डर र शक्तिको खेल ‘रङ्गेली’

काठमाडौँ, फागुन १० गते । चलचित्र ‘रङ्गेली’ को ट्रेलर सार्वजनिक भएको छ । बुधबार एक कार्यक्रमबिच चलचित्रको ट्रेलर सार्वजनिक गरिएको हो । 

डर र शक्तिको खेलका रूपमा प्रस्तुत गरिएको ट्रेलरमा चलचित्रका प्रमुख कलाकारलाई समेटिएको छ । नेपालको तराई क्षेत्रका विविध घटना र आयामलाई दृश्यमार्फत देखाउने कोसिस गरिएको ट्रेलरमा राजनीतिक असरको समेत झल्को दिइएको छ ।

अर्जुन सुवेदीको लेखन तथा निर्देशन रहेको चलचित्रमा दयाहाङ राई, मिरुना मगर, अर्पण थापा, प्रवीण खतिवडा, रमेश बुढाथोकीलगायतका कलाकारको अभिनय छ । चलचित्र फागुन २५ गते महाशिवरात्रिको दिनबाट प्रदर्शनमा आउँदै छ ।