प्रदेश मन्त्रालयले गर्यो १२४ कर्मचारीको सरुवा
लुम्बिनी प्रदेशको वन तथा वातावरण मन्त्रालयले १२४ जना कर्मचारीको एकै पटक सरुवा गरेको छ । लुम्बिनी प्रदेश सरकारको नीतिअनुसार वन तथा वातावरणमन्त्री बादशाह कुर्मीले अधिकृतस्तर आठौँ तहसम्मका १२४ जना कर्मचारीको सरुवा गर्नुभएको हो ।
-original-thumb.jpg)
रेसुङगा विमानस्थलबाट उडान पुनः सुरु
झण्डै दुई महिनापछि रेसुङगा विमानस्थलबाट पुनः उडान सुचारु भएको छ । गत असार १४ गतेदेखि खराब मौसमका कारण रेसुङगा विमानस्थलबाट उडान हुन नसकेको नेपाल एयरलाइन्स रेसुङगा विमानस्थलका स्टेसन प्रमुख सुमन थापाले जानकारी दिनुभयो ।
चार सय हेक्टर नेपाली भूभाग डुबान
सीमा क्षेत्रमा भारतले निर्माण गरेको बाँधका कारण जिल्लाको करिब चार सय हेक्टर धान खेती डुबानमा परेको छ । सीमा क्षेत्रसँगै भारतले निर्माण गरेको बजाहा बाँध, महलीसागर बाँध र सिसवा बाँधका ढोका नखोलिँदा नेपालतर्फको धान खेत डुबानमा परेको हो । वर्षाका कारण मायादेवी र यशोधरा गाउँपालिकाका एक दर्जन गाउँका साढे तीन सयभन्दा बढी कृषकको चार सय हेक्टरमा लगाइएको धान खेत डुबानमा परेको छ । तीनदेखि पाँच किमी दक्षिणका खेत पानीमा डुबेपछि धान गलेको छ ।
मन्त्रीपरिषद् सदस्यलाई आचारसंहिता
लुम्बिनी प्रदेशका मुख्यमन्त्री चेतनारायण आचार्यले मन्त्रीपरिषद् सदस्यले पालना गर्नुपर्ने आचारसंहिता लागु गर्नुभएको छ । प्रदेश मन्त्रीपरिषद् बैठकबाट लुम्बिनी प्रदेश सरकार, मन्त्रीपरिषद् सदस्यले पालना गर्नुपर्ने आचारसंहिता, २०८१ लागु गर्ने निर्णय गरिएको हो । सरकारले स्वनियमनको रणनीति बनाएको हो । त्यसका लागि आचारसंहिता लागु गरिएको छ । प्रदेश राजधानीबाहिर भ्रमणमा जाँदा मुख्यमन्त्रीबाट भ्रमणको पूर्वस्वीकृति लिएर मात्र जानुपर्ने, जिल्ला भ्रमणमा जाँदा आन्तरिक मामिला तथा कानुन मन्त्रालयमार्फत सम्बन्धित जिल्ला प्रशासन कार्यालयलाई भ्रमण कार्यक्रमबारे अग्रिम जानकारी गराउनुपर्ने व्यवस्था गरिएको छ ।
तानाशाही प्रवृत्ति देखिएपछि नयाँ दल गठन भयो : महासचिव राई
जनता समाजवादी पार्टी (जसपा) का महासचिव तथा पूर्वमन्त्री मोहम्मद इस्तियाक राईले उपेन्द्र यादवको तानाशाही र मनपरी सहन नसकेर आफूहरुले विद्रोह गरेर नयाँ पार्टी गठन गरेको बताउनुभएको छ।
आँखा उपचार केन्द्रमा स्वास्थ्य बिमा सेवा सुरु
नेपाल नेत्र ज्योति सङ्घ आँखा उपचार केन्द्र तम्घासमा स्वास्थ्य बिमा सेवा सुरु गरिएको छ । नेपाल सरकार स्वास्थ्य बिमा बोर्डअन्तर्गतको स्वास्थ्य बिमा कार्यक्रमको उपचार सेवा यस आँखा उपचार केन्द्रबाट पनि सुरु गर्न लागिएको बताइएको छ ।
नाति पुस्तालाई परम्परागत बाजा सिकाइँदै
बाँकेको खजुरा गाउँपालिका –४ एफगाउँका खेमबहादुर विक ११ वर्षको हुनुभयो । गाउँघरमा हुने विवाह पूजा, धार्मिक कार्यक्रम र अन्य कार्यक्रममा उहाँ आफ्ना हजुरबुवा तिलबहादुरसँगै बाजा बजाउन जानुहुन्छ ।
ऐतिहासिक ‘बटौली’ बजार संरक्षण गरिँदै
बुटवलको पुरानो एवम् ऐतिहासिक बजार ‘बटौली’ लाई सम्पदा संरक्षित क्षेत्रको रुपमा विस्तार गर्नेगरी संरक्षण गरिने भएको छ ।
लिजाको नतिजा गुणस्तर परीक्षणमा रुरुक्षेत्र उत्कृष्ट
