अविनाश चौधरी
धनगढी, मङ्सिर ६ गते । कैलाली क्षेत्र नम्बर ३ मा नागरिक उन्मुक्ति पार्टीका गंगाराम चौधरी प्रतिनिधि सभा सदस्यमा जित नजिक पुग्नु भएको छ ।
कुल ६१ हजार ६६८ मत खसेको यो क्षेत्रमा हालसम्म ५५ हजार ९०२ मत गणना हुँदा चौधरी २० हजार २३४ मतका साथ अग्रस्थानमा हुनुहुन्छ । उहाँको जित लगभग सुनिश्चित भएको छ ।
यसैगरी, गठबन्धनका तर्फबाट माओवादी केन्द्रका उम्मेदवार कृष्णकुमार चौधरी कुन्दनले १४ हजार ९४६ मतका साथ पछ्याइरहनु भएको छ । क्षेत्र नम्बर ३ को अब साढे पाँच हजार मत मात्रै गणना गर्न बाँकी रहेको छ । यस्तै, नेकपा (एमाले) का गौरीशङ्कर चौधरीले आठ हजार २६९ मत प्राप्त गर्नु भएको छ ।
