गोरखापत्र अनलाइन
विपन्न परिवारलाई निःशुल्क धारा
पूर्वी नवलपरासीको कावासोतीमा रहेको कावासोती खानेपानी तथा सरसफाइ उपभोक्ता समितिले विपन्न परिवारलाई निःशुल्क धारा जडान गर्न मिटर वितरण गरेको छ । संस्थाका अध्यक्ष दीपकराज लम्साल, कावासोती नगरपालिका–८ का वडाध्यक्ष भीमबहादुर रिमाल ‘गोकर्ण’ लगायत सम्पूर्ण पदाधिकारीले संयुक्त रूपमा ३२ घरधुरी विपन्न परिवारलाई मिटर हस्तान्तरण गर्नुभएको थियो ।
बागमतीमा मन्त्री आलेमगरद्वारा शपथ
बागमती प्रदेशको मन्त्री परिषद् विस्तार गरिएको छ । बागमती प्रदेशका मुख्यमन्त्री शालिकराम जम्कट्टेलको सिफारिसमा बागमती प्रदेशका प्रदेश प्रमुख यादवचन्द शर्माले नेकपा नेकपा एकीकृत समाजवादीका प्रदेश सभा सदस्य रमा आले मगरलाई मन्त्रीमा नियुक्ति गर्नुभएको हो ।
रेडियो नेपालका कार्यक्रमले सबैलाई एकताबद्ध गर्न योगदान पुगिरहेको छ: प्रधानमन्त्री दाहाल
प्रधानमन्त्री पुष्पकमल दाहाल ‘प्रचण्ड’ले रेडियो नेपालको ७४ औँ वार्षिकोत्सवको अवसरमा शुभकामना व्यक्त गर्नुभएको छ । शुभकामना सन्देशमा प्रधानमन्त्री दाहालले रेडियो नेपालले आफूलाई बदलिँदो राजनीतिक परिस्थिति एवम् सामाजिक रूपान्तरणको अभियानमा जनआकांक्षा अनुरूप उभ्याई सकारात्मक सञ्चार सम्प्रेषण गर्न सफल भइरहेको बताउनुभएको छ ।
हावाहुरीले लाखौँको क्षति
हावाहुरीका कारण पाल्पाको विभिन्न स्थानमा लाखौँको क्षति पुगेको छ । हावाहुरीसँगै असिनापानीले व्यक्तिका घर, गोठ, विद्यालय, कृषि बालीमा क्षति पु¥याएको जिल्ला प्रहरी कार्यालयले जनाएको छ । जिल्ला प्रहरीका अनुसार हावाहुरीले १५ घरमा क्षति पुगेको छ । चार वटा गोठ, चार वटा सवारीसाधनमा क्षति पु¥याएको छ । जिल्ला प्रहरी कार्यालयका सूचना अधिकारी सुगन्ध श्रेष्ठले हावाहुरीका कारण रुख ढलेर च्यापिँदा एक जनाको मृत्यु र एक जना घाइते भएका छन् ।
सडक निर्माण अलपत्र सर्वसाधारणलाई सास्ती
पुथाउत्तरगङ्गा गाउँपालिकाका १४ वटै वडा जोड्ने देउखोला–नायगाड–जामाबगर सडकखण्डको निर्माण कार्य विगत छ वर्षदेखि अलपत्र छ । २०७५ असोजबाट देउखोला–नायगाड–जामाबगर–त्रिवेणी सडकखण्डको ट्र्याक खोल्ने काम सुरु गरिएको थियो । त्यस बेलादेखि हालसम्म सडक निर्माणका लागि ठेकेदार कम्पनीसँग तीन पटक म्याद थप गरिएको छ तर पनि सडकको ट्र्याक खोल्ने काम नै अलपत्र अवस्थामा रहेको छ । ग्रामीण सडक सञ्जाल सुधार आयोजना (आरसिआइपी) को बजेटमा पिएच/शङ्कर माली जेभी निर्माण सेवाले सडक निर्माणको जिम्मा पाएको हो । एसियाली विकास बैङ्कको ८० प्रतिशत सहुलियत ऋणमा निर्माणाधीन यस सडकमा सरकारको २० प्रतिशत लगानी रहेको छ ।
पत्रकारितामा रेडियो नेपालको योगदान सराहनीय: राष्ट्रपति पौडेल
