गोरखापत्र
पहिरो हटाएपछि सिद्धार्थ राजमार्गमा एकतर्फी सवारी सञ्चालन
अविरल वर्षाले ढुङ्गासहितको पहिरो खसेपछि अवरुद्ध बनेको सिद्धार्थ राजमार्ग एकतर्फी रुपमा खुलेको छ । सडक डिभिजन कार्यालय पाल्पा र जिल्ला प्रहरी कार्यालय पाल्पाको पहलमा सडकमा खसेको पहिरो हटाएपछि अहिले एकतर्फी सडक सञ्चालनमा आएको छ ।
नदीमा हाम फालेका एक महिलाको शव फेला
कैलालीको कान्द्रा नदीमा हाम फालेका महिलाको आज शव भेटिएको छ । भजनी नगरपालिका–५ लालबोझीकी ४० वर्षीया रीमा डङ्गौराको शव टीकापुर नगरपालिका–७ स्थित मोहना नदीमा फेला परेको हो । जिल्ला प्रहरी कार्यालयका अनुसार बाढी आएको बेला आइतबार साँझ उहाँले कान्द्रा नदीमा हाम फाल्नु भएको थियो ।
वादी समुदायका माग सम्बोधन गर्न कार्यदल गठन
वादी समुदायका समस्या समाधानका लागि कार्यदल गठन गरिएको छ । वि.सं. २०७७ फागुन १० गते आवास र रोजगारीलगायत विभिन्न माग राख्दै आन्दोलित भएका वादी समुदाय र कर्णाली प्रदेश सरकारबीच ५ बुँदे सहमति भएको थियो ।
भूकम्पपीडितलाई अनुदान रकम लिन सकस
सिन्धुली जिल्लामा बजेट अभावमा भूकम्पपीडित लाभग्राहीले निजी आवास निर्माण तथा मर्मतको अनुदान रकम पाउन कठिन भएको छ । बजेट अभावमा निजी आवास निर्माण तथा मर्मत गरेका लाभग्राहीलाई उक्त अनुदान रकम दिन नसकेको शहरी विकास तथा भवन डिभिजन कार्यालय सिन्धुलीले जनाएको छ ।
चट्याङ लागेर तीन जनाको मृत्यु
सुदूरपश्चिम प्रदेशमा आज चट्याङ लागेर तीन जनाको मृत्यु भएको छ । खेतमा काम गरिरहेको अवस्थामा कैलालीमा एक र कञ्चनपुरमा दुई गरी तीन जनाको ज्यान गएको हो । प्रहरीकाअनुसार कैलालीको गोदावरी नगरपालिका–३ मालाखेतीस्थित खेतमा रोपाइँ गरिरहेको अवस्थामा कञ्चनपुरको कृष्णपुर नगरपालिका–५ का ४८ वर्षीय पुनाराम चौधरीको चट्याङ लागेर ज्यान गएको छ । मृतक चौधरी रेडियन्ट ग्यासको खेतमा काम गर्दै हुुनुहुन्थ्यो ।
दूध लिन गएका दुई बालिका पोखरीमा मृत फेला
कैलालीको लम्कीचुहा नगरपालिका वडा नम्बर ८ मलभङ्गामा इँटाभट्टामा जमेको पानीमा डुबेर दुई बालिकाको ज्यान गएको छ । असार १३ गते सोमबार साँझ छ बजेतिर छिमेकमा दूध लिनगएका लालबहादुर विष्टका सात वर्षीया छोरी आश्रिया विष्ट र भीमबहादुर कुँवरका छ वर्षीया छोरी भावना कुँवरको ज्यान गएको हो ।
अवैध रकमको चलखेल : हुन्डीसम्बन्धी कानुन नै छैन
नेपाली वा विदेशी नागरिकले विदेशी मुद्रा वा अमेरिकी डलर पाँच हजारभन्दा बढी आफ्नो साथमा बोकेर ल्याउँदा भन्सारमा प्रमाणित गर्नुपर्ने ऐनमा व्यवस्था छ ।
दमक नगरपालिका बाढीको उच्च जोखिममा
