गोरखापत्र अनलाइन
‘एसईई परीक्षा प्रभावकारी बनाइने’
मधेश प्रदेशका शिक्षा, विज्ञान, प्रविधि तथा वाणिज्यमन्त्री महेशप्रसाद यादवले मधेशमा विगतभन्दा यस वर्षको एसईई परीक्षा सफल र प्रभावकारी बनाउने योजना रहेको बताउनुभयो। मधेश प्रदेश शिक्षा, विज्ञान, प्रविधि तथा वाणिज्य मन्त्रालयद्वारा सोमबार जनकपुरधाममा आयोजित माध्यमिक शिक्षा परीक्षा (एसईई) २०७९ सञ्चालन तथा व्यवस्थापनसम्बन्धी सुरक्षा निकायका प्रमुखसँगको अन्तक्र्रियामा मन्त्री यादवले उक्त कुरा बताउनुभएको हो। प्रदेशको शिक्षा व्यवस्थालाई सुधार गर्न आवश्यक रहेको उल्लेख गर्दै उहाँले आगामी एसईई परीक्षा विगतभन्दा सफल बनाउने योजनामा प्रदेशका आठै जिल्लाका सुरक्षा निकायको महत्वपूर्ण भूमिका रहने बताउनुभयो।
बजार धाउनै पर्दैन
पछिल्लो समय सर्लाहीका गाउँमै दैनिक उपभोग्य वस्तु पाइन थालेपछि स्थानीयको जीवनयापन सहज बन्दै गएको छ। ग्रामीण भेगमा समेत दिनहुँ आवश्यक पर्ने खाद्यान्न र अन्य वस्तु सहजै पाउन थालेपछि स्थानीयलाई बजार नै धाउनुपर्ने बाध्यता हट्न थालेको हो। यहाँका ग्रामीण भेगमा साना बजार बस्न थालेपछि दैनिक उपभोग्य वस्तु र अन्य आवश्यक सामग्रीको पसल खुल्ने क्रम बढ्दो छ।
नाफामा अरनिको स्मृति
नेपाल ललितकला प्रज्ञा–प्रतिष्ठान (नाफा)ले सोमबार राष्ट्रिय विभूति अरनिकोको स्मृति दिवस मनाएको छ । प्रतिष्ठानका पूर्वकुलपति केके कर्माचार्यले नेपाली कला र कलाकारलाई देश–विदेशमा चिनाउन अरनिकोको भूमिका महत्वपूर्ण रहेको चर्चा गर्दै नेपालमा अरनिकोका बारेमा विगतमा भएका संस्थागत तथा व्यक्तिगत कार्यका बारेमा जानकारी दिनुभयो ।
मुस्ताङी च्याङ्ग्राको भुवा सङ्कलन
मुस्ताङमा गुणस्तर परीक्षणका लागि पस्मिना को कच्चा पदार्थ च्याङ्ग्राको भुवा सङ्कलन गर्न थालिएको छ ।
मनाइयो विश्व रङ्गमञ्च दिवस
नेपाल सङ्गीत तथा नाट्य प्रज्ञा–प्रतिष्ठान र माला आर्ट्स एकेडेमीले संयुक्त रूपमा ६२औँ विश्व रङ्गमञ्च दिवस मनाएका छन । संस्कृति, पर्यटन तथा नागरिक उड्डयनमन्त्री सुदन किरातीको प्रमुख आतिथ्यतामा आयोजित कार्यक्रममा नाटककार अभि सुवेदीले अन्तर्राष्ट्रिय नाट्य समूहको सन्देशका रूपमा इजिप्टकी अभिनेत्री समिहा अयुवद्वारा लिखित सन्देशको नेपाली अनुवाद वाचन गर्नुभएको थियो ।
जुट्न थाल्यो सहयोग
झापा कनकाई नगरपालिका–३ की बीना लिम्बूलाई उपचारका लागि बीपी कोइराला स्वास्थ्य विज्ञान प्रतिष्ठान घोपा लगिएको छ। श्रीमान्द्वारा हतियार प्रहार गरी सख्त घाइते बन्नुभएकी ३८ वर्षीया बीना लिम्बू खर्च अभावमा घरमै मृत्यु कुरिरहेको समाचार यसअघि गोरखापत्र दैनिक र गोरखापत्र अनलाइनमा प्रकाशित भएको थियो। समाचार प्रकाशनपछि देश विदेशमा रहेका नेपालीले चासोसहित सहयोग गर्न थालेका छन्। उहाँलाई अस्ट्रेलियामा रहनुभएका दुर्गाप्रसाद उप्रेतीले नगद पाँच हजार पाँच सय, कनकाई नगरपालिका–३ का रमेशचन्द्र मैनालीले पाँच हजार एक सय, कनकाई नगरपालिका–२ का वडाध्यक्ष बलराम राईले छ हजार रुपियाँ प्रदान गर्नुभएको छ।
स्थानीय अस्पताल निर्माण धमाधम
दोलखाका स्थानीय तहले नागरिकलाई सहज रूपमा स्थानीयस्तरमै आधारभूत स्वास्थ्य सेवा दिन धमाधम अस्पताल निर्माण गरिरहेका छन्। नागरिकलाई आधारभूत स्वास्थ्य सेवा पु-याउने उद्देश्यले सङ्घीय सरकारले २०७७ साल मङ्सिरमा एकैसाथ ३९६ वटा आधारभूत अस्पतालको शिलान्यास गरेको थियो। दुई वर्षअघि दोलखामा शिलान्यास गरिएका छवटा अस्पतालमध्ये पाँचवटा अस्पताल हाल निर्माणाधीन छन्।