राष्ट्रपति रामचन्द्र पौडेलले नेपालको पत्रकारितामा रेडियो नेपालको योगदान विशिष्ट र सराहनीय रहेको बताउनुभएको छ ।
प्रतिनिधि सभाको बैठक बस्दै, उठेका प्रश्नमा मन्त्रीहरूले जवाफ दिने
सङ्घीय सांसदअन्तर्गत आज प्रतिनिधि सभाको बैठक बस्दै छ । बैठक आज बिहान ११ बजे सुरु हुनेछ ।
-original-thumb.jpg)
हिमाली घोरल संरक्षित वनमा
ग्वाल्लेक संरक्षित वनमा पहिलो पटक हिमाली घोरल बच्चा र भालेसहित देखा परेको छ । सो वन क्षेत्रमा यसअघि रतुवा मृग, जरायो, चितुवा, हिमाली भालुलगायत १६ वटा स्तनधारी जनावर सूचीकृत रहे पनि घोरल भने पहिलो पटक देखा परेको हो । दशरथचन्द नगरपालिका र मेलौली नगरपालिकाको मध्य भागमा रहेको ग्वाल्लेक संरक्षित वनको मेलौली नगरपालिका–४, तिताबै क्षेत्रमा तीन वटा हिमाली घोरल देखा परेको डिभिजन वन कार्यालयका प्रमुख दिलीपकुमार यादवले बताउनुभयो । शावक (बच्चा) सहित देखा परेको पोथी घोरल र अर्को भाले रहेको बताइएको छ । ग्वाल्लेक संरक्षित वननजिकैको तिताबैको बाँसपहिरोको गोद्याओराढनजिक अचम्मको जनावर देखिएपछि तस्बिर खिचेको स्थानीय मोहनबहादुर चन्दले बताउनुभयो । दृश्यमा कैद भएको पोथी घोरल र शावक शान्त देखिन्छन् । उक्त स्थानमा वन कार्यालयको टोली खटाइएको डिभिजन वन कार्यालयका प्रमुख यादवले जानकारी दिनुभयो ।
आजको मौसम: हल्का वर्षाको सम्भावना
हाल देशभर आंशिक बदलीदेखि मौसम मुख्यतया सफा रहेको जल तथा मौसमविज्ञान विभागले जनाएको छ । आज दिउँसो कोशी, गण्डकी, कर्णाली र सुदूरपश्चिम प्रदेशको पहाडी भू–भागमा आंशिकदेखि साधारणतया बदली रही बाँकी भू–भागमा आंशिक बदलीदेखि मौसम मुख्यतया सफा रहनेछ ।
नदीमा आश्रित ओत संरक्षणमा जुट्दै
बर्दिया जिल्लाको राजापुर नगरपालिका–३, का पार्वती थारूको घरवरिपरि रहेको दुई कट्ठा जमिनमा लौका, काँक्रा, करेलालगायतका तरकारी लटरम्म फलेको देखिन्छ । तरकारी खेती गर्नुपूर्व अधिकांश समय कर्णाली नदीमा माछा मारेर बिताउने पार्वती तरकारी खेतीतर्फ लागेपछि माछा मार्न छाडेको बताउनुहुन्छ । उहाँ भन्नुहुन्छ, “पहिला धेरै जसो माछा मार्न जान्थेँ । तालिम लिएपछि थाहा पाएँ, ओत नामको वन्यजन्तुको आहारा माछा रहेछ । तरकारी खेतीतर्फ लागेपछि माछा मार्ने फुर्सद नै भएन । अब माछा होइन, तरकारी खेतीलाई नै निरन्तरता दिन्छु ।” सोही ठाउँका अर्की किसान दुखुनी थारूको दैनिकी ढकिया, हड्केस, चकटी बनाउनमै बित्छ । अधिकांश समय माछा मार्न कर्णाली नदीमा बिताउने दुखुनीले हस्तकलाबाट सामान बनाएर बिक्री गर्न थालेपछि मनग्गे आम्दानी हुन थालेको बताउनुभयो । दुखुनीले भन्नुभयो, “पहिला हप्तामा पाँच दिन माछा मार्न जान्थेँ । आफूले खाएर बचेको माछा बेच्ने गरिन्थ्यो । अहिले हस्तकलाका सामान बनाउन थालेपछि माछा मार्ने फुर्सदै हुँदैन ।”
