गोरखापत्र अनलाइन
अन्यत्र निख्रिएपछि सुन्तला टिप्न थालेका बाँसखर्कका किसानले दोब्बर मूल्य पारे
अन्यत्रको निख्रिएपछि सुन्तला टिप्न थालेका पर्वतको जलजला गाउँपालिका–१, बाँसखर्कका किसानले दोब्बर मूल्य पारेका छन् । अन्यत्रका किसानले सरदर प्रतिकिलो रु ७० देखि ८० का दरले सुन्तला बिक्री गरेर सकिसकेपछि बाँसखर्कका किसानले माघ लागेपछि टिप्न थालेका छन् ।
निर्वाचन आचारसंहिता कार्यान्वयनमा आयोग सक्रिय
आसन्न प्रतिनिधि सभा सदस्य निर्वाचनका लागि निर्वाचन आयोगले लागु गरेको आचारसंहिता २०८२ को प्रभावकारी कार्यान्वयनका लागि पहल सुरु भएको छ ।
‘जो कोहीलाई उत्साहित बनाउने फास्ट ट्र्याकको प्रगति’
देशको राष्ट्रिय गौरवका आयोजनामध्ये सर्वाधिक प्राथमिकताप्राप्त काठमाडौँ–तराईरमधेस दू्रतमार्ग (फाष्ट ट्र्याक) निर्माणको प्रगति ४५ प्रतिशत पुगेको छ । नेपाली सेनाको व्यवस्थापनमा निर्माण भइरहेको उक्त आयोजनाको हाल समष्टिगत भौतिक प्रगति ४५.१६ र वित्तीय प्रगति ४५.३३ रहेको छ ।
सहिदको बलिदानले नै लोकतन्त्र जोगिन्छ : मुख्यमन्त्री कार्की
कोशी प्रदेशका मुख्यमन्त्री हिक्मतकुमार कार्कीले सहिदहरूको बलिदानको जगमा उभिएको लोकतान्त्रिक व्यवस्था नाराले होइन, सचेत नागरिकको धैर्य, विवेक र इमान्दारिताले जोगिने बताउनुभएको छ ।
उद्यमसहितको वन व्यवस्थापनले आगलागी शून्य
मनहरी गाउँपालिका–७ की किसान विमला राईको सम्बन्ध केवल वन संरक्षणमा मात्र सीमित छैन, यो उहाँको दैनिकी, आम्दानी र सुरक्षासँग पनि गाँसिएको छ । सूर्योदयसँगै उहाँ सामुदायिक वनतर्फ लाग्नुहुन्छ ।
भारतको पश्चिम बङ्गालमा निपा भाइरस, पूर्वी नेपालमा सतर्कता
भारतको पश्चिम बङ्गाल क्षेत्रमा निपा भाइरस सङ्क्रमण देखिएपछि कोशी प्रदेशमा त्यसको सतर्कता बढाइएको छ । निपा भाइरस सङ्क्रमण दर उच्च रहेकाले सम्भावित जोखिमबाट सुरक्षित रहन पूर्वका झापा, मोरङ, सुनसरी र इलामका नाकामा हेल्प डेस्कको सव्रिmयतादेखि अस्पतालमा आइसोलेसनसम्मको तयारी थालिएको हो ।
पाँच सय किलो गाँजासहित दश जना पक्राउ
भोजपुरको हतुवागढी गाउँपालिका–९ मचुवाबाट ५०० किलो गाँजासहित आमचोक गाउँपालिका–९ का २९ वर्षीय रूद्रबहादुर श्रेष्ठका साथ अन्य नौ जना पक्राउ परेका छन् ।
बागलुङमा यस वर्ष एसईई दिने ६ सय परीक्षार्थी घटे
गत वर्ष बागलुङमा ४ हजार ८ सय ४५ जना विद्यार्थीले माध्यमिक शिक्षा परीक्षा (एसईई) दिएकोमा यो वर्ष ६ सय विद्यार्थी घटेका छन् । बसाइ सराईदेखि जन्मदरमा आएको गिरावटले यो अंक हरेक वर्ष घट्दो छ ।
