कबिन्द्र नेपालमणिग्राम (रुपन्देही), जेठ १० गते । रुपन्देहीको कोटहीमाई गाउँपालिकामा लोकतान्त्रिक समाजवादी पार्टीले जितेको छ । कोटहीमाई गाउँपालिकामा अध्यक्ष उपाध्यक्ष दुबै पद लोकतान्त्रिक समाजवादी पार्टीले जितेको हो । पालिकाको अध्यक्षमा लोकतान्त्रिक समाजवादी पार्टीका बालकृष्ण त्रिपाठी र उपाध्यक्षमा पनि सोही पार्टीकी सुशिलाकुमारी यादव विजयी हुनुभएको हो । गाउँपालिका अध्यक्षमा निर्वाचित त्रिपाठीले ४ हजार ६३८ मत प्राप्त गर्दा निकटतम प्रतिद्वन्दी नेपाल जनता पार्टीका अशोककुमार जयसवालले ४ हजार २३९ मत प्राप्त गर्नुभयो । त्यस्तै, उपाध्यक्षमा निर्वाचित यादवले ४ हजार ७३६ मत प्राप्त गर्दा निकटतम प्रतिद्वन्दी नेपाली काँग्रेसकी उम्मेदवार गुजराती यादवले ३ हजार ४४२ मत प्राप्त गर्नुभएको छ । ७ वटा वडा रहेको कोटहीमाई गाउँपालिकामा वडा नं. १ को अध्यक्षमा लोसपाका राजेश तेली, वडा नं. २ मा जसपाका अमरनाथ यादव, वडा नं. ३ मा नेपाल जनता पार्टीका विष्णुप्रसाद पाण्डे, वडा नं. ४ मा लोसपाका वेचुराम गडेरिया, वडा नं. ५ मा लोसपाका सञ्जयकुमार सैनी, वडा नं. ६ मा जसपाका विनोद यादव र वडा नं. ७ को अध्यक्षमा नेपाली काँग्रेसका पवनकुमार यादव विजयी हुनुभएको छ ।
चित्र मिजारसिन्धुपाल्चोक, जेठ १० गते । सुनकोशी गाउँपालिका अध्यक्ष टपेन्द्रप्रसाद तिमल्सिनाले सुनकोशी गाउँपालिकालाई समृद्ध पार्न कृषि, पर्यटन र उद्योगको क्षेत्रमा काम गर्ने बताउनुभएको छ ।सुनकोशी गापा क्षेत्रको चेहेरे, सुकुटे, बलेफी, कोठे, पाङ्ग्रेटारको सुनकोशी नदी करिडोरमा सडक ट्रयाक निर्माण गरी उक्त करिडोरमा पर्यटकीय नगरी निर्माण गर्ने जानकारी दिनुभएको हो । उक्त क्षेत्र रिसोर्ट व्यवसाय र ¥याप्टिङका लागि परिचित छ । सो क्षेत्रको सीप, क्षमतालाई ख्याल गर्दै ग्रामीण भेगमा गलैँचा, सिलाइ बुनाइलगायतका काममा प्रवर्धन गरेर स्थानीय महिलालाई आत्मनिर्भर बनाउने योजना अघि सार्ने उहाँले बताउनुभएको छ । माटो सुहाउँदो कृषिक्षेत्रमा काम गर्ने, गाउँमै आयआर्जन गरेर जीविकोपार्जन गर्न सक्ने कामलाई प्राथमिकता दिने अध्यक्ष तिमल्सिनाले बताउनुभयो ।सामुदायिक विद्यालयका शैक्षिक गुणस्तर बढाउने र स्थानीय पाठ्यक्रम तयार गरी विद्यालय तहमा लागू गर्ने उहाँले योजना सुनाउनुभयो । सुत्केरीलाई एक हजार ५ सय सुत्केरी भत्ता दिने, छोरी जन्मिएको हकमा थप एक हजार सुत्केरी स्याहारसुसार खर्च उपलब्ध गराउने उहाँले बताउनुभयो । ज्येष्ठ नागरिक, दीर्घरोगीलाई चिकित्सकको कागजपत्रको आधारमा घरमै औषधि उपलब्ध गराउने ।