चर्नावती वृद्धाश्रम निर्माण
दोलखाको शैलुङ गाउँपालिका–७ मा सुविधासम्पन्न चर्नावती वृद्धाश्रम निर्माण भएको छ। भवनको भित्री व्यवस्थापनको काम पनि अन्तिम चरणमा पुगेको चर्नावती त्रिवेणी विकास सङ्घका अध्यक्ष गुणबहादुर बुढाथोकीले बताउनुभयो। उहाँका अनुसार चर्नावती वृद्धाश्रमको पहलकदमी २०६९ सालमा र भवन निर्माण २०७४ सालमा सुरु गरिएको हो। पाँच करोड रुपियाँमा भवन निर्माण हुने विस्तृत परियोजना प्रस्ताव (डीपीआर) तयार भए पनि दुई करोड ५६ लाख रुपियाँमा ठेक्का सम्झौता भएपछि संरचना अधुरो पारेर छोड्दा लामो समय लागेको हो।
दुई महिनादेखि ‘एक्सरे मेसिन’ प्रयोगविहीन
पश्चिम म्याग्दीको दरवाङ प्राथमिक स्वास्थ्य केन्द्रमा दुई महिनादेखि ‘एक्सरे मेसिन’ प्रयोगविहीन भएपछि बिरामीलाई सास्ती भएको छ ।
नियमावली र विधेयक विवाद, प्रधानमन्त्री–सभामुख छलफल
प्रतिनिधि सभामा विचाराधीन दुई विधेयकको प्रक्रिया र कार्यसञ्चालन नियमावलीको विवादबारे प्रधानमन्त्री पुष्पकमल दाहाल ‘प्रचण्ड’ र सभामुख देवराज घिमिरेबीच छलफल भएको छ। नियमावलीको विषयमा आइतबार सभामुख घिमिरेले प्रमुख राजनीतिक दलका संसदीय दलका प्रमुख सचेतक, सचेतक तथा नियमावलीमा संशोधन दर्ता गर्ने सदस्यहरूसँग छलफल गर्नुभएको थियो। भोलिपल्टै सभामुख घिमिरेले सोही विषयमा प्रधानमन्त्रीसँग पनि छलफल गर्नुभएको हो।
महिला सहभागिता बढ्दै
राष्ट्रिय सभाका अध्यक्ष गणेश तिमिल्सिनाले राजनीतिमा महिला सहभागिता र नेतृत्व सार्थक रुपमा बढ्दै गएको बताउनुभएको छ । शान्ति, न्याय र लोकतन्त्रका लागि समावेशी महिला सञ्जाल (सङ्कल्प)ले सोमबार राजधानीमा आयोजना गरेको “प्रतिनिधि सभाका महिला सांसदको सामूहिक सम्मान” कार्यक्रमलाई सम्बोधन गर्दै उहाँले महिला नेतृत्वले राजनीतिक तथा सामाजिक परिवर्तनका लागि पु¥याएको योगदानको कदर हुनुपर्ने बताउनुभयो ।
रोजगारी खोज्न विदेशिने बढे
सिन्धुपाल्चोकमा दैनिक ३८ जनाभन्दा बढीले राहदानी बनाउनेमध्ये अधिकांशले वैदेशिक रोजगारीमा जानका लागि बनाउने गरेका पाइएको छ। जिल्ला प्रशासन कार्यालय, सिन्धुपाल्चोकमा राहदानी र नागरिकता बनाउनेको भीड लाग्ने गरेको छ।
पचास प्रतिशत ऊर्जा काठ दाउराकै
काभ्रेपलाञ्चोक जिल्लामा रहेका कुल घरपरिवार सङ्ख्यामध्ये आधा घरपरिवारले खाना पकाउनका लागि अझै पनि काठ र दाउराको प्रयोग गर्ने गरेको पाइएको छ। जनगणना २०७८ को तथ्याङ्कअनुसार काभ्रेपलाञ्चोकमा ९१ हजार ४२८ घरपरिवार बसोबास गर्दै आएकोमा ४५ हजार २९९ घरपरिवारले खाना पकाउनका लागि काठ तथा दाउराको प्रयोग गर्ने गरेका छन्।
हेटौँडामा नयाँ घर निर्माणमा कमी
गत आर्थिक वर्षको अनुपातमा चालु आर्थिक वर्षमा हेटौँडा उपमहानगर क्षेत्रमा नयाँ भवन निर्माणमा कमी आएको छ। तराई–मधेशमा भएको आन्दोलनपछिका वर्षमा हेटौँडामा त्यहाँबाट बसाइँसराइले तीव्रता पाउँदै आएको छ। तराई–मधेशबाट बसाइँसराइ गर्ने, पहाड र छिमेकी पालिकाबाट झर्ने क्रम बढ्दो रहेको हेटौँडा उपमहानगर क्षेत्रमा चालु आर्थिक वर्ष २०७९/८० को गत माघ महिनासम्म भने नयाँ भवन निर्माणमा कमी आएको हो।
सत्ता साझेदारको बैठक आज
सत्ता साझेदार राजनीतिक दलहरू मन्त्रिपरिषद् विस्तारका सन्दर्भमा मङ्गलबार निर्णायक संवादमा जुट्दैछन्। सत्ता गठबन्धनका तीन दलका शीर्ष नेताको सोमबारको बैठकले मङ्गलबार सत्ता साझेदार दलहरूसँग मन्त्रिपरिषद् विस्तारबारे छलफल गर्ने निर्णय गरेको हो।