कार्यसम्पादनमा अब्बल बन्दै गएको गुल्मीको रुरुक्षेत्र गाउँपालिका स्थानीय तह संस्थागत क्षमता स्वमूल्याङ्कन (लिजा) को नतिजा गुणस्तर परीक्षणमा पनि देशमै उत्कृष्ट बनेको छ ।
गुल्मीमा ८६ प्रतिशत राजस्व सङ्कलन
करदाता सेवा कार्यालय गुल्मीले गत आर्थिक वर्ष २०८०–८१ मा लक्ष्यको ८६ प्रतिशत राजस्व सङ्कलन गरेको छ । कारदाता सेवा कार्यालयले ४६ करोड ४४ लाख रुपियाँ राजस्व संकलन गर्ने लक्ष्य लिएकोमा ३९ करोड ८५ लाख ३३ हजार रुपियाँ मात्र राजस्व संकलन गरेको करदाता सेवा कार्यालय गुल्मीका प्रमुख कर अधिकृत सुरज बस्यालले जानकारी दिनुभयो ।
टिमुर उत्पादनमा वृद्धि
दाङमा टिमुर उत्पादनमा वृद्धि भएको छ । जिल्लाका पहाडी क्षेत्रका किसान टिमुरको व्यावसायिक उत्पादनमा जोडिएपछि टिमुरको उत्पादनमा वृद्धि हुँदैआएको छ ।
रुकुमकाे काँक्री गाउँ
रुकुमपूर्व भूमे गाउँपालिका–२ स्थित रमणीय काँक्री गाउँ । यस गाउँलाई राष्ट्रिय गौरवको आयोजना मध्य पहाडी लोक मार्ग र सहिद मार्गको सङ्गम स्थलको रूपमा रहेको छ ।
मगर साहित्य महोत्सवको तयारी
बुटवलमा पहिलो पटक मगर साहित्य महोत्सव हुने भएको छ । मगर समुदायको भाषा, साहित्य र इतिहासको संरक्षण र प्रवर्धन गर्ने उद्देश्यसहित महोत्सव हुने भएको हो ।
कान्तितालमा मोटरबोट सञ्चालनले चराको बासस्थान सङ्कटमा पर्ने
सीमसार क्षेत्रका रूपमा रहेको नेपालगञ्जको कान्तितालमा दुर्लभ सारसलगायत चराको बासस्थान सङ्कटमा पर्ने जोखिम बढेको छ । तालको स्वरुप परिवर्तन गरेर त्यहाँ मोटरबोट चलाउन प्रयास भएकाले चराको बासस्थान सङ्कटमा परेको संरक्षणकर्मीले बताएका हुन् ।
बुकी पाटनमा चर्दै भेंडा
चार हजार ५०० मिटरको उचाइमा अवस्थित रुकुम पूर्वको पुथा उत्तरगङ्गा गाउँपालिका–१ मा अवस्थित अर्बिजा यार्सा क्षेत्रमा चर्दै गरेका तकसेराका किसानले व्यावसायिक रुपमा पालेका भेंडा ।
द्वन्द्वपीडितको आग्रह हाम्रो दुःख छिटो बिर्साऊ
दाङको घोराहीका प्रकाश चौधरीले सशस्त्र द्वन्द्वको समयमा आफ्नो भाइ गुमाउनुभयो । भाइ गुमाएको पीडा उहाँले बिस्तारै बिर्संदै जानुभएको छ । २०६१ सालमा भाइ विजयलाई गुमाएका प्रकाशले राज्यपक्षबाट हत्या भएको कुरा पछि मात्र थाहा पाउनुभएको हो । राज्यले सङ्क्रमणकालीन न्यायसम्बन्धी ऐन कार्यान्वयनमा लैजान खोजेपछि उहाँले केही हदमा न्याय पाइने अपेक्षासहित पीडा बिर्सने प्रयास गरेको बताउनुभयो । उहाँले भन्नुभयो, “मैले भाइ गुमाएँ तर त्यही कुरा सधैँ सम्झेर सुरक्षा निकायलाई गालीगलौज गर्नुभन्दा हामीलाई पनि सहभागी गराएर यस्ता विषय टुङ्ग्याउन पाए हुन्थ्यो भन्ने लागेको छ ।”
कटानले गाउँबस्ती जोखिममा
डुडुवा खोलाले बर्सेनि गर्दै आएको तीव्र कटान र डुबानका कारण तीन वटा पालिकाका विभिन्न गाउँबस्ती र खेतीयोग्य जग्गा जोखिममा परेका छन् । वर्षाको समयमा डुडुवाको कटान र डुबानबाट कोहलपुर नगरपालिका, नेपालगन्ज उपमहानगरपालिका र डुडुवा गाउँपालिकाका विभिन्न गाउँबस्ती र खेतीयोग्य जमिन अत्यधिक जोखिममा परेका हुन् ।
घर-घरमै पुगेर सुरक्षा भत्ता नवीकरण
