देशको बलो छानो धुरी समाएर,
त्यो युवक बसेको छ मजबुरी समाएर ।
बा बर्खाभरि यही खेतमै सुते,
साहु हिँड्यो धान मुरिका मुरि समाएर ।
यो विज्ञान जुधाउने युग हो,
पर्ख अघि नसर त्यसै खुकुरी समाएर ।
पसिनाको बास्ना खेतमा उभिँदा थाहा हुन्छ,
के बजार्छाैं ढुङ्गा इँटा सडकमा बहादुरी समाएर ।
बिचमा बाङ्गिएको लौरो आमाबालाई दियौँ,
खुब घुमाएथे बचपनमा पाखुरी समाएर ।
कानुन ऊ त्या भित्र मन्थन हुन्छ,
निमुखा गेटमा बसिरहन्छ उजुरी समाएर ।
