो। हालसम्म नेपालमा ५ करोड ८८ लाख ९१ हजार ५७० मात्रा खोप प्राप्त भएको डा. लालले जानकारी दिनुभयो। यसमा कोभ्याक्स सुविधाबाट दुई करोड ७४ लाख ९१ हजार ६०० खोप प्राप्त भएको छ। कोभ्याक्सबाट खोपबाहेक अन्य खोपजन्य सामग्री पनि प्राप्त भइरहेको उहाँले बताउनुभयो। डा. लालका अनुसार गाभीले अझै पनि खोप तथा खोपजन्य सामग्री उपलब्ध गराउने प्रतिवद्धता गरेको छ।नेपालमा कोभिड-१९ पछि खोप भण्डारणको क्षमतामा व्यापक वृद्धि भएको पनि उहाँले जानकारी दिनुभयो। कोभिड भन्दा पहिले खोप भण्डारणको क्षमता १४५ घनमिटर मात्रै थियो भने अहिले ५३२ प्रतिशत बढेर ९१७ घनमिटर भण्डारण क्षमता रहेको छ। गाभी लगायत अन्य दाता निकायको सहयोगमा यो उपलब्धि हासिल भएको उहाँको भनाइ छ।
एकैदिन ९१५ जनामा कोरोना पुष्टि
नेपालमा २४ घण्टामा ९१५ जनामा कोरोना पुष्टि भएको छ । स्वास्थ्य तथा जनसङ्ख्या मन्त्रालयका अनुसार छ हजार दुई जनाको एन्टिजेन र पीसीआर परीक्षण गर्दा ९१५ जनामा कोरोना पुष्टि भएको हो ।
-original-thumb.jpg)
खेताला चालकको भरमा अस्पतालको शव वाहन
जिल्ला अस्पताल धादिङमा शव वाहन छ तर चालक छैन । धेरैलाई त शव वाहन छ भन्ने थाहा छैन । थाहा हुनेले पनि आवश्यक पर्दा चालक अभावमा प्रयोग गर्न पाउँदैनन् । प्रयोग गर्नेले खेताला चालक व्यवस्था गरेर मात्र प्रयोग गर्छन् । शव बाहन चलाउन अस्पतालले छुट्टै चालक नियुक्त गर्न नसक्दा हरेक पटक अन्य गाडीका चालक खोजेर शव बाहन चलाउनु पर्ने बाध्यता छ ।
डाइलासिस सेवा सञ्चालनका लागि डडेल्धुरा अस्पताललाई चार वटा मेसिन हस्तान्तरण
सङ्घीय सरकार मातहत रहेको सुदूरपश्चिम प्रदेशको एकमात्र अस्पताल डडेल्धुरा अस्पतालमा डाइलासिस सेवा सञ्चालनको तयारी भएको छ । अस्पतालले मिर्गाैलाका बिरामीको सहजताका लागि सो सेवा सञ्चालनको तयारी गरेको छ ।
थपिएन कोरोनाकालका स्वास्थ्यकर्मीको म्याद, मुख्य अस्पतालमा समस्या
कोरोनाको चौथो लहरको पूर्व रूपको सङ्केत गर्दै सङ्क्रमण दर दैनिक बढ्दैछ । मङ्गलबार मात्र ८१४ जनामा कोरोना सङ्क्रमण थपिएको छ । साउन लागेयता १६ जनाको मृत्यु भइसकेको छ । सक्रिय सङ्क्रमित पाँच हजार नाघेका छन् । अवस्था यस्तो रहँदै गर्दा यसअघि कोरोनाकालमा करारमा राखिएका स्वास्थ्यकर्मीको म्याद भने थपिएको छैन । तलब खुवाउन समस्या भएको भन्दै सरकारले गत असार ३१ गते निर्णय गरी यही साउन १ देखि नै त्यस्ता स्वास्थ्यकर्मीको म्याद नथपेको हो । त्यसको असर मुख्य अस्पतालमै आईसीयू र भेन्टिलेटर सञ्चालनमा समस्या उत्पन्न भएको छ । वीर अस्पताल, शुक्रराज ट्रपिकल तथा सरुवा रोग अस्पताल र कान्ति बाल अस्पतालमा यस्तो समस्या देखिएको छ ।
सबैभन्दा धेरै कोरोना संक्रमित काठमाडौं र ललितपुरमा
देशभर सक्रिय सङ्क्रमितको संख्या बढ्दै गएको छ। साउन १ गते १४ सय ३९ जना भएका सक्रिय सङ्क्रमित १७ दिनमा बढेर पाँच हजार १४४ पुगेका छन्।
थप ८१४ जनामा कोरोना पुष्टि, सक्रिय सङ्क्रमित पाँच हजार नाघ्यो
स्वास्थ्य तथा जनसङ्ख्या मन्त्रालयका सहप्रवक्ता डा. समीर अधिकारीका अनुसार पाँच हजार ४१५ जनाको एन्टिजेन र पीसीआर परीक्षण गर्दा ८१४ जनामा कोरोना पुष्टि भएको हो ।
बालबालिकामा भाइरल ज्वरोको सङ्क्रमण बढ्दै
