काठमाडौं, फागुन ६ गते । प्रहरीले पोर्चुगल पठाउने भन्दै आठ लाख ३० हजार रुपियाँ रकम ठगी गर्ने २६ वर्षीय समीरकुमार कर्णलाई पक्राउ गरेको छ।
काठमाडौँ उपत्यका अपराध अनुसन्धान कार्यालयका प्रवक्ता प्रहरी उपरीक्षक रवीन्द्र रेग्मीका अनुसार कर्णले सम्पूर्ण तामाङलाई पोर्चुगल जान १६ लाख रुपियाँ लाग्ने र पोर्चुगल पुगेपछि प्रतिष्ठित कम्पनीमा प्याकिङको काममा मासिक तलब एक लाख ५० हजार रुपियाँ हुने भनी विश्वास दिलाएर प्रलोभनमा पारेका थिए ।
प्रहरीका अनुसार स्थायी घर चितवन खैरेनी नगरपालिका वडा नम्बर २ घर भएर हाल भक्तपुर सूर्यविनायक नगरपालिका बालकोट बस्दै आएका उनलाई काठमाडौँ महानगरपालिका वडा नम्बर ३१ बानेश्वर पानीट्याङ्कीबाट पक्राउ गरेर थप अनुसन्धान तथा कारबाहीका लागि वैदेशिक रोजगार विभाग ताहाचल पठाइएको छ ।
