आँखाका बिरामीको सङ्ख्या बढ्दो
ग्रामीण क्षेत्रमा आँखाका बिरामीको सङ्ख्या पछिल्लो समय बढ्दो देखिएको छ । अस्पतालको पहुच नहुनु, आर्थिक अवास्था कमजोर रोगको बारेमा पूर्णरुपमा जानकारी नहुँदा आँखाको समस्या बढ्दो देखिएको हो ।
तनहुँमा जिप दुर्घटना हुँदा दुई जनाको मृत्यु, १० घाइते
तनहुँमा जिप दुर्घटना हुँदा दुई जनाको मृत्यु भएको छ भने १० यात्रु घाइते भएका छन् । बुधबार बिहान ९ः३० बजे भीमाद नगरपालिका–३ सुनाकोट बराथुम्कीस्थित डेढगाँउ–भिमाद भित्री सडकखण्डमा जिप दुर्घटना भएको हो ।
-original-thumb.jpg)
प्रयोगविहीन बन्यो कर्मचारी मिलन केन्द्रको भवन
कर्मचारी मिलन केन्द्र म्याग्दीको भवन प्रयोगविहीन भएको छ । सङ्घीयता कार्यान्वयनसँगै बेनी बजारको विरेन्द्रचोकमा रहेको कर्मचारी मिलनकेन्द्रको भवन प्रयोगविहीन भएको हो ।
भिमाद दुर्घटना : घाइते एकजनाको मृत्यु
पोखराबाट पाल्पाको रामपुर जॉदै गरेको यात्रुवाहक जिप आज दुर्घटना हुँदा घाइते एकको मृत्यु भएको हो । घाइतेको जिपी कोइराला राष्ट्रिय श्वासप्रश्वास उपचार केन्द्रमा उपचारका क्रममा मृत्यु भएको जिल्ला प्रहरी कार्यालय तनहुँका सूचना अधिकारी प्रहरी नायब उपरीक्षक मोहनबहादुर खाणले जानकारी दिनुभयो । मृतकको पहिचान खुल्न बाँकी छ ।
नेपाली कागजको माग बढी, उत्पादन कम
म्याग्दीको मालिका गाउँपालिका–३ अधिवारामा सञ्चालित मालिका कागज उद्योगमा माघदेखि जेठसम्ममा दैनिक छदेखि ७ सय र असोजदेखि पुससम्ममा दैनिक तीनदेखि चार सय ताउसम्म नेपाली कागज उत्पादन हुन्छ ।
सामुदायिक विद्यालयमा पढाउनेलाई निःशुल्क स्वास्थ्य बिमा
तनहुँको एक पालिकाले छोराछोरीलाई सामुदायिक विद्यालयमा पढाउने अभिभावक तथा विद्यार्थीको निःशुल्क स्वास्थ्य बिमा गर्ने भएको छ । आँबुखैरेनी गाउँपालिकाले यस्तो सुविधा दिने भएको हो ।
सुन्तलाले भित्र्याउँदै असी लाख
म्याग्दीको बेनी नगरपालिका–३, मरेक तथा बालम क्षेत्रमा यस वर्ष झन्डै ८० लाख रुपियाँ सुन्तला बिक्रीबाट भित्र्याउने अपेक्षा स्थानीयवासीले गरेका छन् । बेनी नगरपालिकाको सुन्तला पकेट क्षेत्रका रूपमा रहेको बेनी नगरपालिकाको मरेक, बालम, बास्कुना, थामडाँडा तथा सुर्केमेला क्षेत्रमा यस वर्ष सुन्तला निकै राम्रो उत्पादन भएको सुन्तला कृषकको भनाइ छ ।
४० हजार ऋणको ११ लाख ब्याज असुल्दै
नवलपुरको एक सरकारी विद्यालयले ब्याजमा पैसा लगाएर मोटो रकम असुलिरहेको पाइएको छ।
बेनीमा ५० करोडको लागतमा नदी नियन्त्रण आयोजना
म्याग्दीको सदरमुकाम बेनी बजार र आसपासका क्षेत्रमा सञ्चालित नदी नियन्त्रण आयोजनाको काम अघि बढाइएको छ । बर्खामा नदीमा बाढीको सतह बढेपछि म्याग्दी र कालीगण्डकीको कटान नियन्त्रणका लागि सञ्चालित आयोजनाको काम रोकिएको थियो ।