रेडियो नेपाल ७४ वर्षमा प्रवेश
रेडियो नेपाल आजबाट ७४ वर्षमा प्रवेश गरेको छ । वि.सं. २००७ साल चैत २० गतेबाट सुरुवात भएको मुलुककै जेठोमा पर्ने रेडियो नेपालले ७३ औँ वर्ष पार गरी ७४ वर्षमा प्रवेश गरेको हो ।
हावाहुरीले उडायो भूकम्पपीडितका टहरा
अस्थायी आवास (टहरा) हावाहुरीले उडाएपछि रुकुमपश्चिमका भूकम्पपीडित थप विपत्तिमा परेका छन् । शनिबारको हावाहुरीले सानीभेरी गाउँपालिका–२, परियार टोलका अस्थायी आवासको छानो हुरीले उडाइदिएको थियो । स्थानीय उज्ज्वल ओलीका अनुसार जस्तापाता प्रयोग गरेर बनाएको टहरा हावाहुरीले उडाएको र अन्नपात र लत्ताकपडामा वर्षाले क्षति पु¥याएको बताउनुभयो । सानीभेरी गाउँपालिका अध्यक्ष बिर्खबहादुर विष्टले भूकम्पको पीडा खेपिरहेका सर्वसाधारणलाई हावाहुरी र पानीले थप पीडा दिएको बताउनुभयो । हालसम्म सानीभेरीमा ५२ वटा अस्थायी टहरा हावाहुरीले उडाएको विवरण आएको अध्यक्ष विष्टले जानकारी दिनुभयो । हुरीले कालिका आधारभूत विद्यालयको छत र सिकाइ केन्द्रमा समेत क्षति पुगेको बताइन्छ ।
व्यक्तिगत माग सम्बोधन गरिँदैन
अदानचुली गाउँपालिकाका अध्यक्ष मोहनविक्रम सिंहले स्थानीयवासीको आयआर्जन, सडक पहुँच विस्तार, खानेपानी, शिक्षा र स्वास्थ्य क्षेत्रको सुधारलाई प्राथमिकतामा राख्नुभएको छ । नेपाली कांग्रेस हुम्ला पार्टी सभापति तथा अध्यक्ष सिंहमा पालिकाको विकास द्रुत गतिमा कसरी गर्न सकिन्छ भन्ने हुटहुटी देखिन्छ । रैथाने बाली निकासीमार्फत स्थानीय उत्पादनको प्रवर्धन, आयआर्जन जस्ता कार्यलाई प्राथमिकतासाथ अघि बढाइरहेका अध्यक्ष सिंहले पूर्वाधार विकासलाई सँगसँगै अघि बढाउनुभएको छ । प्रस्तुत छ, अध्यक्ष सिंहसँग गोरखापत्रका हुम्ला समाचारदाता राजन रावतले गर्नुभएको कुराकानी–
उम्मेदवार टुङ्गो लगाउन कांग्रेस संसदीय बोर्ड बैठक बस्दै
आगामी वैशाख १५ गते इलाम क्षेत्र नं २ र बझाङ प्रदेशसभा (१) मा हुने उपनिर्वाचनमा पार्टीका तर्फबाट उम्मेदवार टुङ्गो लगाउन नेपाली कांग्रेस संसदीय बोर्ड र केन्द्रीय कार्यसम्पादन समितिको बैठक आज अपराह्न हुँदैछ ।
हरित ऊर्जामा सफलता
विश्वमा हुँदै आएको खनिजजन्य इन्धनको अधिक प्रयोगले उत्पन्न वातावरणीय प्रदूषण कम गर्नेतर्फ घनीभूत बहस हुँदै आएको छ । विश्वव्यापी तापमान वृद्धि न्यूनीकरणका लागि भइरहेका अन्तर्राष्ट्रिय पहल तथा कार्बन उत्सर्जन कटौतीप्रतिको प्रतिबद्धता अनुरूप केही वर्षयता वैकल्पिक ऊर्जाको खोजीलाई व्यापक बनाइएको छ । विद्युतीय तथा सौर्य ऊर्जा हुँदै थप वैकल्पिक ऊर्जाका रूपमा अब ग्रिन हाइड्रोजनलाई लिन थालिएको छ । विश्वमा ग्रिन हाइड्रोजनबाट सवारीसाधन प्रशस्त मात्रा