मोरङमा घुमुवा प्रहरी परिचालन अझै रोकिएन
गृह मन्त्रालय र नेपाल प्रहरी प्रधान कार्यालयको स्पष्ट निर्देशनविपरीत पूर्वी नेपालमा सादा पोशाकका घुमुवा प्रहरी परिचालन अझै रोकिएको छैन ।
नागुका मतदाताले गरे मतदान नगर्ने निर्णय
दार्चुलाको नौगाड गाउँपालिकामा पर्ने अति दुर्गम गाउँ नागुका स्थानीयले आगामी फागुन २१ गते हुन गइरहेको प्रतिनिधि सभाको निर्वाचन मतदान प्रक्रियामा सहभागी नहुने निर्णय गरेका छन् ।
अस्थायी मतदाता विवरण पनि सङ्कलन हुँदै
आगामी फागुन २१ गते हुने प्रतिनिधिसभा सदस्य निर्वाचनका लागि यहाँ अस्थायी मतदाता विवरण सङ्कलन सुरु भएको छ ।
लालपुर्जा दिनेलाई बुङ्गलवासीको भोट
बझाङको बुङ्गल नगरपालिका–६, बड्डीज्यावनका करिब ४० घरपरिवारले आगामीे प्रतिनिधि सभा सदस्यको निर्वाचनमा जग्गाधनी लालपुर्जा उपलब्ध गराउने उम्मेदवारलाई मात्र भोट दिने बताएका छन् । पुस्तौँदेखि उपभोग गर्दै आएको घरजग्गामा कानुनी स्वामित्व प्रमाण नहुँदा राज्यका आधारभूत सेवा र सुविधा पाउन नसकेको भन्दै स्थानीयले निर्वाचनमा भोट माग्न आउने उम्मेदवारसँग लालपुर्जाको माग गरेका हुन् ।
सिरहामा अगुवा उम्मेदवारतर्फ मतदाताको झुकाव
आगामी फागुन २१ गते हुने प्रतिनिधिसभा निर्वाचनलाई लक्षित गर्दै सिरहा जिल्लामा ‘जेनजी’ आन्दोलनको प्रभाव बढ्दै गएको देखिएको छ । सो आन्दोलनको प्रभावका कारण सिरहाका चारवटै निर्वाचन क्षेत्रमा जेनजी आन्दोलनका अगुवा उम्मेदवारहरूप्रति मतदाताको झुकाव देखिन थालेको छ ।
ब्राउन सुगरसहित दुई पक्राउ
गुप्ताङ्गमा लुकाएर लागुऔषध ओसारपसार गरिरहेको अवस्थामा प्रहरीले ब्राउन सुगरसहित दुई जनालाई पक्राउ गरेको छ ।
लामो समयपछिको हिमपातले किसान खुसी
लामो समयपछि हिमपात भएपछि यहाँका किसान खुसी भएका छन् । उत्तरी गोरखामा बाक्लो हिमपात भएको छ । चुमनुब्री गाउँपालिका अन्तर्गत साम्दो, सामागाउँ, ल्हो, स्याला चुम्चेत र छेकाम्पारमा हिमपात हुँदा यहाँका किसान खुसी भएका कुरा चुमनुब्री गाउँपालिकाका अध्यक्ष निमा लामाले बताउनुभयो । चुमनुब्री गाउँपालिका–७ का पासाङफुन्जो लामाले उत्तरी गोरखामा हिमपात हुँदा स्थानीय खुसी भएको बताउनुभयो । हिमपात भएपछि खेती वृद्धि हुनुका साथै धुलो, धुवाँ, आगजनी नहुने भएकाले स्थानीय कृषक खुसी भएको उहाँको भनाइ छ । आगलागीको जोखिम घटेको छ । स्थानीय पासाङफुन्जो लामाले भन्नुभयो, “हिमपात भएपछि गाउँ नै शान्त भएको छ । मङ्सिरमा छरेको गहुँले पानी पाउनुका साथै उत्तरी गोरखाको वनजङ्गल हराभरा हुने भएको छ ।”
-(1).png)