ट्रकको ठक्करबाट मोटरसाइकल चालकको मृत्यु

बोमलाल गिरी

नवलपुर, फागुन २८ गते । नवलपुरमा ट्रकको ठक्करबाट एक जनाको मृत्यु भएको छ । बुटवलबाट नारायणघाटतर्फ जाँदैगरेको बागमती प्रदेश ०३–००१ नम्बरको ट्रकले विपरीत दिशामा गुडिरहेको लु ५० प ४७०९ नम्बरको मोटरसाइकललाई कावासोती नगरपालिका–८ खरकट्टाको जङ्गलमा ठक्कर दिएको हो ।

ट्रकको ठक्करबाट धादिङको गंगाजमुना गाउँपालिका–५ घर भई हाल नवलपुरको कावासोती–३ अट्ठाइस बिघा बस्ने २० वर्षीय विश्वामित्र गुरुङ रहेको जिल्ला प्रहरी कार्यालयका प्रहरी निरीक्षक साजन शर्माले जानकारी दिनुभयो । 

ट्रकको ठक्करबाट घाइते गुरुङलाई उपचारका लागि जिल्ला अस्पताल डण्डामा लैजाने बित्तिकै चिकित्सकले मृत घोषणा गरेको प्रहरी निरीक्षक शर्माले जानकारी दिनुभयो । दुवै सवारी साधन र ट्रक चालकलाई नियन्त्रणमा लिएर अनुसन्धान भइरहेको प्रहरीले जनाएको छ ।