रतुवा र मावा खोलाको बीचमा रहेको दमक नगरपालिका लगातरको वर्षाका कारण बाढीको उच्च जोखिममा परेको छ । रतुवा र मावा वस्तीमा पस्न थालेपछि जनप्रतिनिधि, सुरक्षाकर्मीलगायतको टोली खोला किनारमा तत्काल बाढी नियन्त्रणको प्रयासमा छन् ।
जुजुधौ व्यवसायीलाई माग धान्ने चटारो
भक्तपुरका जुजुधौ व्यवसायीहरुलाई यतिबेला माग धान्ने चटारो परेको छ । नेपाली लोकपरम्परा अनुसार भोलि बुधबार असार १५ रोपाइँ महोत्सव गरी दही चिउरा खाने दिन । असार १५ को अवसरमा दहीको माग उच्च हुने भएकाले भक्तपुरका जुजु धौ व्यवसायीलाई माग धान्न चटारो परेको हो ।
बीपी प्रतिष्ठानमा असार २० गतेदेखि स्वास्थ्य बीमा स्थगित हुँदै
धरानस्थित बीपी कोइराला स्वास्थ्यविज्ञान प्रतिष्ठान असार २० गतेदेखि स्वास्थ्य बीमाको सबै सेवा स्थगित हुुँदैछ । उपकुलपति ज्ञानेन्द्र गिरीले ३४ करोडभन्दा बढी बीमा रकम बीमा बोर्डबाट उपलब्ध नभएको भन्दै यही असार २० गतेदेखि स्वास्थ्य बीमाका सम्पूर्ण सेवाहरु स्थगन हुने बताउनुभयाे ।
मिलनको हत्यामा सहभागी चार युवक ३ घण्टामै प्रहरीद्वारा पक्राउ
कुटपिट गरेर सडकमा फालेर भागेपछि उपचारको क्रममा काठमाडाैँमा मृत्यु भएका बाँकेका एक युवकको हत्यामा संलग्न चार युवकलाई प्रहरीले ३ घण्टामै पक्राउ गर्न सफल भएको छ ।
अविरल वर्षाका कारण पाल्पा- बुटवल सडकखण्ड अवरूद्ध
गएरातिदेखि परेको अविरल वर्षाका कारण सिद्धार्थ राजमार्ग अन्तर्गत पाल्पा- बुटवल सडक खण्ड अवरूद्ध बनेकाे छ । सिद्धवाबा क्षेत्रमा पहिराे खस्दा विहानैदेखि सडक अवरुद्ध भएको हाे । सडकमा लेदोसहित ढुङ्गा खसेकाे प्रहरीले जनाएकाे छ ।
अहिले पनि नेपाल अर्धऔपनिवेशिक अवस्थामा छ : अध्यक्ष केसी
राष्ट्रिय जनमोर्चाका अध्यक्ष चित्रबहादुर केसीले देश अर्धऔपनिवेश अवस्थामा रहेको बताउनुभएको छ । राजधानीमा आयोजित 'नेपालमा समाजवादः चुनौती र सम्भावना' विषयक अन्तरक्रिया कार्यक्रममा आफ्नो धारणा राख्नुहुँदै उहाँले साे धारणा राख्नुभएकाे हाे ।
टिकट नपाएपछि पार्टीभित्र अन्तरघात : उपसभापति खड्का
नेपाली कांग्रेसका केन्द्रीय उप–सभापति पूर्णबहादुर खड्काले टिकट नपाएको झोकमा पार्टीभित्रै अन्तरघात भएको बताउनुभएको छ । आइतबार सुर्खेतमा भएको स्थानीय तह निर्वाचन–२०७९ बाट निर्वाचित कांगे्रस जनप्रतिनिधिलाई शुभकामना एवम् अभिमुखीकरण कार्यक्रममा उपसभापति खड्काले यस्तो बताउनुभएको हो ।
राजनीतिक उपलब्धिका कारण जीवन फेर्न सक्यौं कि सकेनौं ? : माओवादी नेता श्रेष्ठ
नेकपा (माओवादी केन्द्र)का नेता नारायणकाजी श्रेष्ठले समसामयिक राजनीतिक तथा सैद्धान्तिक विषयमा बोल्नुहुँदै राजनीतिक उपलब्धीबाट जनताको जीवन फर्न सक्यौं कि सकेनौं भन्ने प्रश्न गर्नुभएको छ ।
