गोरखापत्र अनलाइन
कारागारबाटै निर्वाचन लड्दै शर्मा
बाँके निर्वाचन क्षेत्र नम्बर २ की प्रतिनिधिसभा सदस्य उम्मेदवार विद्यादेवी शर्माले कारागारबाटै निर्वाचन लड्दै हुनुहुन्छ । उम्मेदवारी दर्ता गराएको केही समयमै नेपालगन्ज १५ निवासी शर्मालाई प्रहरीले सरकारी कागजात किर्ते तथा ठगी मुद्दामा पक्राउ गरेको थियो ।
प्राविधिक शिक्षामा छात्रवृत्ति : छोरी–बुहारीलाई राहत
कर्णालीमा सञ्चालित ‘छोरी बुहारी छात्रवृत्ति’ कार्यक्रमले अध्ययनमा सहज वातावरण बनाएको पाइएको छ । कर्णाली प्रदेश सरकारले आर्थिक वर्ष २०७५/७६ बाट छोरी–बुहारीलाई छात्रवृत्ति कार्यक्रम अघि बढाएको थियो । सामाजिक विकास मन्त्रालयमार्फत कार्यविधि बनाएर सञ्चालनमा ल्याइएको यो कार्यक्रमले प्राविधिक विषय पढ्न आँट गर्ने कर्णालीका छोरी–बुहारीलाई राहत दिलाएको हो । नारायण नगरपालिका–७, दैलेखकी सुस्मिता कोइरालाले छात्रवृत्तिको रकमबाट आफूलाई प्राविधिक शिक्षा पढ्न सहज भएको बताउनुभयो ।
प्रतिबद्धता पूरा नभएको मतदाताको गुनासो
चुनाव नजिकिएसँगै सल्यानका उम्मेदवारले प्रचार कार्य तीव्र पारेका छन् । अधिकांश उम्मेदवारले पूर्वाधार विकास निर्माणका पुरानै मुद्दालाई चुनावी नारा बनाएका छन् । उम्मेदवारले राप्ती राजमार्ग, मदन भण्डारी राजमार्ग, रिङरोडलगायत राजमार्गलाई चुनावी मुद्दा बनाएका छन् । यद्यपि, सल्यानको मुख्य सडक राप्ती राजमार्ग स्तरोन्नति गर्ने प्रतिबद्धता आजअघिका उम्मेवारले पटक–पटक गरे पनि काम हुन सकेको छैन । दाङ–सल्यान ६५ किलोमिटर राप्ती राजमार्ग स्तरोन्नति गर्ने नारालाई यस पटक समेत सबै उम्मेदवारले मुख्य नारा बनाएका छन् ।
कम्युनिस्टको गढ प्युठानमा थापा र पौडेलबिच प्रतिस्पर्धा
कम्युनिस्टका गुरु मानिने मोहनविक्रम सिंह सहितका नेताहरूको गृह जिल्ला प्युठानमा यस पटक सूर्य थापा र दुर्गा पौडेल बिच प्रतिस्पर्धा हुने भएको छ ।
नमुना मतदानमा २३ प्रतिशतसम्म मत बदर
जिल्ला निर्वाचन कार्यालय बझाङले जिल्लाका विभिन्न छवटा मतदान केन्द्रमा नमुना मतदान गरेको छ । सो मतदानमा ११ देखि २३ प्रतिशतसम्म मत बदर भएको छ । जिल्लाका विभिन्न छवटा मतदान केन्द्रमा गरिएको नमुना मतदान प्रक्रियामा स्थानीयलाई सहभागी गराइएको थियो ।
चुनावी मुद्दा बन्यो , डेढ सय वर्ष पुरानो पुल
राजनीतिक दलले चुनावी मुद्दाका रूपमा डेढ सय वर्ष पुरानो झुलाघाटको जीर्ण झोलुङ्गे पुलको ठाउँमा पक्की पुल निर्माण गर्ने प्रतिबद्धता जनाएका छन् । पक्की पुलका लागि एक महिना लामो रिले अनशन बसेर सुनुवाइ नभएको पुलको विषय चुनाव आउँदा एक्कासी चर्चामा आएको हो । भारत स्वतन्त्र हुनुअघि नै इस्टइन्डिया कम्पनीले डेढ सय वर्षअघि बैतडीको झुलाघाटमा निर्माण गरेको झोलुङ्गे पुल जीर्ण हुँदा पटक–पटक मर्मत गरेर सञ्चालन गरिँदै आएको छ । नेपाल–भारत जोड्ने अन्तर्राष्ट्रिय सीमा नाका झुलाघाटमा पक्की पुल नहुँदा दुई देशका नागरिक सास्ती खेप्दै आइरहेका छन् ।
मुस्ताङमा चुनावी चहलपहल बढ्यो
आगामी मङ्सिर ४ गते हुने निर्वाचनका लागि हिमालपारिको जिल्ला मुस्ताङमा राजनीतिक दल तथा विभिन्न पार्टीका उम्मेदवारको चुनावी सक्रियता बढेको छ । नेपाली कांग्रेस र नेकपा एमाले मुख्य प्रतिस्पर्धी देखिएको मुस्ताङमा दुवै दलले आफ्नो पक्षमा परिणाम पर्ने दाबी गरेका छन् । एउटा प्रतिनिधि सभा र दुइटा प्रदेश सभा सदस्य निर्वाचन क्षेत्र रहेको यस जिल्लामा नौ जना उम्मेदवार प्रतिस्पर्धामा छन् ।
