गोरखापत्र अनलाइन
ट्रक दुर्घटनामा एक जनाको मृत्यु, एक घाइते
उदयपुरगढी गाउँपालिका–७ मदन भण्डारी मार्गस्थित जोगीपोखरीमा ट्रक दुर्घटना हुँदा एक जनाको मृत्यु भएको छ ।
बागलुङमा सवारी भाडादर कार्यान्वयन भएन
एक वर्षअघि यातायात भाडादर समायोजन गरिँदा सदरमुकामदेखि गलकोट नगरपालिकाको हटिया बजार पुग्ने भाडा पाँच सय ६० रुपियाँ तोकिएपनि कुनैपनि सवारी साधनले तोकेको भाडामा यात्री बोकेनन् ।
अवरुद्ध कर्णाली कोरिडोर खुल्यो
अविरल वर्षाका कारण अवरुद्ध हुम्लाको सर्केगाड गाउँपालिका–१ अन्तर्गत कर्णाली कोरिडोरको खच्चा सडक सञ्चालनमा आएको छ । खच्चा सडकमा माथिबाट खसेको पहिरो एक्साभेटरले फालेपछि सञ्चालनमा आएको हो ।
भीमदुलामा बढे आन्तरिक पर्यटक
खार्पुनाथ गाउँपालिका–५ को पर्यटकीय क्षेत्र भीमदुला अवलोकन गर्न जाने पर्यटकको सङ्ख्या बढ्दै गएको छ । निक्कै अग्लो क्षेत्रमा रमणीय क्षेत्र भएका कारण आन्तरिक पर्यटक उक्त क्षेत्रमा जाने क्रम बढ्दै गएको हो ।
-original-thumb.jpg)
जलजलेमा अस्थायी प्रहरी चौकी स्थापना
दैलेखको भैरवी गाउँपालिका–१ स्थित जलजलेमा अस्थायी प्रहरी चौकी स्थापना भएको छ । समाजमा शान्ति, सुव्यवस्था कायम गर्ने उद्देश्यले अस्थायी प्रहरी चौकी स्थापना गरिएको जिल्ला प्रहरी कार्यालय दैलेखका प्रमुख गणेशबहादुर वरालले बताउनुभयो ।
पर्यटन प्रवर्धन रणनीतिक योजना
कर्णाली प्रदेश सरकारले पर्यटन प्रवर्धन गर्न रणनीति योजना बनाएको छ । रणनीति योजना निर्माण गरेर पर्यटकीय क्षेत्रको पहिचान गर्न लागेको हो । ‘गन्तव्य कर्णाली एप’ निर्माण गरेर पर्यटकीय क्षेत्रको विकासका लागि पर्यटन सूचना तथा अभिलेख केन्द्र स्थापना गर्न लागिएको प्रदेश सरकारले जनाएको छ ।
राप्तीनदीको पानी बढ्दै जाँदा तटीय क्षेत्रमा हाई अलर्ट जारी
गत दुई दिनदेखि भएको अविरल वर्षाका कारण राप्ती नदीमा पानीको सतहले चेतावनी तह पार गरेपछि बाँकेका तटिय क्षेत्रका गाउँ बस्तीलाई सतर्क रहन सूचना जारी गरिएको छ ।
इलाका प्रशासन कार्यालय राख्न माग
अछामको साँफेबगरमा इलाका प्रशासन कार्यालय स्थापना गर्न माग गरिएको छ । सेवाग्राहीलाई सहज रूपमा प्रशासनको सेवा प्रवाह गर्न अछाम क्षेत्र नम्बर १ को साँफेबगरमा इलाका प्रशासन कार्यालय स्थापना गर्न माग गरिएको हो ।
फेरी बन्द हुँदा रोकिए गाडी
जिल्लाको पूर्वीउत्तर क्षेत्रमा रहेको कर्णाली नदीमा फेरी चल्न बन्द भएपछि सवारीसाधन पिलीचौरमै रोकिने गरेका छन् । हिउँदको महिना कर्णाली पारेर स्वामीकार्तिक खापर गाउँपालिकाका विभिन्न ठाउँमा चल्ने जिप ट्याक्टर अहिले कर्णाली नदीमा पानीको बहाब बढेकाले फेरी चल्न बन्द भएसँगै ती पनि पिलीचौरमा नै रोकिने गरेका हुन् ।
अव्यवस्थित बसोबासीको पहिचान गरिँदै
टीकापुरमा १९ वर्षदेखि संस्थाका जग्गा अतिक्रमण गरेर बसेका भूमिहीन दलित, भूमिहीन सुकुमवासी र अव्यवस्थित बसोबासीको पहिचान गरेर तिनका लागि जग्गा खोज्ने सहमति भएको छ ।
वैदेशिक रोजगार सम्बन्धी विज्ञापन अनिवार्य रुपमा अनलाइन प्रकाशन गर्न मन्त्रालयको निर्देशन
श्रम, रोजगार तथा सामाजिक सुरक्षा मन्त्रालयअन्तर्गत श्रम तथा व्यवसायजन्य सुरक्षा विभागले अबदेखि वैदेशिक रोजगार सम्बन्धी सबै विज्ञापनहरू अनिवार्य रुपमा “श्रम संसार रोजगार पोर्टल” https://shramsansar.gov.np र “श्रम संसार एप” मार्फत अनलाइन प्रकाशन गर्नुपर्ने व्यवस्था लागू गरेको छ ।
शान्तिसुरक्षा र विपत् व्यवस्थापनबारे छलफल
मुख्यमन्त्री तथा मन्त्रीपरिषद्को कार्यालय विराटनगरमा कोशी प्रदेश सुरक्षा समन्वय समितिको बैठक सम्पन्न भएको छ । कोशी प्रदेश सरकारका मुख्यमन्त्री हिक्मतकुमार कार्कीको विशेष आतिथ्यमा बसेको बैठकमा प्रदेशको समग्र शान्तिसुरक्षा, विपत् व्यवस्थापन र सीमा सुरक्षाको अवस्थाबारे गहन छलफल गरिएको हो ।
सप्तकोशीको सतह बालुवाले पुरिँदै
सप्तकोशी नदीमा हिउँदमा देखिने बालुवाका टापु वर्षासँगै बढेको पानीको सतहले छोपिएर देखिन छाडेका छन् । नदीमा बालुवाको सतह प्रत्येक वर्ष वृद्धि हुँदै जाँदा हिउँदमा बालुवाका टापु देखिने र वर्षामा पानीको सतह बढेर ती टापु पुरिने गरेका छन् ।
आधारभूत अस्पतालमै ‘डायलाइसिस’ सेवा
यहाँको आधारभूत अस्पतालमा डायलाइसिस सेवा दिने तयारी थालिएको छ । यसका लागि सङ्घीय स्वास्थ्य तथा जनसंख्या मन्त्रालयमार्फत बडिगाड गाउँपालिकालाई रु एक करोड एक लाख ४४ हजार ८२० बराबरको पाँचवटा डायलाइसिस उपकरण प्राप्त भएको छ ।
‘कुलिङ अफ पिरियड’सम्बन्धी छानबिन समितिद्वारा प्रतिवेदन तयार
सङ्घीय निजामती सेवा विधेयक, २०८० मा त्रुटि भएको भनी उठाइएका विषयमा गठित अध्ययन तथा छानबिन विशेष समितिले आफ्नो प्रतिवेदन प्रतिनिधिसभा बैठकमा पेस गर्ने तयारी गरेको छ ।
