गोरखापत्र अनलाइन
राप्ती नदीमा बढेको पानीको सतह घट्यो
तीन दिनदेखि भएको अविरल वर्षाका कारण राप्ती नदीमा पानीको सतहले मङ्गलबार बिहान चेतावनी तह पार गरेपनि बुधबार बिहानसम्म क्रमशः पानीको सतह घट्दै गएकाले ठुलो बाढी र डुबानको खतरा टरेको छ ।
-original-thumb.jpg){kind=spacer}
ट्रान्सफर्मर चोरीका घटना : चोरी गर्ने र खरिद गर्ने गिरोह पक्राउ
कोशी प्रदेशका तीन जिल्ला झापा, मोरङ र सुनसरीमा गत माघयता विद्युत् ट्रान्सफर्मर चोरीका घटनामा संलग्नलाई प्रहरीले पक्राउ गरेको छ । प्रहरीले ट्रान्सफर्मर चोरीमा संलग्न आरोपित सात जना र चोरिएका ट्रान्सफर्मरको सामान खरिद गर्ने पाँच जनालाई नियन्त्रणमा लिएको विवरण मङ्गलबार सार्वजनिक गरेको हो ।
लिम्बू र मैथिली भाषामा सरकारी कामकाज
कोशी प्रदेश सरकारले लिम्बू र मैथिली भाषालाई पनि सरकारी कामकाजको भाषाका रूपमा प्रयोग गर्न प्रक्रिया अगाडि बढाएपछि लिम्बू र मैथिली भाषिक समुदायले यसलाई सकारात्मक रूपमा लिएका छन् ।
काबेली–३ आयोजनाको उत्पादन परीक्षण सुरु
ताप्लेजुङको सिरिजङ्घा गाउँपालिकास्थित काबेली खोलाबाट उत्पादित काबेली–३ क्यासकेट जलविद्युत आयोजनाको उत्पादन परीक्षण उत्पादन सुरु गरिएको छ ।
स्तनपानको महत्वबारे सचेतना
रौतहटको फतुवा विजयपुर नगरपालिकाले विश्व स्तनपान सप्ताहका अवसरमा मङ्गलबारदेखि सुत्केरी महिलालाई स्तनपानको महत्वबारे सचेतना कार्यक्रम थालनी गरेको छ ।
सामाजिक सुरक्षा भत्ता बुझ्न सास्ती
पारदर्शिता कायम गर्ने उद्देश्यले वित्तीय संस्थामार्फत सामाजिक सुरक्षा भत्ता वितरण गरिए पनि रौतहटका विभिन्न स्थानका लाभग्राहीले भत्ता रकम बुझ्न सास्ती भोग्नु परेको भन्दै गुनासो गरेका छन् ।
यस्तो छ आजको सागसब्जी र फलफूलको थोक मूल्य
कालीमाटी फलफूल तथा तरकारी बजार विकास समितिले आजका लागि कृषि उपजहरूको थोक मूल्य निर्धारण गरेको छ । समितिका अनुसार प्रस्तुत सागसब्जी र फलफूलको अधिकतम थोक मूल्य निर्धारण गरिएको हो ।
सहर देखिने गरी उद्यान निर्माण
लुम्बिनी प्रदेश सरकारले बुटवल उपमहानगरपालिका–१३ मा बुटवल दृश्य उद्यान निर्माण गरेको छ । बुटवल–१३ मा रहेको जितेश्वरी सामुदायिक वनक्षेत्रमा अवस्थित उक्त दृश्य उद्यानलाई प्रदेश सरकारले जितेश्वरी पाणिनि उद्यानका रूपमा विकास गर्ने लक्ष्य राखेको छ ।
सङ्कटमा सुरज गौडी गाउँ
बर्दियाको गुलरिया नगरपालिका–११ स्थित सुरजगौडी गाउँका स्थानीय बासिन्दा वर्षा सुरु भएपछि रातभर जाग्राम बस्न थालेका छन् । वर्षापछि नदीमा आउने बाढीले गाउँ नै सङ्कटमा परेको छ ।
तटबन्धले रोक्यो बाढी
