म्याराथनमा विश्व कीर्तिमानी केल्भिनको दुर्घटनामा निधन

केन्या, माघ २९ गते । हालको म्याराथनमा विश्व कीर्तिमानधारी केल्भिन किप्टम र उहाँका प्रशिक्षक गेर्भाइस हाकिजिमानाको आइतबार राति सडक दुर्घटनामा मृत्यु भएको केन्याली प्रहरीले पुष्टि गरेको छ।

एल्डोरेटको रिफ्ट भ्याली शहर बाहिर सडक दुर्घटनामा मृत्यु भएको हो । 

टोयोटा प्रिमियो चलाउँदै आएका २४ वर्षीय केन्याली खेलाडी र उहाँका प्रशिक्षकको दुर्घटनामा घटनास्थलमै मृत्यु भएको एल्गेयो माराक्वेट काउन्टीका प्रहरी कमाण्डर पिटर मुलिङ्गेले सीएनएनलाई बताए।

उनीहरूसँगै बसेका अर्का व्यक्ति गम्भीर चोटका साथ बाँचेको जनाइएको छ । 

‘‘केल्भिनले नियन्त्रण गुमाए, सडकबाट ओर्लिए, ६० मिटर टाढाको खाल्डोमा खसे र ठूलो रुखमा ठोक्किए’’ मुलिङ्गेले भनेका छन् । 

केल्भिनले गत वर्ष अक्टोबरमा शिकागो म्याराथनमा किप्टमको विश्व कीर्तिमान २ः००ः३५ म्याराथन समयलाई विश्व एथलेटिक्सले केही दिन अघि अनुमोदन गरेको थियो। उसले त्यो रेकर्ड गति स्थापित गर्नु अघि एक वर्ष मात्र छोटो दूरीको दौडबाट म्याराथन दौडमा स्विच गरेको थियो।

केल्भिनले आफ्नो व्यक्तिगत उत्कृष्ट समयलाई ५० सेकेण्डमा सुधार गर्दै केन्याका इलिउड किप्चोगेले बनाएको कीर्तिमानलाई ५० सेकेन्डले उछिनेर विश्व कीर्तिमान कायम गरेका थिए । सीएनएन