वैदेशिक रोजगारीमा जाने धेरै
वैदेशिक रोजगारीका लागि श्रम स्वीकृति लिएर विदेश जानेमा सबैभन्दा धेरै धनुषाका छन् । वैदेशिक रोजगार विभागका अनुसार चालु आर्थिक वर्ष २०८२/८३ को नौ महिनामा धनुषाबाट मात्रै २८ हजार ५८२ जनाले श्रम स्वीकृति लिएर वैदेशिक रोजगारीमा गएका हुन् ।
सत्तरी प्रतिशत विकास योजना अलपत्र
निर्माण सामग्रीको अत्यधिक मूल्यवृद्धिका कारण पश्चिम नवलपरासीका सात वटै स्थानीय तहको विकासनिर्माणको काम पूर्ण रूपमा प्रभावित भएको छ । जिल्ला दररेट र बजार मूल्यमा ठुलो अन्तर देखिएपछि जिल्लाभर सञ्चालित सानाठुला गरी करिब दुई सय योजना अलपत्र परेका छन् ।
सुरक्षित गर्भपतन सेवा असुरक्षित : रोकिएन अकालमा आमाको मृत्यु
विक्रम संवत् २०७६ चैत ११ देखि २०७७ साउन ६ सम्मका कोभिड–१९ कारण ‘लकडाउन’मा मात्र १३४ सुत्केरी तथा गर्भवतीले अकालमा ज्यान गुमाएका थिए । महामारीका सुरुआती चरणमा परिवार नियोजनका साधनको मागलाई पूर्ति गर्न समस्या देखियो ।
जग्गा खाली गराउन चल्यो डोजर
बुटवलमा सरकारी जग्गा अतिक्रमण गरेर बनाइएका संरचना हटाउन थालिएको छ । बुटवल उपमहानगरको नगर प्रहरी र नेपाल प्रहरी परिचालन गरी सरकारी जग्गा अतिक्रमण गरेर बनाइएका संरचना हटाउनका लागि डोजर चलाइएको हो ।
बाढीले सडक बगाउँदा चुरेभेगमा सवारी आवागमन रोकियो
सर्लाहीको विकट चुरेभेगमा बारम्बार आएको बाढीले खोलाको बाटो बगाउँदा स्थानीयवासी सास्ती भोग्न बाध्य भएका छन् ।
पाँच वर्षदेखि बाख्राको खोरमा बालिका
बर्दियाको एक गरिब परिवारका आठ वर्षीय बालिका पाँच वर्षदेखि बाख्राको खोरमा बाँधिएर जीवन बिताइरहेकी छन् । मधुवन नगरपालिका–५ को १० नम्बर गाउँ बस्ने एक गरिब परिवारकी आठ वर्षीय बालिकालाई मानसिक तथा शारीरिक समस्याका कारण घरपरिवारले नियन्त्रण गर्न कठिन भएपछि उनलाई बाख्राको खोरमा राखिएको छ । दिउँसोको गर्मीमा खरले छाएको बाख्राको खोरमा बालिका सुतिरहेकी देख्न सकिन्छ । कपडाले बाँधेर परिवारले ती बालिकालाई सुताएर राख्ने गरेको छ । नजिकैको गोठमा गाईहरू उग्राइरहेका बेला बालिका भने चुपचाप सुनेर बस्ने गरेकी छिन् ।
शिविरबाट सयौँ नागरिक लाभान्वित
बैतडीको पुर्चौडी नगरपालिकामा सञ्चालन गरिएको निःशुल्क आँखा उपचार तथा शल्यक्रिया शिविरबाट ज्येष्ठ नागरिकलगायत सयौँ नागरिक लाभान्वित भएका छन् । ग्रामीण भेगमा बसोबास गर्ने तथा नियमित रूपमा उपचार सेवा पहुँचबाहिर रहेका बिरामीलाई लक्षित गरेर सञ्चालन गरिएको सो शिविरमा १२२ जनाको आँखा शल्यक्रिया गरिएको छ ।
म्याग्दीमा वडामै पुगेर राष्ट्रिय परिचयपत्र वितरण
जिल्ला प्रशासन कार्यालय म्याग्दीले जिल्लाका विभिन्न वडामा पुगेर राष्ट्रिय परिचयपत्र वितरण सुरु गरेको छ ।
यस्तो छ आजका लागि कृषिउपजको थोक मूल्य
कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ ।
छेकाम्पारका बासिन्दा यार्सागुम्बा संकलनमा व्यस्त
उत्तरी गोरखाको हिमाली भेगस्थित चुमनुब्री गाउँपालिका–७ छेकाम्पारका बासिन्दा यार्सागुम्बा संकलनका लागि उपल्लो भेगको लेकतर्फ उक्लिन थालेका छन् । सिजन सुरु भएसँगै स्थानीयहरू करिब एक सातादेखि तिब्बती सीमाना आसपासका छेके, बाजु लगायतका लेक क्षेत्रमा पुग्न थालेका हुन् ।
ठाउँ अभावमा रोकियो योजनाको काम
डडेलधुरा सदरमुकामको अमरगढी नगरपालिकाले योजना निर्माण गर्न ठाउँ दिन नसक्दा करोडौँ रुपियाँ बराबरको योजनाको काम सुरु हुन सकेका छैनन् । अमरगढी नगरपालिकामा फोहोर व्यवस्थापन र दुई वटा स्मार्ट शौचालय निर्माणका लागि सहरी विकास तथा भवन निर्माण विभाग, सङ्घीय आयोजना कार्यान्वयन एकाइ धनगढीले ठेक्का खोलेको थियो तर आवश्यक जमिन र ठाउँ उपलब्ध गराउन नसक्दा ठेक्का भएका योजनाको काम सुरु हुन नसकेको अमरगढी नगरपालिकाका प्रमुख डिल्लीराज जोशीले बताउनुभयो ।
थारू समुदायमा भजहर पूजा
रोगव्याधिबाट छुटकारा पाउनका लागि सिजन अनुसार विभिन्न पूजा गर्दै आएका थारू समुदायमा यतिबेला भजहर पूजा चलिरहेको छ । उनीहरूले सामूहिक रूपमा विभिन्न गाउँमा भजहर पूजा गरिरहेका हुन् । खास गरेर चैत, वैशाखमा यो पूजा हुने गर्छ । गहुँ भित्र्याइसकेपछि फुर्सद भएको समयमा भजहर पूजा गर्ने कार्य भइरहेको कैलारी गाउँपालिका–७, वसन्ताका पूर्वभलमनसा जिया चौधरीले बताउनुभयो ।
हिमाली जिल्लाको शैक्षिक क्यालेन्डर विद्यार्थीमैत्री बनाउन माग
मुस्ताङका सांसद योगेश गौचन थकालीले हिमाली जिल्लाको भौगोलिक अवस्था र हावापानीअनुसार शैक्षिक क्यालेन्डर नहुँदा विद्यार्थीको पठनपाठनमा गम्भीर असर परेको बताउनुभएको छ ।
नयाँ पालुवामै खराने रोग देखिएपछि सुन्तला किसान चिन्तित
वैशाख लागेसँगै सुन्तलाका बोटमा सेतो धुलोजस्तो देखिने खराने रोग देखा पर्न थालेपछि सल्यानका किसानहरू चिन्तित बनेका छन् । सामान्यतया असारतिर देखिने यो रोग यस वर्ष भने समयभन्दा अगावै फैलिन थालेको किसानहरूको भनाइ छ ।
पोखरा महानगरपालिका–१३ मा दोस्रो साहित्य पर्व–२०८३ सम्पन्न
पोखराको सांस्कृतिक र साहित्यिक गतिविधिलाई थप सशक्त बनाउने उद्देश्यसहित पोखरा महानगरपालिका–१३ को आयोजनामा वडा कार्यालय परिसरमा आइतबार दोस्रो साहित्य पर्व– २०८३ सम्पन्न गरिएको छ ।
लालीगुराँस महोत्सवमा साहित्यमय बन्यो चोत्लुङ पार्क
यहाँको लालीगुराँस नगरपालिकास्थित चोत्लुङ पार्क शनिबार र आइतबार साहित्यमय बन्यो । वैशाख १० गतेदेखि सुरु भएको लालीगुराँस महोत्सवका अवसरमा आयोजित चोत्लुङ साहित्य गोष्ठीले साहित्यिक माहोल सृजना गरेको हो ।
बागलुङका एक सय बढी झोलुङ्गे पुल प्रयोगविहीन