बाँकेको राप्तीसोनारी गाउँपालिका खल्ला झगडिया–७ स्थित राप्ती नदीमा हालै मात्र निर्माण गरिएको आपत्कालीन तटबन्धले राप्तीको बाढीलाई रोक्न सफल भएको छ ।
सवारी आवागमन प्रभावित
बर्सातका कारण खोलामा पानी बढेपछि घोराही–तुलसीपुर सडकमा सवारी आवागमन प्रभावित भएको छ । घोराही–तुलसीपुर सडकखण्ड अन्तर्गत सेवारखोला, हापुरखोला र कालाखोलामा पानीको सतह बढ्दा सवारी आवागमन बन्द भएको हो ।
कर्णालीमा ९६ प्रतिशत धान रोपाइँ
काँक्रेविहार (सुर्खेत), साउन २० गते । कर्णाली प्रदेशमा ९६ प्रतिशत रोपाइँ पूरा भएको छ । कृषि विकास निर्देशनालय कर्णाली प्रदेशका अनुसार प्रदेशको ४१ हजार ४२ हेक्टर धानखेतीयोग्य जमिनमध्ये ३९ हजार ५९४.९ हेक्टरमा रोपाइँ सकिएको हो । निर्देशनालयका निमित्त निर्देशक तिलकप्रसाद पाण्डेका अनुसार प्रदेशका १० जिल्लामध्ये जुम्ला, हुम्ला र डोल्पाले शतप्रतिशत रोपाइँ भएको छ । जुम्लामा दुई हजार ८९० हेक्टर, हुम्लामा ५८५ हेक्टर र डोल्पाको १९८ हेक्टरमा रोपाइँ सकिएको छ । चार जिल्लामा रोपाइँ ९९ प्रतिशतको हाराहारीमा पुगेको छ । जाजरकोटमा सबैभन्दा बढी ९९।२ प्रतिशत रोपाइँ हुँदा सल्यान, मुगु र रुकुम पश्चिममा समान ९९ प्रतिशत रोपाइँ सम्पन्न भएको छ । जाजरकोटमा दुई हजार ६४५ हेक्टरमध्ये दुई हजार ६२३ हेक्टर र सल्यानमा छ हजार १३४ हेक्टरमध्ये छ हजार ७२ हेक्टरमा रोपाइँ सकिएको हो । कालिकोटमा दुई हजार ४६२ हेक्टरमध्ये ९८ प्रतिशत अर्थात् दुई हजार ४१२ हेक्टरमा रोपाइँ सकिएको छ ।प्रदेशमा सबैभन्दा बढी धानखेती हुने सुर्खेतमा भने ९५ प्रतिशत रोपाइँ भएको छ । सुर्खेतमा कुल १४ हजार ९२१ हेक्टर क्षेत्रफलमध्ये १४ हजार १७४ दशमलव ९५ हेक्टरमा रोपाइँ सकिएको छ । दैलेखमा कुल सात हजार ६२० हेक्टरमध्ये सात हजार ८६ दशमलव ६ हेक्टरमा रोपाइँ भएको छ । रासस
कोलेनिका रौतहटद्वारा अख्तियारी र निकासा सार्वजनिक
कोष तथा लेखा नियन्त्रक कार्यालय रौतहटले आर्थिक वर्ष २०८१/०८२ को जिल्लास्थित सङ्घीय कार्यालयहरु तथा अन्तरसरकारी कार्यक्रम सञ्चालन र स्थानीय तहमा भएको वित्तीय हस्तान्तरणसम्बन्धी विवरण सार्वजनिक गरेको छ ।
पर्यटक तानिरहेको बुकीपाटनमा ‘गोठबास’ले सहज
ढोरपाटन उपत्यकादेखि करिब साढे चार घण्टाको पैदलयात्रामा पुग्न सकिन्छ, गर्पाछेडा । समुन्द्री सतहदेखि चार हजार मिटरको उचाइमा रहेको गर्पाछेडा बुकीपाटनको पहिलो प्रवेशद्वार हो ।
जङ्गली हात्ती दिउँसै बस्तीमा पसेपछि.....
कञ्चनपुरको लालझाडी गाउँपालिका–४ स्थित जाई–पर्सिया गाउँमा दिउँसै जङ्गली हात्ती प्रवेश गर्न थालेको छ । हात्ती बस्ती क्षेत्रमा दिउँसै देखिन थालेपछि स्थानीय बासिन्दा त्रसित भएका छन् ।