छिल्लो केही दिनदेखि बालबालिकामा भाइरल ज्वरोको सङ्क्रमण बढ्दै गएको छ । महाराजगञ्जस्थित कान्ति बाल अस्पतालका बालरोग विशेषज्ञ डा. अनिल श्रेष्ठले बालबालिकामा भाइरल ज्वरोको सङ्क्रमण बढेसँगै अस्पतालमा बिरामीको भीड बढ्न थालेको जानकारी दिनुभयो ।
११ स्थानीय तहका विद्यालयमा नर्स कार्यक्रम सुरु हुँदैै
कर्णाली प्रदेशका ११ वटा स्थानीय तहमा रहेका १०९ वटा विद्यालयमा नर्स राखिने भएको छ । विद्यालय नर्स कार्यक्रम अन्तर्गत विद्यालयमा नर्स राखिने भएको हो । विद्यालय तहबाट नै बालबालिकालाई स्वस्थ जीवनशैली अपनाउन प्रेरित गर्ने उद्देश्यले यस कार्यक्रमले लिएको छ ।
‘बेबी मिल्क बैंक’ स्थापना : स्तनपान गराउनेमा कर्णाली प्रदेश अगाडि
स्वास्थ्य तथा जनसङ्ख्यामन्त्री भवानीप्रसाद खापुङले बुद्धिजीवीहरु, धनाढ्य व्यक्तिहरुबाट नै बच्चालाई आमाको स्तनपान गराउने कुरामा बेवास्ता गरिरहेको बताउनुभएको छ । मंगलबार प्रशुति गृह थापाथलीमा ‘बेबी मिल्क बैंक’ स्थापना कार्यक्रमलाई सम्बोधन गर्दै उहाँले यस्तो बताउनुभएको हो । मन्त्री खापुङले विकास निर्माणको अग्रसरतामा पछि परेको कर्णाली प्रदेशमा बच्चालाई स्तनपान गराउने संख्या बढी देखिएकोले बच्चा हुर्काउने र बच्चालाई स्तनपान गराउने मामिलामा बागमती प्रदेश भन्दा कर्णाली प्रदेश नै बौद्धिक देखिएको जिकिर गर्नुभयो ।
मौवाहीका ४०१ बालबालिकाको निःशुल्क आँखा जाँच
सखुवानन्कारकटि गाउँपालिका वडा नम्बर –१ मैवाहीका ४०१ बालबालिकाको निःशुल्क आँखा जाँच शिविर सम्पन्न भएको छ । साउन १६ गते सोमबार सम्पन्न शिविरमा मोबाइलको बढी प्रयोग गर्नाले बालबालिकाको आँखामा समेत असर परेको चिकित्सकहरुले बताएका छन् ।
मुख्यमन्त्री राई कोरोना सङ्क्रमित
प्रदेश नं १ का माननीय मुख्यमन्त्री राजेन्द्रकुमार राई कोभिड सङ्क्रमित हुनुभएको छ । सोमबार मुख्यमन्त्रीसहित उहाँका परिवारका सदस्यहरू, सचिवालयका सदस्यहरू, निवासका सुरक्षाकर्मी, कर्मचारीहरूलगायत १६ जनाको पीसीआर परीक्षण गर्दा मुख्यमन्त्रीसहित तीन जनामा कोभिड संक्रमण देखिएको हो ।
१७ अस्पतालबाट कोभिड सङ्क्रमितको उपचार निःशुल्क
स्वास्थ्य तथा जनसङ्ख्या मन्त्रालयका सहप्रवक्ता डा. समीर अधिकारीका अनुसार सरकारले मध्यम र गम्भीर अवस्थामा भएका सङ्क्रमितको उपचार गर्दा शुल्क तिर्नु नपर्ने गरी १७ अस्पताल तोकेको हो ।
थप ८९५ जनामा कोरोना पुष्टि, एकको मृत्यु
पछिल्लो २४ घण्टामा थप ८९५ जनामा कोरोना सङ्क्रमण पुष्टि भएको छ । देशभरका ल्याबबाट कुल पाँच हजार ९०९ जनाको परीक्षण गर्दा ८९५ जनामा कोरोना पुष्टि भएको हो ।
ललितपुरका दुई पालिकामा डेङ्गु सङ्क्रमित
ललितपुर महानगरपालिकाका साथै महालक्ष्मी नगरपालिकामा पनि डेङ्गु सङ्क्रमित भेटिएका छन् । पानी जम्मा हुने स्थानमा सरसफाइमा ध्यान नदिएका कारण रोगका बिरामी भेटिएका हुन् ।
स्तनपान गराउँदा १६ देखि २२ प्रतिशतसम्म नवजात शिशुको मृत्युदर घटाउन सकिन्छ
बच्चा जन्मिएको एक घण्टाभित्रमा स्तनपान गराउँदा १६ देखि २२ प्रतिशतसम्म नवजात शिशुको मृत्युदर घटाउन सकिने विभिन्न अध्ययनले देखाएको छ ।
बङ्गलादेशमा अध्ययन गरेका डाक्टरहरुबीच पुनर्मिलन कार्यक्रम
बगलादेशमा चिकित्सा शिक्षा अध्ययन पुरा गरी आएका डाक्टरहरुबीच पुर्नमिलन कार्यक्रम भएको छ ।
