श्रेष्ठलाई सम्मान

काठमाडौँ, माघ २० गते  । वरिष्ठ कलाकार मदनकृष्ण श्रेष्ठलाई राष्ट्रिय प्रतिभा सम्मान प्रदान गरिएको छ । नेपाल राष्ट्रिय कर्मचारी सङ्गठनको १७ औँ साधारण सभाका अवसरमा शुक्रबार राजधानीमा आयोजित समारोहमा उहाँलाई प्रतिभा सम्मान प्रदान गरिएको हो ।

सो अवसरमा सङ्गीतकार दीपक जङ्गमले मदनकृष्ण श्रेष्ठले विगत लामो समयदेखि समाजलाई सकारात्मक सन्देश दिन सफल हुनुभएको भन्दै चर्चा गर्नुभयो । सो अवसरमा कलाकार मदनकृष्ण श्रेष्ठले गाउनुभएको ‘ती नयन शरावी’ गीतको म्युजिक भिडियोको लोकार्पण गरियो ।