सामाजिक सेवा एकाइ प्रभावकारी बन्दै
पूर्वी नवलपरासीको मध्यविन्दु जिल्ला अस्पतालमा स्थापना भएको सामाजिक सेवा एकाइ प्रभावकारी बन्दै गएको छ । विपन्न, अपाङ्गता भएका व्यक्ति, ज्येष्ठ नागरिक, लैङ्गिक हिंसा पीडित, जनयुद्धका घाइते, बेपत्ता परिवार लगायतलाई सेवा दिने उद्देश्यले जिल्ला अस्पतालमा सञ्चालनमा आएको हो ।
विश्वमै अति दुर्लभ बैकाल गैरी चरा भेटियो
विश्वमै अति दुर्लभ मानिएको बैकाल गैरी चरा नवलपुरको कावासोतीमा रहेको नमुना मध्यवर्ती सामुदायिक वन क्षेत्रमा पर्ने स्वर्गद्वारी घाट नजिकै नारायणी नदीमा फेला परेको छ ।
अपाङ्गतामैत्री भएन गाउँपालिका
मुस्ताङको घरपझोङ गाउँपालिकाले सात करोडभन्दा बढी रकम खर्चिएर निर्माण गरेको भवन अपाङ्गतामैत्री नहुँदा समस्या हुने गरेको छ । जिल्ला सदरमुकामसमेत रहेको गाउँपालिकाले प्रशासकीय भवन अपाङ्गतामैत्री बनाउन ध्यान नदिएको देखिएको छ । सङ्घीय सरकारको ६० प्रतिशत र गाउँपालिकाको ४० प्रतिशत बजेट साझेदारीमा जोमसोममा तीनतले पक्की प्रशासकीय भवन निर्माण गरिएको छ ।
अस्पतालमा जनशक्ति र पूर्वाधार अभाव
तनहुँको सदरमुकाम दमौलीस्थित दमौली अस्पतालमा विषय विशेषज्ञ चिकित्सकको अभाव हुँदा बिरामी मर्कामा परेका छन् । यस क्षेत्रका बिरामीलाई उपचारका लागि जिल्लाबाहिर धाउनुपर्ने बाध्यता छ । यसबाट आर्थिक व्ययभारसमेत स्थानीयवासीले बढी बेहोर्नु परेको छ । जिल्लास्तरीय यो अस्पतालमा शय्यालगायत आवश्यक जनशक्तिको समेत अभाव हुँदा उपचार सेवा प्रभावित भए पनि सम्बन्धित निकायको ध्यान पुगेको छैन ।
म्याग्दीको सिङ्गा ठूलोखोलामा सामूहिक आलुखेती
बेनी नगरपालिका–४ सिङ्गा ठूलोखोलाका ३६ घरधुरीले व्यावसायिक आलुखेती गरेका छन् । परम्परागतरूपमा खाद्य बाली लगाउँदै आएका यहाँका स्थानीयले यस वर्ष हिउँदयाममा नगदे बालीका रूपमा आलुखेती गरेका छन् ।
जाडो छल्न वैकाल्टिल चरा नारायणीमा
जाडो छल्न विभिन्न देशका चरा यतिबेला पूर्वी नवलपरासीको नारायणी नदी आसपासका क्षेत्रमा आइपुगेका छन् ।
मर्स्याङ्दी जलविद्युतको उत्पादन २० मेगावाट घट्यो
सुख्खायाम सँगै नदीमा पानीको बहाव कम हुन थालेपछि मर्स्याङ्दी जलविद्युत केन्द्रको विद्युत उत्पादन घट्दै जान थालेको छ । उत्पादनमा २० मेगावाट घटेको केन्द्रले जनाएको छ । केन्द्रका अनुसार ६९ मेगावाट क्षमतामा हाल ४९ मेगावाट मात्रै उत्पादन हुने गरेको छ ।
गण्डकीमा चार दलका आठ उम्मेदवार
गण्डकी प्रदेशमा राष्ट्रिय सभा सदस्य निर्वाचनका लागि चार दलबाट आठ जनाको उम्मेदवारी परेको छ । सोमबार निर्वाचित अधिकृतको कार्यालय पुगेर उम्मेदवारहरूले मनोनयन दर्ता गराउनुभएको हो ।
