भिरबाट लडेर वृद्धको मृत्यु

गुणबहादुर रोका

सुलीकोट, पुस १० गते।  भीरबाट लडेर एक वृद्धको मृत्यु भएको छ।  गोरखाको बारपाक सुलीकोट गाउँपालिका–७ पाँचखुवा देउराली घर भएका ८५ वर्षीय अमरबहादुर गुरुङको मृत्यु भएको जिल्ला प्रहरी कार्यालय गोरखाका सूचना अधिकारी डिएसपी रमेशकुमार श्रेष्ठले जानकारी दिनुभयो।  

उहाँका अनुसार गुरुङ घर नजिकैको भीरबाट १०० मिटर तल खसेर गम्भीर अवस्थामा हुनुभएको थियो।  गम्भीर घाइते  गुरुङलाई तत्कालै उपचारको  लागि चितवनको  भरतपुर लगिएको थियो।  

गुरुङको उपचारको क्रममा सोमबार साँझ अस्पतालले मृतक घोषण गरेको जिल्ला प्रहरी कार्यालय गोरखाले जनाएको छ।