गोरखापत्र अनलाइन
रुकुम पश्चिममा स्यालको टोकाइबाट नौ जना घाइते
रुकुम पश्चिमको मुसिकोट नगरपालिकामा स्यालको टोकाइबाट नौ जना घाइते भएका छन् । मुसिकोट नगरपालिकाको ४, ६, ७ र १० नम्बर वडाका गरी नौ जनालाई स्यालले टोकेको हो ।
औद्योगिक ग्राम निर्माण अलपत्र
बैतडीको मेलौलीमा औद्योगिक ग्राम निर्माणको काम चार वर्षदेखि अलपत्र परेको छ । बैतडीको मेलौली नगरपालिका १, ३, ५ र ६ नम्बर वडा जोडेर कफलानीमा औद्योगिक ग्राम स्थापनाका लागि सरकारले स्थान छनोट गरे पनि निर्माणको काम नहुँदा औद्योगिक ग्राम अलपत्र परेको हो । औद्योगिक ग्राम निर्माण हुने स्थानमा फलाम खानी, चुनढुङ्गा र तामाको खानी रहेको छ ।
देशभरको मौसम सफा रहने
देशभर मौसम बुधबार (आज) सामान्यतया सफा रहने जल तथा मौसमविज्ञान विभागले जनाएको छ ।
फूल बेचेर मनग्गे आम्दानी
कालीगण्डकी गाउँपालिकामा तिहारको समयमा सयपत्री फूल बिक्री गरेर मनग्गे आम्दानी भएको छ। गाउँपालिकाले तिहारका लागि व्यावसायिक फूल खेती गराएको थियो।
भूमिगत पार्किङमा महानगरको डोजर
पोखरा महानगरपालिकाले भूमिगत पार्किङस्थल खाली गराउन थालेको छ। कर छुटको सुविधा लिएर भवन निर्माण गरिएका व्यापारिक भवनहरूको ‘अन्डरग्राउन्ड’ खाली गराउन थालिएको हो। घरधनी तथा व्यापारीहरूले ‘अन्डरग्राउन्ड’ पार्किङहरूलाई व्यापारिक प्रयोजनमा प्रयोग गरेको पाइएपछि ३५ दिने सूचना नै जारी गरी खाली गराउन थालेको पोखरा महानगरपालिकाले जनाएको छ। सूचना जारी गर्नुअघि पनि पटक–पटक हटाउन अनुरोध गरिएको थियो।
प्रत्यक्ष प्रतिस्पर्धामा महिला उम्मेदवार बाह्र प्रतिशत
आसन्न प्रतिनिधि सभा तथा प्रदेश सभा सदस्य निर्वाचनमा पहिलो हुने निर्वाचन प्रणालीमा प्रतिस्पर्धा गर्ने महिला उम्मेदवारको सङ्ख्या कम रहेको छ। संविधानले प्रतिनिधि सभा तथा प्रदेश सभामा महिलाको प्रतिनिधित्व ३३ प्रतिशत गर्ने सुनिश्चित गरेको छ। तर आगामी मङ्सिर ४ गते हुने निर्वाचनमा प्रत्यक्षतर्फ प्रतिस्पर्धा गर्न उम्मेदवार दर्ता गराएका महिलाको सङ्ख्या निकै कम रहेको निर्वाचन आयोग नेपालको तथ्याङ्कमा छ।
विद्यालय भवन भत्किएपछि वडा कार्यालयमा पढाई
गत भदौमा आएको वर्षासँगैको पहिरोले विद्यालय भवन भत्काएपछि रुकुमपूर्वको एक विद्यालयको पढाई वडा कार्यालय र अन्तर्गतको स्वास्थ्य इकाई भवनमा हुँदै आएको छ ।
समानुपातिकको मतपत्र व्यवस्थापन हुँदै
आगामी मङ्सिर ४ गते हुने प्रतिनिधि सभा तथा प्रदेश सभा सदस्य निर्वाचनको मिति नजिकिएसँगै निर्वाचन अधिकृतका कार्यालयका कामहरू निर्वाचन केन्द्रित भएका छन्।
मिटरब्याज पीडितद्वारा प्रदर्शन
मिटरब्याज पीडितहरूले कारबाहीको माग गर्दै मङ्गलबार सप्तरीको राजविराजमा प्रदर्शन गरेका छन्। मिटरब्याजी रामदेव साहलगायतलाई यथाशीघ्र कारबाहीको माग गर्दै सप्तरी जिल्ला प्रशासन कार्यालयअगाडि पीडितहरूले प्लेकार्डसहित प्रदर्शन गरेका हुन्।
स्यालको आक्रमणबाट सात जना घाइते
बस्ती पसेको स्यालको आक्रमणबाट बर्दिबास नगरपालिका–४, माईस्थानमा सात जना घाइते भएका छन्। घाइतेमध्ये विभा आले, तेजबहादुर राना र तुलामाया सुठुङ्गेको अवस्था गम्भीर छ। घटनालगतै तीनै जनालाई बर्दिबासस्थित शुभ स्वस्तिक अस्पतालमा भर्ना गरिएको थियो। अस्पतालले सिफारिस गरेपछि उहाँहरूको अहिले काठमाडाैँस्थित शिक्षण अस्पतालमा उपचार भइरहेको पारिवारिक स्रोतले जनाएको छ।
निर्वाचन सुरक्षाका लागि सीमा क्षेत्र अनुगमन
मोरङमा स्थानीय प्रशासनले सीमावर्ती क्षेत्रको अनुगमन सुरु गरेको छ। निर्वाचन लक्षित सुरक्षा योजना र निर्वाचन व्यवस्थापनको आवश्यक तयारीका लागि मोरङका प्रमुख जिल्ला अधिकारी नेतृत्वको टोलीले सीमा क्षेत्र अनुगमन गरेको हो।
दुई जिल्ला जोड्ने योजना प्रभावित
पूर्वी पहाडका दुई जिल्लालाई सडक सञ्जालले जोड्ने उद्देश्यसहित निर्माण थालिएको पुल निर्माण व्यवसायीको लापरबाहीले अझै सम्पन्न भएको छैन । पाँचथर र तेह«थुमको सीमावर्ती तमोर नदीस्थित लुमु घाटमा ११ वर्षअगाडि पुल निर्माण सुरु भएको थियो।
सङ्खुवासभामा मतदाता शिक्षा कार्यक्रम सुरु
सङ्खुवासभाका १० वटै स्थानीय तहमा मतदाता शिक्षा कार्यक्रम सुरु गरिएको छ । जिल्ला निर्वाचन कार्यालयले सवै स्थानीय तहमा विभिन्न चरणमा मतदाता शिक्षा कार्यक्रम सुरु गरेको हो ।