यहाँको काठेखोला गाउँपालिका–२ भिमपोखरा र वडा नं ४ तङ्ग्राम जोड्न डुडियाखोलामाथि स्टिलको झोलुङ्गे पुल निर्माण भएको जम्मा सात वर्ष मात्र भयो ।
वन्यजन्तुमैत्री छैन सिक्टाको पश्चिमी मूलनहर
जिल्लामा निर्माणाधीन सिक्टा सिँचाइ आयोजनाको पश्चिमी मूलनहर वन्यजन्तुमैत्री नहुँदा अकालमै वन्यजन्तु मर्ने गरेका छन् ।
वर्षा र चट्याङले पाँचौँ गुल्मी महोत्सव प्रभावित
लगातार दुई दिन परेको वर्षा, असिना र चट्याङका कारण पाँचौँ गुल्मी महोत्सव प्रभावित भएको छ । महोत्सवको दोस्रो र तेस्रो दिन दिउँसो परेको ठूलो वर्षाले स्टल सञ्चालन गर्ने व्यवसायीहरू सबैभन्दा बढी मर्कामा परेका छन् ।
आगामी दश वर्षमा चौबीस हजार पाँच सय मेगावाट विद्युत् उत्पादन गरिने
सरकारले आर्थिक वर्ष २०९२/९३ सम्ममा सरकारी, सार्वजनिक र निजी क्षेत्रको समेत लगानीमा कुल २४ हजार ५०० मेगावाट विद्युत् उत्पादन गर्ने लक्ष्यसहितको ‘ऊर्जा खपत वृद्धि तथा निर्यात रणनीति, २०८३’ सार्वजनिक गरेको छ ।
सहिदमार्ग स्तरोन्नति नहुँदा ताराखोलावासीलाई सास्ती
यहाँको ताराखोला जोड्न सहिदमार्गको ट्रयाक खुलेको २० वर्ष भन्दा बढी भयो । ट्रयाक खुलेको यतिका वर्षसम्म पनि स्तरोन्नति हुन नसक्दा यसक्षेत्रका सर्वसाधारणले सास्ती भोग्दै आएका छन् ।
दुई लाख पुरस्कारको महिला फुटबल प्रतियोगिता आयोजना हुने
युथ अफ टीकापुरले खुला महिला फुटबल प्रतियोगिता आयोजना गर्ने भएको छ । प्रतियोगिता यही यही वैशाख २५ गतेदेखि हुन लागेको हो ।
रसुवागढी भन्सार कार्यालय : नौ महिनामा रु छ अर्ब ४२ करोड राजस्व सङ्कलन
उत्तरी नाका रसुवागढीबाट चालु आर्थिक वर्षको नौ महिनामा रु ३१ अर्ब ३० करोड बराबरका बस्तु भित्रिएको छ ।
सिकार खेल्दा एक घाइते, दुईनाल बन्दुकसहित ९ जना पक्राउ
सिकार खेल्ने क्रममा बन्दुकको छर्रा लागेर नवलपुरमा एक जना घाइते भएका छन् । जिल्लाको विनयी त्रिवेणी गाउँपालिका–४ सिलौटेस्थित सूर्यविनायक सामुदायिक वनमा गए राति सिकार खेल्ने क्रममा उक्त घटना भएको हो ।
सुकुमवासी व्यवस्थापन
सुकुमवासी व्यवस्थापन चुनौतीपूर्ण काम हो । दसकौँदेखि बल्झिँदै र राजनीतीकरण गरिँदै आएको यो समस्याको स्थायी समाधानका लागि झन्डै दुई तिहाइको शक्तिशाली जननिर्वाचित सरकारले ठोस योजनासहित व्यवस्थापनको काम सुरु गरेको छ । सुकुमवासी बन्न कसैलाई पनि रहर हुँदैन । बाध्यताले सुकुमवासी बनेका नागरिकको व्यवस्थापन गर्नु राज्यको दायित्व र जिम्मेवारी दुवै हो । नेपालमा सुकुम्वासी हुने कारण अनेक छन् । कोही द्वन्द्वका कारण सुकुम्वासी भएका छन् । कोही बाढीपहिरो, भूकम्प, महामारी जस्ता विपत्का कारण सुकुम्वासी बन्न विवश छन् । पछिल्लो समय धेरैलाई त उपचार खर्चको पासोले