तिलाचन पाण्डेतम्घास, जेठ १० गते । दोस्रो कार्यकालका लागि निर्वाचित धुर्कोट गाउँपालिकाका अध्यक्ष भुपाल पोखरेलले गाउँपालिकाका नागरिकहरुको घरको बीमा गरिदिने घोषणा गर्नुभएको छ । दोस्रो कार्यकालका लागि पदभार ग्रहण गर्दै उहाँले नागरिकहरुको घरको बीमाको पचास प्रतिशत रकम अनुदान स्वरुप उपलब्ध गराउने निर्णय गरेको जानकारी दिनुभयो ।पछिल्लो समयमा प्राकृतिक बिपत्तिबाट घरमा हुने गरेको क्षतिहरुलाई राहत स्वरुप उपलब्ध गराउन अनिवार्य रुपमा घरको बीमा गर्ने र बीमाको पचास प्रतिशत रकम गाउँपालिकाले अनुदान स्वरुप उपलब्ध गराउने घोषणा गर्नुभएको हो । गाउँपालिकाले विद्युतीय चुल्होेमा पचास प्रतिशत छुट दिने निर्णय पनि गरेको छ । यस्तै, दलित परिवारका १० जना विद्यार्थीलाई एसईई पछिको तीन वर्षे प्राविधिक शिक्षामा छात्रवृत्तिको व्यवस्था गर्ने जनाएको छ ।पालिकाभित्र विभिन्न कारणले अभिभावक गुमाएका २० जना विद्यार्थीलाई कक्षा १२ सम्म आवाससहित शिक्षा प्रदान गर्ने निर्णय गरेको छ ।नागरिकलाई आत्मनिर्भर बनाउन व्यवसायिक रुपमा कृषि र पशुपालनलाई पहिलो प्राथमिकता दिइएको छ ।
राष्ट्रपति विद्यादेवी भण्डारीले आज अपराह्न ४ बजे सङ्घीय संसद्का दुवै सदनको संयुक्त बैठकलाई सम्बोधन गर्नुहुने भएको छ । सो संयुक्त बैठकलाई सम्बोधनमार्फत आगामी आर्थिक वर्ष २०७९-८० का लागि नेपाल सरकारको नीति तथा कार्यक्रम प्रस्तुत हुनेछ ।
प्रधानमन्त्री शेरबहादुर देउवाले अस्ट्रेलियाको प्रधानमन्त्री पदमा एन्थोनी अल्बानी नियुक्त हुनु भएकोमा हार्दिक बधाइ ज्ञापन गर्नुभएको छ ।
वतरणको क्रममा चरासँग ठोक्किएका कारण समयमै उडान गर्न नसकेको जजिरा एयरको विमान सोमबार अपराह्न ५ः१५ बजे फर्किएको छ । कुवेतबाट आएको सो जहाज बिहान पौने २ बजे भैरहवा अन्तर्राष्ट्रिय विमानस्थलमा अवतरण गर्ने क्रममा चरा ठोकिएको आशङ्का गरिएको थियो ।
चलचित्र क्षेत्र लयमा फर्किएसँगै सिनेमा हलमा चलचित्र प्रदर्शनमा आउने क्रम जारी छ । कोरोना सङ्क्रमणको तेस्रो लहरको महामारीको प्रभाव न्यून भएसँगै नेपाली चलचित्रको प्रदर्शनी मिति घोषणा भइरहेका छन् । निर्माता सङ्घका अध्यक्ष आकाश अधिका
वैशाख महिनामा देशभर घरजग्गाको कारोबारमा गिरावट आएको छ । चालू आर्थिक वर्षको साउनदेखि फागुन महिनासम्म बढेको घरजग्गाको कारोबार चैतदेखि ओरालो लाग्न थालेको भूमि व्यवस्था तथा अभिलेख विभागले जनाएको छ ।
साहसिक पर्यटनका रूपमा लिइने जलयात्रा (-याफ्टिङ) प्रवर्धनका लागि पोखरा पर्यटन परिषद्ले तल्लो मस्र्याङ्दीलाई छनोट गरेकोे छ । परिषद्को नेतृत्वमा पोखराका विभिन्न पर्यटनसँग सम्बद्ध सङ्घसंस्थाका प्रतिनिधिसहितको एक टोलीले हालै लमजुङ राइनासको तल्लो मस्र्याङ्दी नदीमा करिब २६ किलोमिटर जलयात्रा गरेर पर्यटन प्रवद्र्धनको प्रयास गरेको होे । पोखरास्थित -यापिड रनर ए