बागलुङ महोत्सवमा १० करोडको कारोबार
बागलुङ उद्योग वाणिज्य सङ्घले आयोजना गरेको बागलुङ महोत्सवमा १० करोडको आर्थिक कारोबार भएको छ ।
पोखरा उपत्यकामा पुस २५ र २६ गते जलपन्छी गणना
पोखरामा यही पुस २५ र २६ गते हिउँदे आगन्तुक तथा पानीमा आश्रित पन्छीको गणना गरिने भएको छ । सिमसार, तालतलैया, नदीनालामा आश्रित जलपन्छीको अवस्था, हिउँदे आगन्तुक जलपन्छीको तथ्याङ्क सङ्कलन गर्ने उद्देश्यले पन्छी गणना गरिने भएको हो ।
कोभिड खोपको विद्युतीय अभिलेखीकरणसँगै नागरिकलाई सहज
स्याङ्जाको वालिङ नगरपालिकाले कोभिड १९ विरुद्धको खोप विद्युतीय अभिखेलीकरण गरेको छ । पालिकाले खोप लगाएका व्यक्तिको व्यवस्थित रूपमा अभिलेखीकरण गरेसँगै नागरिकलाई सहज हुने भएको छ ।
पूर्वी नवलपरासीमा आठ करोडको सुन्तला बिक्री
पूर्वी नवलपरासीमा यस वर्ष सुन्तलाको बिक्रीबाट राम्रो आम्दानी भएको छ । नवलपुरमा सुन्तला खेती गर्ने किसानले यस वर्ष आठ करोड ७४ लाख ९० हजार बराबरको सुन्तला बिक्री गरेकोे प्रधानमन्त्री कृषि आधुनिकिकरण परियोजनाका कृषि अधिकृत तथा सूचना अधिकारी रणबहादुर महतोले बताउनु भयो ।
आँधीखोला गाउँपालिकाद्वारा दुई सडक कालोपत्रे
आँधीखोला गाउँपालिकामा दुई सडकको दुई किमी सात सय मिटर सडक कालोपत्रे गरिएको छ । पालिकाले आफ्नै बजेटमा ढेक्का खुलाएर विभिन्न पूर्वाधार निर्माण गरेर सडक कालोपत्रे गरेको हो ।
श्रीमानलाई विदेशबाट घर फर्काउने सरिताको ट्रिक बन्यो तरकारी खेती
‘‘गाउँघरमा विदेश जाने लहर चल्यो । मेरो श्रीमान् पनि साथीहरूको लहलहैमा लागेर विदेश जानुभयो । मैले एक्लै कृषि पेसालाई थामेँ । तरकारी खेतीबाट राम्रो आम्दानी हुन थाल्यो । मेरो कमाई देखेर श्रीमान् विदेशबाट गाउँ फर्किनुभयो, अहिले सँगै कृषिमा रमाएका छौँ ’’ कृषक सरिताकुमारी शर्माले भन्नुभयो । अहिले सरिता र उहाँको श्रीमान् टेकनारायण आचार्य गाउँकै उदाहरणीय कृषक हुनुहुन्छ ।
म्याग्दीको राखुगाउँबाट डेढ करोडको सुन्तला बिक्री
म्याग्दीको बेनी नगरपालिका–३, भकिम्ली राखुगाउँका कृषकले सुन्तला बिक्री गरेर रु डेढ करोडभन्दा बढी रकम गाउँमा भित्र्याउन सफल भएका छन् । यस वर्ष जिल्लामा समग्रमा सुन्तलाको उत्पादन घटेको जनाइएको छ ।
उत्पादन तथा रोजगारमुखी योजना प्राथमिकतामा
गण्डकी प्रदेशका मुख्यमन्त्री सुरेन्द्रराज पाण्डेले उत्पादन तथा रोजगारमुखी योजनालाई प्राथमिकता दिई पञ्चवर्षीय योजनामा समेटिने बताउनुभएको छ । प्रदेश नीति तथा योजना आयोगले तनहुँको बन्दीपुरमा आयोजना गरेको दोस्रो पञ्चवर्षीय योजना निर्माणका लागि सुझाव सङ्कलन तथा अन्तर्क्रिया कार्यक्रममा मुख्यमन्त्री पाण्डेले यस्तो बताउनुभएको हो ।