गुल्मीको पश्चिमी ग्रामीण भेगमा पर्ने मदाने गाउँपालिका –१, अग्लुङ्गले नागरिकको घरमै पुगेर सामाजिक सुरक्षा भत्ता नवीकरण गरेको छ । यस वडाले सामाजिक सुरक्षा भत्ता लाभग्राहीहरु वडा कार्यालयमा पुग्न समस्या हुने अशक्त, अपाङ्ग र वृद्धवृद्धालाई लक्षित गरी घरमै पुगेर सामाजिक सुरक्षा भत्ता नवीकरण गर्ने गरिएको वडा अध्यक्ष सुशील चन्दले बताउनुभयो ।
जात्रा बढ्यो, जात्रालु घटे
सांस्कृतिक मेला, जात्रा, पर्व संरक्षणका लागि स्थानीयस्तरमा जागरुकता आए पनि पर्व अवलोकनकर्ताको रुचि घट्दै गएको पाइन्छ । तानसेनमा जात्रा हेर्ने दर्शकको सङ्ख्या घट्दो अवस्थामा रहेको छ । सूचना र प्रविधिको विकासले प्रत्यक्ष जात्रा हेर्ने दर्शकको सङ्ख्या घटेको अनुभव स्थानीयको छ । मोबाइलसहितका प्रविधिबाट जात्राको फोटो र भिडियो घरमै बसेर पनि हेर्न सकिने भएपछि प्रत्यक्ष जात्रा हेर्ने अवलोकनकर्ता घटेका तानसेनका स्थानीय सञ्जीवलाल शाक्यले बताउनुभयो । पहिले जस्तो जात्रामा के होला, कसरी निकाल्ने होला, जात्रामा के के हुन्छ भन्ने उत्सुकता प्रविधिले घटाइदिएको उहाँको भनाइ छ । घरमै बसेर पनि जात्रामा आफैँ सहभागी भए जसरी जात्राको भिडियो हेर्न पाए पनि प्रत्यक्ष सहभागी कम हुनु स्वाभाविक भएको भएको शाक्यले बताउनुभयो ।
दुई अर्ब एकचालिस करोडभन्दा बढीको निर्यात
पश्चिम नेपालको प्रमुख व्यापारिक नाका नेपालगन्ज नाकाबाट गत आर्थिक वर्षमा विभिन्न तीन वटा देशमा दुई अर्ब ४१ करोड रुपियाँभन्दा बढीको विभिन्न सामान निर्यात भएको छ । नेपालगन्ज भन्सार कार्यालयबाट प्राप्त भएको तथ्याङ्क अनुसार गत आव २०८०/८१ मा नेपालगन्जस्थित जमुनाहा नाकाबाट भारत, म्यान्मार र संयुक्त अरब इमिरेट्समा दुई अर्ब ४१ करोड ९० लाख ८५ हजार रुपियाँको निर्यात भएको हो ।
उनन्तिस प्रतिशतमा मात्र सिँचाइ
अर्घाखाँचीको कुल खेतीयोग्य जमिनमध्ये २९ प्रतिशत जमिनमा मात्र सिँचाइ सुविधा पुगेको छ । जलस्रोत तथा सिँचाइ विकास डिभिजन कार्यालय अर्घाखाँचीका अनुसार कुल ४५ हजार ७१२ खेतीयोग्य जमिनमध्ये २८ हजार ६०९ हेक्टर क्षेत्रफलमा मात्र खेती हुँदै आएको छ । खेती भएको जमिनमध्ये आठ हजार ४४४ हेक्टर क्षेत्रफलमा मात्र सिँचाइ पुगेको छ ।
खेलकुद मन्त्रीद्वारा ‘सेन्थेटिक ट्रयाक’ निरीक्षण
युवा तथा खेलकुदमन्त्री तेजुलाल चौधरीले नेपालगन्ज रङ्गशालामा निर्माण गरिएको महिना दिन नपुग्दै फुटेको ‘सेन्थेटिक ट्रयाक’ को स्थलगत निरीक्षण गर्नुभएको छ ।
कालोसूचीमा रहेका ग्राहकबाट ८ लाख बढी असुली
नेपाल विद्युत प्राधिकरण पाल्पा वितरण केन्द्रले पाल्पा जिल्लामा ५३ जना कालोसूचीमा रहेका ग्राहकबाट ८ लाख १३ हजार ५०० रुपियाँ असुली गरेको छ ।
भन्सार छलीका सामानबाट नौ करोड बढी राजश्व सङ्कलन
रुपन्देही प्रहरीले भन्सार छलीको सामान नियन्त्रणबाट साढे नौ करोडभन्दा बढी राजश्व सङ्कलन गरेको छ । जिल्ला प्रहरी कार्यालय रुपन्देही र मातहतका कार्यालयको सक्रियतामा आर्थिक वर्ष २०८०-०८१ मा राजश्व सङ्कलनमा उल्लेख्य वृद्धि भएको छ ।
नमस्ते सहकारीमा ठगी, मुद्दा दर्ताको तयारी
बाँकेको नेपालगञ्जस्थित नमस्ते बचत तथा ऋण सहकारी संस्था लिमिटेडमा भएको आर्थिक हिनामिनाको प्रारम्भिक अनुसन्धान पूरा गरी मुद्दा दर्ताको तयारी गरिएको छ ।