ढुङ्गेलको ‘माइतीघर’ बजारमा
कलाकार तथा गायक राजु ढुङ्गेलको मौलिक पञ्चेबाजामा आधारित माइतीघर बजारमा आएको छ । गायक ढुङ्गेलले आफैँले संरक्षण गरेको भाका माइतीघरमा ढुङ्गेलको सङ्गीत रहेको छ ।
मतदातालाई पुरानै आश्वासन
निर्वाचन नजिकिँदै जाँदा सर्लाहीका मतदाताले अघिल्लो निर्वाचनमा उम्मेदवारबाट पाएको आश्वासन अझै पूरा नभएको गुनासो गरेका छन्। जिल्लामा वर्षौंदेखिको समस्या ज्युँका त्युँ रहेको मतदाताको भनाइ छ। विशेष गरी यहाँ हुलाकी सडकको समस्या समाधान नहुँदा मतदातामा नैराश्यता बढी देखिएको छ। गोडैता नगरपालिका–७, का स्थानीय सञ्जित दासले प्रत्येक निर्वाचनमा उम्मेदवारले हुलाकी सडकको एजेन्डा उठाए पनि सडकको अवस्था भने सुधार हुन नसकेको बताउनुभयो। “हुलाकी सडकको अवस्था हेर्दा हामीलाई नै लज्जा महसुस हुन्छ तर यहीँबाट चुनाव जितेर गएका उम्मेदवार फेरि हुलाकी सडकलाई मुद्दा बनाएर मत मागिरहनुभएको छ,” दासले भन्नुभयो, “यो
परीक्षाफल ढिला हुँदा विद्यार्थी आन्दोलित
पठनपाठन चलिरहेका बेला धादिङस्थित नीलकण्ठ बहुमुखी क्याम्पसमा स्नातक तह तेस्रो वर्षमा अध्ययनरत विद्यार्थीहरू अकस्मात् प्लेकार्ड लिएर क्याम्पस प्राङ्गणमा उभिए। प्लेकार्डमा लेखिएको थियो, ‘खै रिजल्ट मुसाले खायो, खै मुसो टीयूभित्र पस्यो,’ ‘सङ्ख्यामा विश्वमै एक नम्बर, गुणस्तरमा विश्वमै अन्तिम,’ ‘शिक्षामा राजनीति गर्न पाइँदैन, यस्तो विश्वविद्यालय चाहिँदैन,’ ‘विश्वविद्यालयमा राजनीति बन्द गर, विद्यार्थीको भविष्यमाथि खेलबाड नगर।’
भुसाल र विश्वकर्माबीच रस्साकस्सी
एक महिनाअघिसम्म घनश्याम भुसाल र छविलाल विश्वकर्मा नेकपा (एमाले)का खम्बा हुनुहुन्थ्यो। फुटबल मैदानमा एउटै टोलीबाट गोल हान्न तयार दुई ‘स्ट्राइकर’ जस्तै। एमालेको १०औँ महाधिवेशनमा छविलाल सचिवमा निर्विरोध निर्वाचित हुनुभयो, भुसाल उपाध्यक्षमा पराजित हुनुभयो। पराजित भए पनि भुसाल स्थायी कमिटीमा पुग्नुभयो। २०६५ मा बुटवलमा भएको एमालेको आठौँ महाधिवेशनबाट भुसाल र छविलाल केन्द्रीय सदस्यमा निर्वाचित भएसँगै दुवै जना पोलिटब्युरो सदस्य बन्नु अर्को संयोग थियो।
अभिनय गर्दा रमाइलो भयो : गायक विक
‘उता हजुर मुसुक्कै, यता यो ज्यान भुसुक्कै’ गीतमार्फत चर्चामा आएका गायक कृष्ण विकको दोस्रो गीत सार्वजनिक भएको छ। सो गीत उहाँले गायिका समीक्षा अधिकारीसँग मिलेर गाउनुभएको छ। श्रीकृष्ण बम मल्लको शब्द रहेको गीतमा सङ्गीत र एरेन्ज स्वयं गायक कृष्णकै रहेको छ। संस्कृति, पर्यटन तथा नागरिक उड्डयनमन्त्री जीवनराम श्रेष्ठको प्रमुख आतिथ्य र अभिनेता राजेश हमालको विशिष्ट आतिथ्यतामा सोमबार गीतको भिडियो सार्वजनिक गरिएको हो।
निर्वाचनमा सुरक्षा प्रबन्ध
लोकतन्त्रको मूल आधार आवधिक निर्वाचनलाई मानिन्छ। आउँदो मङ्सिर ४ गते प्रतिनिधि सभा र प्रदेश सभाका निम्ति मतदान कार्य हुँदै छ। मुलुकका सातै प्रदेश र ७७ जिल्लामा एकै चरणमा हुन लागेको यो आमनिर्वाचनको ऐतिहासिक र विशेष महत्त्वसमेत छ। मूल कुरा त एकै चरणमा देशभर निर्वाचन हुँदै छ। निर्वाचनलाई शान्तिपूर्ण र सुरक्षित तवरले सम्पन्न गर्नु यतिबेलाको मूल दायित्व हो। एकै चरणमा निर्वाचन सम्पन्न गर्नु सुरक्षाका दृष्टिकोणले निकै नै चुनौतीपूर्ण कार्य हो। अझ यसमाथि निर्वाचन बिथोल्नका लागि केही समूह लागिपरेका कारण थप सुरक्षा चुनौतीसमेत देखिएको छ। एकै चरणमा देशभर निर्वाचन सम्पन्न गर्ने योजना आफैँमा विशेष महत्त्वपूर्ण छ।
