नेपालले दियो भारतलाई २३१ रनको प्रतिस्पर्धात्मक लक्ष्य
एसिया कप क्रिकेटमा नेपालले जितका लागि भारतलाई दुई सय ३१ रनको प्रतिस्पर्धात्मक लक्ष्य दिएको छ । श्रीलङ्काको केन्डीस्थित पालेकेल अन्तर्राष्ट्रिय क्रिकेट मैदानमा टस हारेर पहिले ब्याटिङको निम्तो पाएको नेपालले ४८.२ ओभरमा सबै विकेटको क्षतिमा दुई सय ३० रन बनायो ।
वर्षाका कारण खेल रोकियो
एसिया कपअन्तर्गत नेपाल र भारतबीच भइरहेको एक दिवसीय अन्तर्राष्ट्रिय क्रिकेट वर्षाले रोकिएको छ । वर्षाले खेल रोकिँदा टस हारेर पहिले ब्याटिङ गरेको नेपालले ३७.५ ओभरमा ६ विकेटको क्षतिमा १७८ रन बनाएको छ ।
एसिया कपका खेलाडीलाई पालिका अध्यक्षले नगद पुरस्कार दिने
धनुषाको जनकनन्दनी गाउँपालिकाका अध्यक्ष दिपिनदेव यादवले एसिया कप क्रिकेट प्रतियोगिताअन्तर्गतको सोमबार भएको नेपाल–भारतबीचको खेलमा सहभागी नेपाली खेलाडीलाई प्रदर्शनका आधारमा पुरस्कार दिने घोषणा गर्नुभएको छ ।
राष्ट्रपति पौडेल नेपाल र भारतबीचको एसिया कप खेल हेर्नुहुँदै
राष्ट्रपति रामचन्द्र पौडेल एसिया कपअन्तर्गत नेपाल र भारतबीचको खेल अवलोकन गर्दै ।
आसिफ अर्धशतक बनाएपछि आउट
एसिया कप क्रिकेटमा भारतविरुद्ध पहिले ब्याटिङ गरेको नेपालले पाँच विकेट गुमाएको छ ।
आसिफको अर्धशतक
एसिया कपअन्तर्गत भारतविरुद्धको खेलमा नेपालका प्रारम्भिक ब्याट्सम्यान आसिफ शेखले अर्धशतक बनाउनुभएको छ ।
एसिया कप : नेपालले एक सय रन पूरा
एसिया कप क्रिकेट प्रतियोगिताअन्तर्गत भारतविरुद्धको खेलमा नेपालले एक सय रन पूरा गरेको छ ।
नेपालले चौथो विकेट गुमायो
एसिया कपअन्तर्गत भारतविरुद्धको खेलमा नेपालले चौथो विकेट गुमाएको छ । नेपालका युवा ब्याट्सम्यान कुशल मल्ल दुई रनमा पवेलियन फर्कनुभयो ।
कप्तान रोहित विपक्षी कप्तान रोहितबाट क्याच आउट
एसिया कपअन्तर्गत भारतविरुद्धको खेलमा नेपालले तेस्रो विकेट गुमाएको छ । नेपालका कप्तान रोहित पौडेलले रवीन्द्र जडेजाको बलिङमा स्लिपमा भारतीय कप्तान रोहित शर्मालाई क्याच दिनुभयो । रोहितले आठ बलमा पाँच रन मात्र बनाउन सक्नुभयो ।