परराष्ट्रमन्त्री डा. नारायण खड्काले नेपाल सन् २०२६ सम्ममा विकासशील मुलुकमा स्तरोन्नति हुन विद्यमान चुनौतीमा नयाँ चुनौती थपिएको बताउँदै स्वस्थ अर्थतन्त्र कायम गर्न सरकारले ल्याएका उपायबारे जानकारी गराउनुभयो । जसअनुसा
१२ वटा स्थानीय तह रहेको सुनसरीमा सातवटा प्रमुख जितेर नेपाली कांग्रेस पहिलो बनेको छ । दुई उपमहानगरपालिका, चार नगरपालिका र छ गाउँपालिका रहेको सुनसरीमा कांग्रेसले छवटा तहमा उपप्रमुखसमेत जितेको छ । यता दोस्रो स्थानमा रहेको नेकपा (एमाले)ले तीन पालिकाको प्रमुख र पाँच पालिकाको उपप्रमुखमा जित हासिल गरेको छ ।
विगत दुई वर्षदेखि कोरोना महामारीका कारण रोकिएको साहित्य सन्ध्याको ४२८औँ शृङ्खला विशेष गोष्ठीसहित ‘मीमांसा दर्शन र प्रगतिशीलता’ विषयमा परिचर्चा आयोजना गरी सम्पन्न गरिएको छ ।
विराटनगर महानगरपालिकामा निर्वाचित प्रमुख नागेश कोइराला र उपप्रमुख शिल्पा निरौला कार्कीले पदभार ग्रहण गर्नुभएको छ । सोमबार शपथग्रहण लगतै महानगरपालिका प्रमुख र उपप्रमुखले पदभार ग्रहण गर्नुभएको हो । पदभार ग्रहण गरेको दिन महानगरपालिकाका प्रमुख र उपप्रमुखले दुईवटा निर्णयमा हस्ताक्षर गर्नुभएको छ । प्रमुख कोइरालाले महानगरपालिकामा करको दायरा बढाउने र दरलाई घटाउने निर्णय गर्नुभएको छ । यसैगरी उपमेयर कार्कीले महानगरपालिकामा लैङ्गिक हिंसा निवारण कोष स्थापना गर्ने निर्णयमा हस्ताक्षर गर्नुभएको छ ।
मधेस प्रदेशस्थित धनुषा जिल्लाको अधिकांश पालिका प्रमुखमा नेपाली कांग्रेसका उम्मेदवार निर्वाचित भएका छन् । स्थानीय तह निर्वाचनअन्तर्गत भएको निर्वाचनमा जिल्लाको १८ वटा पालिकामध्ये १० वटा पालिका प्रमुखमा कांग्रेसका उम्मेदवार निर्वाचित भएका हुन् । नेपाली कांग्रेसबाट सात नगरपालिका र तीन गाउँपालिका रहेका छन् । जसमध्ये हंसपुर नगरपालिकामा प्रदीपकुमार यादव, कमला नगरपालिकामा विशेश्वर यादव, गणेशमान चारनाथ नगरपालिकामा जितनारायण यादव, धनुषाधाम नगरपालिकामा बालेश्वर मण्डल, नगराइन नगरपालिकामा विनयकुमार यादव, मिथिला नगरपालिकामा महेन्द्र महतो र मिथिला बिहारी नगरपालिकामा राजेन्द्रप्रसाद यादव हुनुहुन्छ । तीन गाउँपालिकामा लक्ष्मीनिया गाउँपालिकामा भोगेन्द्र मिश्र, बटेश्वर गाउँपालिकामा रामअशिष महतो र धनोजी गाउँपालिकामा राजकुमार साह हुनुहुन्छ ।
हप्ताको दुई दिन सार्वजनिक बिदा हुँदा बजारमा पेट्रोलियम पदार्थको अभाव देखिएको छ । सोमबार काठमाडौँ उपत्यकाका अधिकांश पम्पमा डिजल पेट्रोल भर्ने सवारीसाधनको लामो लाइन थियो । नेपाल आयल निगमले शनिबार र आइतबार डिपो बन्द गरेपछि पम्पमा अभाव भएको हो तर पेट्रोलियम व्यवसायीले भने निगमले इन्धन बिक्री कटौती गरेको आरोप लगाएका छन् ।