शिक्षक महासंघको केन्द्रीय अध्यक्षमा बाबुराम

गोरखापत्र समाचारदाता-
काठमाडौं फागुन २९ गते । नेपाल शिक्षक महासंघको केन्द्रीय अध्यक्षमा बाबुराम थापा निर्वाचित हुनुभएको छ ।
राजधानीमा सम्पन्न महासंघको पहिलो राष्ट्रिय अधिवेशनले थापालाई अध्यक्षमा चयन गरेको हो । महासंघ नेपाल शिक्षक संघ, नेपाल राष्ट्रिय शिक्षक संगठन, अखिल नेपाल शिक्षक संगठनका साथै विद्यालय कर्मचारीका संस्था समेत आवद्ध रहेका छन् । महासंघ शिक्षक तथा कर्मचारीको छाता संस्था हो ।
महासंघका मुख्य दुई घटक नेपाल शिक्षक संघ र नेपाल राष्ट्रिय शिक्षक संगठनवीचको विगतको सहमतिका आधारमा यसपटक संगठनका अध्यक्ष समेत रहनुभएका थापाको नेतृत्वमा महासंघको नेतृत्व चयन गरिएको हो । यसअघि नेपाल शिक्षक संघका अध्यक्ष केशव निरौला नेपाल शिक्षक महासंघको अध्यक्ष हुनुहुन्थ्यो ।
संघको अधिवेशनले १९ पदाधिकारीसहित ६१ सदस्यीय कार्यसमिति पनि चयन गरेको छ । महासंघमा यसपटक विभिन्न १६ वटा संस्था आवद्ध रहेका छन् ।
महासंघका नवनिर्वाचित अध्यक्ष थापाले शिक्षकको पेशागत हकहितका लागि गुणस्तरीय शिक्षाका लागि महासंघले अगुवाई गर्ने बताउनुभयो । सार्वजनिक शिक्षाको सुदृढीकरणका लागि महासंघले भूमिका खेल्ने र यसका लागि ठोस कार्ययोजना सहित अघि बढ्ने उहाँले उल्लेख गर्नुभयो ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds